【2024 DSE Mock Exam全攻略】各大模擬試嘅優劣之處

AfterSchool
AfterSchool 2020-10-20 63,354
2023 DSE就到,AfterSchool為你分析市面上唔同模擬試嘅優劣之處,包括學友社Mock Exam、遵理Mock Exam、學校模擬考試等等。
每年嘅 1、2 月都係考 Mock Exam 嘅季節,市面上有林林總總嘅機構搞唔同嘅模擬試,到底模擬考試係咪真係有用?要考 Mock嘅,又應該報邊間機構嘅 Mock 呢?呢篇文將會一次過解答晒你對 HKDSE Mock Test 嘅所有問題!

點解要考 DSE Mock Exam?

凡事及早準備就更加容易成功!咁究竟點解要考 Mock 呢?同學校平時考試有乜唔同呢?等 AfterSchool 話你知啦!

1. 感受 DSE 氣氛,減少怯場機會

考試你就由細考到大,但係 DSE 嘅規模、有咁多人係埋一齊考試,你又慣唔慣呢?Mock Exam 嘅其中一個重點就係跟足 DSE 嘅格式,等你可以喺 DSE 前感受下文憑試嘅氣氛、感受下比人擾敵嘅心情,為你到時上「戰場」做好準備!

2. 透過模擬試去了解自己弱點

同你屋企自己操卷唔同,考 Mock Exam 嗰陣個考官叫你 “Pens down!” 你就真係要即刻停筆。而且,喺真實嘅考試環境下,你絕對會比平時緊張十倍,所以模擬試亦係一個好好訓練你喺唔同環境下都要保持水準嘅大好機會!
最正嘅係,一般考完模擬試後,老師 / 導師除咗話你知攞幾分、咩 grade 之外,更加為你提供詳細嘅評分或評語,等你可以更深入去了解自己嘅問題,從而喺 DSE 前作出針對性嘅改善

3. 了解 DSE 流程

DSE Mock Exam 講明係模擬試,所以會將文憑試所有嘅程序都模擬一次,試過一次之後就可以確保你應考 DSE 嗰陣,唔會因為唔習慣文憑試考場規矩而狼狽不堪!DSE 同學校考試唔同,規則都要講 5 - 10 分鐘先完,聽漏咗條分分鐘會被扣分㗎!

4. 預測成績 知道自己 DSE Predicted Grade

雖然學校都會根據你嘅校內成績去預測你嘅 DSE 分數,但係喺中學生涯入面,學校嘅測驗同考試一般都係 By Topic 咁考你。唔通你真係要等到 DSE 先嘗試第一次試考 DSE 咩!
所以 AfterSchool 強烈建議同學們,無論係學校嘅 Mock ,抑或係街外嘅 Mock 都要認真看待!無論貴定平都好,對你嚟講都係一個好重要嘅「經驗」!有「經驗」分分鐘可以將你由死亡幽谷拉上 5** 天堂!
想查詢更多有關《AfterSchool 2024 DSE 模擬考試》嘅內容細節?或者你係學校老師想幫學生團購報讀?AfterSchool 歡迎各位 WhatsApp 我哋!

比較各個模擬試的優劣之處

DSE 前有咁多 Mock Exam!到底邊個模擬試先真正適合我? 一個好嘅模擬文憑試(DSE Mock Exam)最重要嘅就係可以比你感受到 DSE 氣氛,減少你怯場機會之餘;考試嘅題目、預測嘅分數、所有嘅部分都要貼近文憑試!唯有像真,你又認真看待嘅時候,先可以發揮到 Mock Exam 嘅最大功用!
 
通常同學會遇到嘅 Mock Exam 有三種
1. 學友社 Mock Exam
2. 大型補習社 Mock Exam
3. 學校 Mock Exam
喺下面 AfterSchool 就會同大家分析三種 Mock Exam 嘅優劣之處,幫你搵出最合適嘅模擬試! 
 

學友社 Mock Exam (Hok Yau Club Mock Exam)

學友社 Mock Test 一直都係學校同學生嘅心頭好,但係學友社模擬考試又有啲咩優點同缺點呢?

學友社模擬試優點

1. 價錢便宜
學友社嘅 Mock 價錢非常親民,同收緊 $800 幾一科嘅大型補習社相比,學友社嘅 Mock 只係收緊 $150,差唔多係四分之一嘅價錢
2. 可以模擬
DSE 氣氛 學友社嘅考場選址都係喺學校禮堂,剛好就係 DSE 嘅考場選址!因此參加學友社嘅模擬試可以感受到 DSE 考場去嘅氣氛,同時都可以感受到去陌生考場嘅緊張感!仲可能會面臨睇唔到鐘、考場冇鐘、冷氣太凍、身邊考生擾敵嘅情況。
 

