【DSE中文補習】全面分析你知我知嘅中文補習名師!

kmc0178
kmc0178 2020年02月07日
「阿女!你洗唔洗補中文呀,個個『YY林』好似好出名,幾好架喎」
相信各位同學想補中文又唔知搵邊個嘅時候,腦海必定閃過佢嘅名字。今日小編就想同大家講下補完『YY林』之後嘅感受,希望可以幫大家睇下適唔適合自己!

「喂兄弟,補中文補邊個好,你而家係咪補緊個個咩×理補習社呀」

「阿女!你洗唔洗補中文呀,個個『YY林』好似好出名,幾好架喎」

相信以上嘅對話大家都似曾相識,或者各位同學想補中文又唔知搵邊個嘅時候,腦海必定閃過佢嘅名字。雖然小編嘅意見唔可以作為你選擇補習導師嘅方針,但係小編仍然想為大家講下幾個補『YY林』嘅原因,幫大家睇下適唔適合自己!

通常坊間對佢嘅評價就好兩極化,有啲人會覺得佢好好,亦都會有好多人覺得佢冇乜用。咁通常批評佢嘅原因就係,佢啲技巧太花巧,想完堂唔明,本筆記好厚,上完堂學完技巧唔知點係做卷嘅時候用。

我作為佢報咗兩年嘅學生,亦都係佢教出嚟嘅Straight 5** ,今次就同大家分享下一啲點解我補佢嘅原因!

筆記可信性

第一就係佢嘅筆記可信性非常之高,亦都係全行最準確嘅筆記,眾所周知,佢有一條好大嘅學術團隊,入邊大部份人都係中大中文系畢業,亦都有好多年嘅教書同埋考公開試經驗,而且佢有極多嘅學生,所以一個小小嘅錯誤會影響到好多好多同學生,所以佢所有嘅筆記、mock卷,全部都會好認真咁樣做,唔會有任何嘅錯漏。尤其是我好記得,佢講佢自己本〈12篇範文速練〉入邊每一個字嘅解釋都有引經據典,從一啲參考書籍入邊搵出嚟。所以佢所有嘅資料都係極高可信性,尤其是而家坊間其實有好多嘅資訊,但係我哋好難分到邊啲資訊係真定假,例如好多嘅參考書、教科書都有時會有錯漏,學校嘅老師嘅答案亦都未必準確,所以跟佢嘅答案係一定會啱。

配套

第二就當然係佢嘅配套啦,其實呢點我都唔使多講,因為個個都知,不過唯一要提嘅就係佢比嘅配套你一定要做囉!其實我真係完成晒佢派嘅所有物資:包括文言月刊、閱讀模擬卷、甚至係筆記入邊嘅進階文言特訓,而且大家都一定要每個星期交作文,同埋去練說話。如果佢派左俾你你又唔做,咁我都幫唔到你啦。

帶返個頭盔先,其實我識嘅人入邊有補yylam嘅人有攞straight 五星星 (我自己), 亦都有攞五星、五、四、三、二、一,所以其實冇話補咗佢就一定攞到咩成績,其實最後都係睇你自己造化,即係睇你本身吸收到幾多,如果你本身個底子好嘅話,佢係可以幫你更上一層樓,如果你本身底子差,我覺得佢未必可以幫到你好多。

但係各位同學如果想補中文,但係又唔想隨波逐流亂禁補習嘅話,不妨試下AfterSchool創新又高評價嘅中文網上補習課程

好啦,跟住我就講下佢有啲咩可以進步嘅地方。

仍可進步嘅地方

首先就係其實佢嘅技巧未必好有用,或者係你學完之後,要啲時間吸收先用到,即係唔係一啲所謂即食嘅技巧。因為佢好多技巧,其實背後嘅邏輯,都唔係可以好易明白。所以一啲思維冇佢咁快嘅同學,就會未必跟得上佢嘅節奏。例如綜合嘅技巧,其實背後嘅思維概念係唔容易嘅,所以係要時間吸收,同埋要做幾多練習去嘗試用佢嘅技巧。

其次就係其實某啲技巧係常識黎,同埋真係唔易記,例如說話嘅九宮格,可能因為我本身識依啲比較角度,我冇用過呢個技巧,但係有啲人都反映呢個技巧幾好用。

其他有用文章:

相關課程