【2020 申請Grant loan懶人包】申請政府大專學生貸款前必睇

AfterSchool
AfterSchool 2020-9-23 1,938

學資處每年都為大專生提供貸款,但究竟專上學生資助計劃(TSFS) 同免入息審查貸款計劃(NLSPS) 有咩分別?資助金額又有幾多?今日AfterSchool就為大家整理好懶人包,幫大家一文睇清各項學貸申請須知!


甚麼是Grant loan?

學資處每年都會為大專生提供四個唔同嘅資助及貸款計畫,以舒緩學生的財政壓力,當中包括:資助專上課程學生資助計劃 (TSFS)、 全日制大專學生免入息審查貸款計劃 (NLSFT)、專上學生資助計劃(FASP) 同專上學生免入息審查貸款計劃(NLSPS)。另外亦有為選擇持續進修嘅同學仔提供擴展的免入息審查貸款計劃(ENLS)。但佢哋之間有咩唔同呢?咩係grant,咩又係loan?

 

首先,以上提及嘅四個貸計畫可以分為兩大類:學生資助計劃(grant loan)同免入息審查貸款(non-means),兩者最大分別在於前者需要資產審查,而後者就唔需要。同時,Grant loan可以再細分為學費資助(Grant) 及低息生活貸款(Loan)兩部分,兩者最大分別在於前者唔需要償還,而後者則需要,並繳付年息1%。

 

以下AfterSchool為大家整理咗一個table,方便大家了解每計畫之間嘅分別。










 

學生資助計劃(grant loan)










 

學費資助(Grant) 

不需要償還

資助專上課程學生資助計劃 (TSFS)

內容

學費助學金

對象


 

修讀由公帑資助或由大學教育資助委員會資助認可課程的學生(不論學士或副學士學位)

2020/21學年資助上限

全年學費

專上學生資助計劃(FASP)

內容

學費助學金和學習開支助學金

對象

修讀以自資形式開辦並經本地評審的全日制自資副學士學位、 高級文憑或學士學位程度專上課程

2020/21學年資助上限

港幣87,010元

(另外學習開支助學金上限為港幣6,000元。)

低息生活貸款(Loan)

需要償還

內容

主要用作生活費用,年息1%


 

對象

與 TSFS和NLSPS對象相同

2020/21學年貸款上限

港幣53,070元。

免入息審查貸款(non-means)

全日制大專學生免入息審查貸款計劃(NLSFT)

對象

就讀認可全日制課程的學生

最高貸款額

全年學費

年利率

1.106%

專上學生免入息審查貸款計劃(NLSPS)

對象

修讀經本地評審全日制自資副學位(即副學士學位或高級文憑)或學士學位程度的專上課程的註冊學生

最高貸款額

全年學費

年利率

1.106%

擴展的免入息審查貸款計劃

(ENLS)

對象

在香港修讀指定的專上∕持續進修及專業教育課程的學生

最高貸款額

全年學費


值得留意嘅係,資助專上課程學生資助計劃 (TSFS)同全日制大專學生免入息審查貸款計劃(NLSFT)嘅資助範圍除咗係八間大學學生外,亦包括香港專業教育學院、菲臘牙科醫院、香港演藝學院、香港知專設計學院、中華廚藝學院及國際廚藝學院海事訓練學院,不過只限於部分課程。

 

另外,學生可同時申請「專上學生資助計劃」及「專上學生免入息審查貸款計劃」。兩個計劃合共可獲得的最高總資助額為港幣383,500元。

 

學資處貸款特點

除咗政府所提供嘅貸款,坊間亦有各種為大專生提供嘅貸款,咁有咩唔同呢?呢度AfterSchool就幫大家睇吓學資處嘅貸款有咩特點,事前幫新生做好理財計畫。

還款期、還款方法

學資處所有貸款開始償還期為畢業或課程正式完結後,首期還款一般喺畢業翌年1月1日或7月1日到期。還款期一般為15年內、分成180期 (以1個月為1期) ,或者可以喺較短還款期內以按月等額還款方式全數償還貸款。

 

不過學債金額唔細,fresh grad出嚟就開始還債可能有啲難度!而喺學資處嘅貸款下,所有已開始償還貸款嘅學生貸款人都可以有兩年免息延遲還錢安排,仲毋需額外提出申請!

 

喺「暫緩期」期間,除咗唔使償還應繳的本金同利息之外,貸款亦不會計算利息。即使還款期開始嘅時候揀咗唔延遲還款,如果喺之後嘅還款期內遇到還款困難,都仍然可以獲得免息延遲還錢,直至暫緩期完結!