學友社 Mock 缺點

1. 試題難易度欠奉
學友社嘅 Mock Exam 經常都被評偏容易,所以難以考測學生真實成績;雖然佢有齊中文、英文 English、數學 Maths、通識 LS 4 科主科,但係好多同學都話學友社嘅 Predicted Grade 同自己真實嘅成績好唔同、或者同學校嘅預測成績有好大嘅差異。不過如果淨係想感受 DSE 考場氣氛,學友社嘅 Mock Test 真係一個唔錯嘅選擇。
2. 試卷解說安排
學友社嘅 Mock 試卷解說大多都係網上 online 進行,佢地會將片段 Post 上自己嘅 YouTube Channel,但係片段比較少介紹負責解說嘅導師係邊個、而且同學需要自行上網尋找解說嘅片段;唔少學生因為惰性、或者因為唔知道片段已經上載而白白錯失檢視自己錯誤嘅機會。
***學友社 Mock Exam 詳情
  

大型補習社 Mock Exam (e.g. 遵理 Beacon、英皇、現代) 

大型補習社 Mock Exam 優點

1. 可以模擬 DSE 氣氛
大型補習社(e.g. 遵理 Beacon、 英皇、現代)嘅 Mock Exam 選址地點大多為會議展覽中心,雖然場地比正式規模嘅 DSE 考場大上幾倍,但係同其他唔認識嘅同學一齊考試、同學都需要面對好多唔同突發嘅狀況、擾敵嘅強度都係不容忽視。

 如果可以戰勝喺大型補習社考場嘅學生擾敵嘅伎倆,相信你喺真正嘅 DSE 戰場上,至少心理戰都唔會輸!
2. 試卷難度較高、預測分數較準
大型補習社模擬試(例如 遵理 Mock Exam)嘅優點就係試卷難度比較高,同學可以清楚知道自己嘅弱項並加以操練;而且因為考該試卷嘅人數比較多,因此喺咁多嘅模擬試當中 ,預測嘅分數或者話排名可以較為反映出 DSE 嘅真實狀況。

大型補習社 Mock Exam 缺點

1. 價錢非常昂貴
單單係一科嘅價錢,已經可以夠你食幾次放題嘅程度。但係唔少嘅中學生基於「人考我唔考就會顯得遜色」嘅心理,人報我就報!甚至有學生由中四就開始參加模擬試!同學喺考模擬試之前記得要先思考究竟「點解」自己要去考,同需要考嘅必要啊!
2. 改卷速度
多人考係大型補習社嘅優點;但同樣地都係佢地嘅缺點:因為多人考嘅關係,所以屢次出現試卷改唔切、甚至喺臨考DSE先派發翻比考生,考生根本冇時間可以溫習。如果成績不佳又唔夠時間準備嘅話,會嚴重影響考生應考 DSE 嘅心情。
 

學校 DSE Mock Exam

每一間學校都會有 Mock Exam,小編甚至聽過有學校有 Pre-Mock 添!咁辛苦咁整個 Mock Exam 出嚟,都係想你可以習慣文憑試嘅出題模式,喺 DSE 打勝仗再翻嚟!

學校 Mock 優點

1. 免費
學校嘅 Mock 係學校免費提供比你嘅,所以價錢係「免費」!呢個係學校 Mock 最大嘅優點之一!
2. 詳細解說
學校嘅老師會叫你哋翻嚟上堂,萬一講唔曬份卷都可以補課,一定會比出面嘅補習社花更多嘅時間喺試卷解說上面;而且你唔識嘅話仲可以喺教員室搵翻老師問到識為止!

有啲老師甚至會將自己嘅 WhatsApp 比同學,務求可以成為同學喺 DSE 考場上嘅最強後盾!

學校 Mock 缺點

1. 難以模擬 DSE 氣氛
就算有 DSE 嘅規模、學校作為考場背景都好,呢個禮堂你都對咗六年,對呢個環境最熟悉不過,所以根本無法模擬唔習慣陌生環境嘅情況。

再者,你身邊嘅同學最少都對咗三年幾,所以你唔會有任何緊張感。
2. 試題像真度
除非出題嘅老師曾經擔任 DSE 出卷員,如果唔係學校嘅模擬試大多都係維持係學校校內同學成績嘅水準;而學生呢六年入面其實一直做緊學校出嘅試題,所以已經習慣試題嘅模式、試題嘅簡易度。

因此,比起話似 DSE Mock,對大部分學生而言其實呢個只係學校嘅普通考試...
3. 質素取決於老師嘅資歷同用心程度
畢竟唔同學校、唔同科都會有唔同嘅老師,而老師嘅用心程度同資歷都會大有不同,所以呢個真係睇你好唔好彩。  
  

AfterSchool 2024 DSE Mock Exam

AfterSchool 都有!你唯一需要嘅 DSE 模擬文憑試!AfterSchool 今年提供 CP 值極高嘅 Mock Exam 畀大家!

AfterSchool Mock Exam 優點

1. DSE 級別試卷
出卷導師都曾多次參加 DSE,非常熟悉考評局出題套路,試題經過反覆研究設計,還原翻歷界公開試出題模式,絕對體驗到接近 DSE 級別嘅 Mock Exam! 導師喺解卷攻略班更會為你拆解刁鑽試題、常犯錯誤,避開大部份考生中過嘅陷阱 !

