Spacing Effect - 遺忘曲線嘅死敵
上次就講到原來一個正常人係唔溫習嘅情況，一日之內就可以忘記40%嘅學習內容！今次就教你一個簡單易用嘅方法去避免到呢個情況！
間隔效應(The Spacing Effect)
透過Ebbinghaus既實驗，令我地大約了解記憶同遺忘之間既關係。同時，亦有心理學家利用「遺忘曲線」帶出嘅事實，研發左一個方法—間隔效應（The Spacing Effect），去提升我地既記憶能力。簡單黎講，「間隔效應」就係將溫習時段分係唔同時間進行。
從遺忘曲線可以見到，一開始嘅記憶係最脆弱，所以溫習嘅間隔唔可以太長，最好就係隔日就溫習。然後隨住日子過去，遺忘嘅速度越慢，你亦都可以拉長兩次溫習之間嘅時間間隔。間隔效應嘅目的係透過有計劃嘅溫習間距，將「遺忘曲線」嘅形狀改變！
其他增強記億力嘅方法
除左利用間隔效應，同學亦都可以用以下方法去增強記億力：
確保你所收集嘅內容係清晰明確，唔會非常混亂。例如你岩岩寫完筆記嘅話，嘗試拎張紙用圖表方式將唔同嘅概念連埋一齊，再正式開始溫習
係溫習嘅過程，不斷去問自己「點解」，將重要嘅問題寫低