利息

學資處貸款嘅年利率以無所損益為原則,目前訂喺低於發鈔銀行平均最優惠貸款利率3.977嘅水平。低息生活貸款(Loan)同免入息審查貸款(Non-means)嘅利息分別只係1%同1.106%,俾學生更容易應付。

 

申請資格

根據政府資料,各資助/貸款申請人必須符合以下條件:

  • 現正就讀學額全數由大學教育資助委員會或公帑所資助的認可課程 或 以自資形式開辦並經本地評審的全日制自資副學士學位、 高級文憑或學士學位程度專上課程
  • 擁有香港特別行政區居留權(即香港身份證出生日期一欄有英文字母"A")的申請人),或在課程開始前,你或你的家庭已連續在香港居住滿三年
  • 於同一學年內,只可就一個符合資格的全日制課程申請貸款
     

如果你符合以上條件,就睇吓自己符合邊個資助/貸款計畫嘅資格啦!
 

分辨自己就讀課程性質

同學仔喺申請grant loan/ non-means之前,首先要分辨清楚依家讀緊嘅課程係咩性質,確保課程合乎資助計劃嘅要求。
 

簡單嚟講,如果你係修讀由公帑資助或由大學教育資助委員會資助認可課程嘅大學生,可選擇資助專上課程學生資助計劃(TSFS)同全日制大專學生免入息審査貸款計劃(NLSFT)。兩者可以同時申請,而最高貸款額係你喺TSFS可獲得嘅最高資助額同你所得的資助額之間嘅差額。
 

如果係修讀以自資形式開辦的全日制自資學士或副學士學位或高級文憑課程嘅大專生,則可選擇專上學生資助計劃(FASP)及專上學生免入息審查貸款計劃(NLSPS)。留意返,FASP列明只有三十歲或以下嘅學生先合乎申請資格!
 

而就讀專上∕持續進修及專業教育課程嘅學生(包括高級文憑、文憑、毅進文憑)嘅學生,都可以申請擴展的免入息審查貸款計劃 (ENLS)。學生可以用課程搜尋器確認自己讀緊嘅課程係咪合乎計畫資格~
 

資料來源:HKET

 

家庭及個人經濟狀況

另外,Grant loans係需要視乎家庭及個人財政狀況,決定你可否獲得資助同可得資助額。一般嚟講,申請成功與否最主要視乎「資產值按比例計算法」。喺2020/2021學年,申請人每名家庭成員平均資產不多於$783,000,「調整後家庭收入」不多於$80,378,先合資格獲得資助。
 

學資處需要你提供文件證明你家庭全年總收入、家庭成員人數及家庭成員所擁有的資產淨值(包括所有銀行財產、各項投資項目嘅數量、保險連同現金價值及紅利的總價值)即使你冇辦法提供適當嘅證明文件(例如長期失業),學資處可能會採用由相關政府部門提供嘅統計資料,評定有關家庭成員的收入及/或擁有資產的淨值~
 

另外,你都可以使用學資處提供嘅「資助額試算程式」,只要輸入大概的家庭收入及資產,就可以粗略估計可獲得的資助及貸款額!

 

申請程序

第一步:遞交網上申請書

知道自己符合邊項計畫嘅條件後,申請人必須透過「學資處電子通—我的申請」網上平台填寫同遞交申請書。如果係首次使用,你就需要先開立及登入「我的政府一站通」帳戶,以供日後登入之用。
 

申請書共有三個版本:完整版、簡化版同綜援家庭簡化版。所有申請人都適合填寫完整版,而如果你有同住嘅兄弟姊妹喺同一學年遞交完整版申請書,就可以填寫簡化版!如果申請人父母親均為綜援受助人,就可以填寫綜援家庭簡化版,毋須填報家庭收入及資產資料~詳情可以睇(詳情可以睇申請指引p.4)
 

第二步:遞交聲明書及證明文件

申請人需要遞交申請書日期起計七天內,將簽妥的聲明書(如選擇書面簽署)連同所需文件嘅副本循以下方法提交:

  • 經網上上載;
  • 郵遞或親身遞交學資處 (地址:九龍旺角道1號旺角道壹號商業中心十二樓); 
  • 經由個別院校在指定期間設立的投遞箱遞交
     

各位申請人記得檢查文件和網上申請表嘅真確性和同整性,以免承擔法律責任!
 

而想揀從網上上載文件嘅同學仔,注意檔案的類型必須為PDF或JPEG,而檔案上載上限為20MB(大約相當於 50 張黑白 A4 紙)。不過根據以往經驗,好多人表示遞交證明文件的數量都超過該上限。如果知道文件數量龐大嘅話,建議郵遞或親身遞交就穩陣啲啦!
 