2. 價錢合理
AfterSchool 平均每科嘅考試費,連埋早鳥優惠,竟然比大型補習社平$200 - $400!即係你報夠 2 科就已經可以幫你慳返成 $250!價錢合理、導師嘅水準更不遜色於大型補習社!

3. 承諾改卷速度
AfterSchool 明白大家想要及早收到試卷答案,因此承諾平均 6 個星期就可以發還試卷畀大家,等你可以及早溫習!佢哋承諾所有嘅試卷都會以DSE評分準則用心批改,確保試卷評核質素同同學可以從導師個人化嘅評語中得到改善,真正提升你嘅 DSE 應試能力!

4. 無限支援
解卷攻略班可以喺 DSE 前無限次網上重溫,等你可以按照自己需要、進度作最後衝刺。同學有咩唔明,更加可以隨時隨地 WhatsApp 問翻導師!

AfterSchool Mock Exam 缺點

1. 勁少名額
為咗保持上面嘅優勢,AfterSchool 嘅 Mock Exam 平均每科只可以收~100名考生。所以相比起其他嘅 Mock Exam,AfterSchool 嘅 Mock Exam 名額真係十分之有限,想報名搶位要趁早!

AfterSchool 嚟緊嘅 1 月會推出 Mock Exam,而家開放報名啦~
《AfterSchool 2024 DSE 模擬考試》將會涵蓋多個科目,包括中文、英文、數學、化學、物理、經濟! 喺 2023 年 12 月 31 日前報名參加更加可以有「早鳥優惠」,所有科目低至 7 折!
想查詢更多有關《AfterSchool 2024 DSE 模擬考試》嘅內容細節?或者你係學校老師想幫學生團購報讀?AfterSchool 歡迎各位 WhatsApp 我哋!

報考 DSE Mock Exam 嘅最後攻略

其實簡單嚟講,無論係學校嘅 Mock Exam 或者係坊間其他機構嘅模擬試,不論準確度有幾高,同學都應該全力以赴!撇除學校嘅模擬式外,其他三種機構嘅模擬試,係分別適合以下呢三類考生嘅:

考生A:我單純想感受下文憑試氣氛,份卷高唔高質無咩所謂
呢類同學可以揀學友社模擬考試,雖然參考過往同學嘅說法,試卷難度同 DSE 嘅相似程度就真係有所保留,但因為係價錢上真係比大型補習社平 70 - 80%,所以價錢方面真係贏幾條街。

考生B:我想同多啲人一齊考,派唔切卷同價錢對我都唔係問題!
大型補習社(例如遵理模擬試)就絕對啱晒呢種同學!雖然價錢最貴(主科約$8XX一科),而且有時改卷又改唔切,搞到 DSE 前先啱啱好收到份卷,完全唔夠時間去睇翻自己有咩問題。
但論學生人數嘅話佢的而且確係全港最多,所以如果你單純想追求果種「千人同場」嘅震撼的話,大型補習社嘅 Mock Exam 的確啱你嘅~
 
考生C:我想考 Mock 之餘,又可以真正喺 DSE 前提升我嘅應試能力
咁 AfterSchool 嘅模擬試就絕對啱晒你!除咗內容認真之外,價錢亦比大型補習社平唔少!
最緊要嘅係,每份卷都會由導師星級教學團隊親自批改,絕不假手於人,而且導師仲會為每個考生提供個人化嘅建議,針對性改善你嘅致命弱點,等你喺 DSE 前仲可以作最後衝刺!
最最最緊要嘅係,所有導師都承諾喺 6 星期入面改完兼派翻返你,等你有充足嘅時間去進行反思、調整、進步,面對真正DSE有絕對把握!
AfterSchool 嚟緊嘅 1 月會推出 Mock Exam,而家開放報名啦~
《AfterSchool 2024 DSE 模擬考試》將會涵蓋多個科目,包括中文、英文、數學、化學、物理、經濟! 喺 2023 年 12 月 31 日前報名參加更加可以有「早鳥優惠」,所有科目低至 7 折!
想查詢更多有關《AfterSchool 2024 DSE 模擬考試》嘅內容細節?或者你係學校老師想幫學生團購報讀?AfterSchool 歡迎各位 WhatsApp 我哋!

Mock Exam 真係好重要!

睇咗咁耐,相信大家都明白 Mock Exam 到底有重要!
唔係因為人考你就考,而係因為你知道自己真係需要所以先去考!
大家 DSE 加油!
免費 DSE 電子報
定期為 30,000+ 中學生送上實用 DSE 資訊和資源
AfterSchool

AfterSchool

AfterSchool 是一個針對DSE而設的網上補習平台,課程涵蓋多個 DSE 科目,讓同學足不出戶就可以享有優質教學。註冊用戶人達 50,000 人,當中超過四分之一學生為應屆文憑試考生,是全港最大型網上補習平台。