入職高人工!比較全港3大產品設計Degree課程!

AfterSchool
AfterSchool 2020-4-22 25,587
越嚟越多同學都表示 DSE 後想攻讀 Product Design(產品設計)呢個行業,因為好玩有趣之餘 Product Designer 嘅人工薪水都好唔錯!到底係香港想讀 Product Design 有咩選擇同埋要留意?定小編一次過話比你知香港三大讀產品設計嘅選擇喇!

喺依家間間公司都追求 UXUI 嘅時代,產品設計(Product Design)呢一種極度顧及用家體驗嘅專業會變得愈嚟愈吃香。根據 PayScale 網站嘅數據,單單係一個 entry level 嘅 Product Designer 人工中位數已經可以去到兩萬多!比起其他嘅設計行業真係高好多。AfterSchool小編呢次就為大家整合全港唔同院校嘅產品設計課程,等你哋可以簡翻最屬於自己嘅學校!事不宜遲!立即開始!

什麼是產品設計師?

一件產品嘅誕生,係為咗改善人類嘅生活,而一個 Product Designer 嘅工作就係要將設計概念轉化成實物。而喺實踐嘅過程中,產品設計師除咗要確保製造出嚟嘅產品可以達至最初嘅設計概念以外,仲會透過增加唔同嘅功能、改善產品原型去優化用戶體驗,例如你可以望吓自己部電話,係唔係覺得好細部又有好多嘅功能呢?但其實最初嘅手提電話(即係80年代嘅「大哥大」!)體積大,而且只係得打出打入嘅功能,經過40年嘅產品優化過程,依家嘅智能電話已經冇咗舊時嘅數字按鍵,反而多咗觸控式螢幕以及相機鏡頭,令到你部手機可以用到唔同嘅應用程式以及影相功能。呢一切嘅改變,都係科技以及產品設計師嘅功勞!

產品設計師的工作性質

話就話 Product Designer 係要將設計概念轉化成實物,咁實際上一個產品設計師要做啲乜呢?呢度就要涉及少少產品開放嘅流程喇!例如一開始產品設計師就要思考產品價值

  • 點解呢個市場需要呢件產品?
  • 究竟佢可以點解決到用戶嘅需要?

呢啲都係產品設計概念需要考慮嘅因素!當一個產品設計師有咗idea之後就要開始去諗用戶體驗嘅設計,透過平面圖、3D模型以及產品原型去將成個idea更加具體化!之後就會去到產品測試以及上線嘅階段喇,但唔好以為去到呢度就會完,因為產品嘅維護都算係產品設計師嘅工作部份,有啲公司亦會進行問卷調查,收集翻用戶嘅意見,務求下次產品開發嘅時候可以有更好嘅優化!

 

香港修讀 Product Design 的選擇

THEi 香港高等教育科技學院產品設計(榮譽)文學士

課程學術性:★★★★★

嚟到香港高等教育科技學院THEi嘅產品設計課程:JSSV02 產品設計(榮譽)文學士。THEi 嘅 Product Design 絕對可以稱之為「概念與實踐並重」嘅課程,第1年已經開始修讀有關產品設計嘅課程,例如係「造形,結構及功能」、「物料及製作流程」,等同學可以喺第1年已經對產品設計有個最基本嘅畫面。去到 Year 2 嘅時候就會開始學習點樣落手落腳真真正正咁整一件產品出嚟,所以「實體造形及模形製作」、「用者經驗設計」呢啲喺產品開放過程極為重要嘅知識就會喺第 2 年教授。

(Wooden Workshop Training @ National Taiwan University)

課程實用性:★★★★★

為咗 Year 3, 4 嘅同學可以對職場有個更現實嘅畫面,THEi 會有一個120小時嘅實習計劃以及畢業作品展覽,配合校內嘅設備,同學可以將佢哋喺課堂上學習到嘅知識應用喺實踐上。利用學校唔同高級嘅設備,例如係數碼切割系統 Digital Cutting System、鐳射切割系統 Laser Cutting System、電腦數控車床 CNC Machine, 立體打印設備 3D Printing Machine等等,同學可以喺處理模型和材料呢啲細微位置上力臻完美,打造出一件十全十美嘅畢業集作。

(THEi Product Design Exhibition ”Museum of Tomorrow” @ The Mills)

(THEi Product Design Graduation Exhibition)

其他學習配套:★★★★★

Year2、3 打後嘅時間,同學亦都可以申請參加唔同嘅設計比賽、海外交流團、以及交換生計劃。最適合 PD 同學嘅交流團莫過於可以去到唔同大公司、工廠,睇吓佢哋生產線、產品開放過程,而呢啲正正就會喺 THEi Product Design 度出現,除咗可以去到韓國、澳州、英國等唔同地方參觀設計展覽, 製造工廠以外,仲有機會負責做一啲同業界合作嘅 Project