第三步:接收申請結果通知

假如你所遞交資料嘅齊全,一般嚟講,學資處會於發出接獲申請通知書起,60日內向90%嘅申請發出結果通知書,審批時間會因應個別情況而異。記得要將申請結果通知書保管妥當!因為之後你必須於申請結果通知書指定嘅日期或之前,親身或經授權人將所需文件(詳情可以睇TSFS申請指引p.12)交返比學資處,先可以獲批貸款!郵寄、傳真或電郵遞交的文件都唔可以㗎~

 

2020/21學年新生截止申請日期

各申請人會根據自己所屬學院有唔同嘅網上截止申請日期,同學仔快啲highlight返個日子,喺截止日期前提交好申請書啦!

院校 

截止日期 

香港大學、香港城市大學     

18.9.2020

香港中文大學、香港理工大學及香港浸會大學 

25.9.2020

香港教育大學、嶺南大學、香港教育大學、香港專業教育 學院(沙田)、(李惠利)、(觀塘)、(柴灣)、(青衣)、(摩利臣山)、 (黃克競)、(葵涌) 及(屯門)、香港知專設計學院、中華廚藝 學院及國際廚藝學院以及海事訓練學院

5.10.2020

菲臘牙科醫院及香港演藝學院

16.10.2020 


 

常見問題

Q: 申請人嘅父母屬於自僱性質或從事自由行業,並沒有僱主,應該點申報?

A: 如果申請人嘅家庭成員屬於自僱性質或從事自由行業,可自行以書面詳列各項收入或擬備損益表(可參考指引 第三部分的附錄(五)樣本), 或支付薪酬給僱員以外人士的通知書[IR56M 表格],以供學資處參考。

 

Q: 申請人嘅兄弟姊妹曾經轉過幾份工作,應點樣輸入佢嘅入息同僱主資料?
A: 假如申請人嘅兄弟姊妹與申請人家庭同住,請喺完整版申請第4 步的「未婚兄弟姊妹」一欄輸入她的個人資料。至於收入,請在第6 步輸入佢2019-20 年度工作收入嘅總額及僱主資料,並喺第12 步「補充資料」詳列在不同工作下的收入。

然而,如果申請人或家庭成員本身係全日制學生,就唔需要申報其兼職收入,但如於2019年4月1日至2020年3月31日期間有領取任何助學金、津貼,或獲院校聘用,都需要作出申報。

 

Q: 申請人嘅父母已移居外地,應點樣輸入?
A: 申請人應在完整版或簡化版申請的第12 步「補充資料」詳細說明:
他們何時及透過哪種方式 (例如投資、與親人團聚等) 移居到哪個國家?
他們是否仍有物業/資產在香港?
申請人何時回到香港 (若適用) 及在香港如何維持生活?
申請人父母或其他家庭成員/親友有否對申請人提供任何援助?
請說明申請人現時及在1.4.2019至31.3.2020期間所獲得的資助數目。

 

Q: 屋企每月都有大筆開支,如醫療費、負債、租屋等,以上費用可否從收入中扣減,或會否因此而獲得較多的Grant或Loan?
A: 除患有痼疾嘅家庭成員嘅醫療開支(需附有由 1.4.2019 至 31.3.2020期間的收據)可獲扣減之外,其他開支並不能扣減,不過你可於第12步「補充資料」中向學資處透露家庭狀況,並提供證明文件,唔排除會酌情處理。而在2019/20年度,每名患有痼疾或永久殘疾家庭成員可扣減醫療開支的款額上限為$20,530。

 

 

***小編私心介紹「溫書好地方

唔知大家對溫書嘅環境有冇要求呢?小編自己就幾高要求嘅!想當年,為咗享受一個安靜舒適嘅溫書環境,小編真係行遍港九新界。

不過大家唔使學小編周圍走啦,因為你哋好好彩,小編近排發掘到一個非常正嘅溫書地方,準備同大家開心 share 下!(慳翻啲時間溫書啦~)

除咗去圖書館自修室、cafe 之外,大家其實可以去 focus 溫書!focus 位於旺角彌敦道,交通位置非常方便。除咗基本設施同服務 (e.g. 無限 Wi-Fi、獨立充電位),佢哋仲會提供打印服務、零食、飲品同埋即磨咖啡!呢個共用空間為大家喺旺角鬧市入面,提供一個寧靜嘅空間集中工作、自修,又或者放鬆休息下

P.S. 佢哋而家做緊「首次體驗優惠」,平時仲有學生優惠,價錢非常抵,大家真係要去試下!(詳情可以去 focus 官網睇睇)


獲取首次體驗優惠

免費 DSE 電子報
定期為 30,000+ 中學生送上實用 DSE 資訊和資源
AfterSchool

AfterSchool