數學唔同目標—最強備戰方法!

Tommy Sir
Tommy Sir 2019-10-25 17,601
今日同各位19 DSE考生講下,仲有一個月可以做啲乜🙈 目標:Level 3/4 如果志在穩陣有個3,好彩可以有4嘅同學們要注意啦⚠️ 無論你目前係Level U定點,其實跟住呢兩個月都可以有好大改變😤

今日同各位19 DSE考生講下,仲有一個月可以做啲乜🙈

目標:Level 3/4

如果志在穩陣有個3,好彩可以有4嘅同學們要注意啦⚠️ 無論你目前係Level U定點,其實跟住呢兩個月都可以有好大改變😤

首先我會建議你地先操好CE嘅LQ section A(甲部)同埋MC!然後先再掂DSE,但都建議千奇唔好掂Section B(乙部),因為好大機會係投資同回報唔成正比😩

LQ由CE做起係會輕鬆同易接受啲,用一個月時間習慣左考試嘅模式,之後再做DSE!盡可能係短期內明晒所有簡昣題型究竟係點做,一旦做好呢點,短期內升到3/4真心輕鬆🤙🏻 同埋再講多句,真心要放棄Section B(乙部)!

我明白好多人會話其實乙部都有啲白痴垃圾簡單問題可以執到,但同你講果個往往就係本身自己好高分果個,你幾可見一個低分嘅做Section B會有好下場,right?😏 再講,家下得番兩個月而非兩年,我地更應該係足夠時間尋求最大效率👍🏻

幫你保三上四:數學LQ急救課程

目標:Level 5

志在拎5嘅同學仔好明顯係已經穩陣左係Level 4(大約70%)好耐,但又一直衝唔到上更高嘅80%😩 我會認為最主要係簡單嘅拎唔足,難嘅拎唔到,做得又唔算快!呢三點都係你地好大會面對嘅情況🤯 所以我有以下建議:

首先,你地必須確保自己於LQ Section A 至少穩奪(65/70)如果做唔到,你狂操乙部最後都冇乜大成效😵 最主要當然係Section B明顯會更難,如果本身唔算太超班,基本上35分中你拎到20已經係誇張,正常應該係10-15分左右,而同學只要穩住呢個水位就夠!

你地應該Focus嘅係點樣可以確保自己甲部岩得多同岩得快,因為只有岩得快先可以令自己有更多時間Check卷,唔錯careless👍🏻

另外MC部分目標要set係37-40條呢啲範圍,至於點樣做到?我會建議同學仔每兩日做一份MC卷,CE/DSE/街外Mock都可以,總之要多做,同埋一定要逼自己做得快!

目標:5*/5**

如果你係想有一至兩粒星嘅話,相信你目前都已經至少有80%-90%,只係唔算太穩陣,我會建議同學仔可以操熟4大Topic:Probability/ Circle/ Sequence/ 3D,了解佢地當中Cross-Topic嘅出法當中存在住咩關係?🤙🏻 同埋要做好控制時間去到呢個程度嘅同學仔,應該都唔會有咩特別單一Topic難到架啦,所以嘗試下限制自己時間去操卷,要快!時間可以係考試救你命,幫你改番晒堆Careless!

(FYI:當年我考DSE LQ用左90分鐘/ MC用左35分鐘)

所以我會建議你試下MC嘗試於1分鐘內做1條,LQ就A1用15分鐘/ A2用40分鐘/ B用60分鐘 做到包你提升另一個層次😏 而做果部分其實更應該係集中去理解佢背後嘅邏輯,點解要咁做?點樣先諗到?當中關係係乜?如果你可以自己諗到一條,之後就算一萬條類似你都識做!所以高分嘅同學仔只需Focus難問題嘅理解同操時間就夠!

其實一個月時間真心唔算少,可以有好多改變,所以一定要堅持加油🤙🏻🔥


免費 DSE 電子報
定期為 30,000+ 中學生送上實用 DSE 資訊和資源
Tommy Sir

Tommy Sir

Tommy Sir唔單單係DSE數學狀元(Core、M1均奪5**),而且更加係科大商學院畢業決心成為全職數學補習導師!短短幾年Tommy已經累積咗過千個學生(七科 5** 狀元首選),當中更加有超過60%嘅學生於DSE Maths中奪取 lv 5+!佢嘅數學神技唔單單勁、而且十分實用,可以輕鬆幫你秒殺大部分考生都唔識嘅題目。補數學?梗係補TY喇!