(Study Tour in London, England)

(Study Tour in Melbourne, Australia )

而 THEi Product Design 一直都有同位於荷蘭嘅 Rotterdam University of Applied Sciences合作,exchange 嘅同學可以喺𠴱度修讀翻有關 Product Design 嘅課程,仲要一定做到學分轉移,咁就唔洗怕遲 grad 喇 

(Student Exchange Program at Rotterdam University of Applied Sciences, Netherland )

總分:★★★★

PolyU 香港理工大學設計學(榮譽)文學士學位組合課程

課程學術性:★★★★☆

PolyU提供嘅係四年制嘅設計課程:JS3569 BA(Hons) Scheme in Design,設計學(榮譽)文學士學位組合課程。同學仔會喺 Year 1 嘅時候先接受比較基本嘅設計課程同埋General Education,務求同學喺選擇專攻某一類型設計之前對各大嘅設計可以有更深嘅認識。去到Year2嘅時候再選擇專修邊一類型嘅 Design,而產品設計就係其中一種。

而PolyU Product Design嘅課程設計,學習範圍上會比較廣,例如係工程基礎知識、營銷分析技巧、商業洞見呢啲課題都會涉獵到,務求每一個學生都可以以一個全面嘅姿態進入職場,應付唔同嘅行業。

課程實用性:★★★★☆

由於PolyU提供嘅課程涉及嘅課程較廣,喺同一個學分要求底下,同學可以深讀產品設計嘅機會就較少。而要放更多時間去應付自己較少興趣嘅範圍,變相就會少咗時間去做好產品設計嘅細節,例如係材料選擇、原型製作試驗。

其他學習配套:★★★★☆

理大作為八大其中一間,當然有提供 Exchange、Internship 呢一啲機會喇!但有一點要留意嘅係,Exchange 係會以學院為單位,變相要成功去到 Exchange 係要同成個 School of Design 嘅同學去爭位。而以學院為單位嘅另外一個缺點就係你可能 Exchange 嘅時候會修讀一啲唔係產品設計嘅科目,最後做唔到Credit Transfer(學分轉移),要補讀翻啲Course嘅時候有可能會比其他人更遲畢業!

總分:

HKDI 香港知專設計學院產品及傢俱設計(榮譽)文學士遙距課程

課程學術性:★★★☆☆

呢一個(榮譽)文學士產品及傢俬設計遙距課程係由 HKDI 同 Birmingham City University 合作舉辦嘅一個遙距課程。由於 BCU 嘅 School of Art 歷史非常悠久,課程教授嘅產品設計係極具美學,非常適合鐘意靚嘢嘅同學仔。

課程實用性:★★★☆☆

課程專門教授傢俬產品嘅設計,可以話係雙面刃:呢個課程唔會好廣泛咁教授產品設計,變相進入職場後要用上好長嘅時間去適應其他行業;但如果係對傢俬設計非常有興趣嘅同學嚟講,呢個課程絕對係進入職場之前最好嘅踏腳石。

其他學習配套:★★★☆☆

呢個課程係一個Top-Up Degree,只係適合大專程度嘅學生報讀。只要一年就可以完成整個課程,所以係冇 Exchange、Internship 呢一類配套

總分:★★★☆☆

 

就著以上3個課程咁睇,雖然THEi成個課程睇落去好似好chur,但係為咗讀好Product Design絕對值得。同埋 THEi 喺同學康樂上都有唔同嘅配套提供,新落成嘅Campus除咗會有更多嘅休憩空間之外,仲會有學生宿舍提供

而成個專業嘅產品設計課程,配合咁完美嘅U-Life,依家喺SSSDP,即係Study Subsidy Scheme for Designated Professions/Sectors情況底下,課程會有政府學費資助,每年學費會有成 $74600 嘅資助!比起其他UGC課程,成件事真係性價比高好多

如果同學仔對呢個產品設計課程有興趣,不妨㩒下面嘅Button查詢詳情

課程查詢

#大學生活,#THEi, #設計, #產品設計, #ProductDesign

 

 

免費 DSE 電子報
定期為 30,000+ 中學生送上實用 DSE 資訊和資源
AfterSchool

AfterSchool

AfterSchool 是一個針對DSE而設的網上補習平台,課程涵蓋多個 DSE 科目,讓同學足不出戶就可以享有優質教學。註冊用戶人達 50,000 人,當中超過四分之一學生為應屆文憑試考生,是全港最大型網上補習平台。