DSE 中文：皇牌衝刺課程 第一期

閱讀能力卷可以話係普遍考生最恐懼嘅分卷，今期會先將焦點擺喺卷一。課堂會為同學拆解幾種常見嘅長答題題型，只要同學掌握到答題範式以及分析方法，就可以大大減低答錯方向、答漏攞分重點嘅機會🤓

而同時，卷一大部分嘅題目都同文章嘅深層意義有直接關係，對作者嘅抒情、述理等寫作目的欠缺深入理解，將會大大失分，長題目尤甚😔課堂會藉文章將實戰練習，帶領同學逐步理解作者嘅寫作目的，並從中學習建立文章嘅立意以及結構安排，應用到卷二寫作之中。

課程大綱

• 第一堂：【閱讀】基本答題技巧
• 第二堂：【閱讀】基本答題技巧
• 第三堂：【閱讀︳寫作】白話文篇章的觀點與態度
• 第四堂：【閱讀︳寫作】白話文篇章的觀點與態度

你將會學到⋯⋯

• 掌握部分公開試常見題型嘅答題技巧，利用答題範式準確應答，避免答漏重點或者答錯方向。
• 針對議論說明文，準確分析作者對話題嘅抱持嘅觀點以及態度，避免錯誤解讀作者寫作目的。
• 針對記敘抒情文，理解作者對人、事、物所抒發嘅感情以及態度，避免停留喺淺層嘅文意分析。

課程配套

• 貼近DSE課程要求嘅精讀筆記 每期都會按照教學內容編製精讀筆記，並輔以實例說明，幫助同學理解課堂重點教授嘅概念、技巧等內容。而所授內容除咗幫助同學鞏固基本知識，亦根據歷屆公開試題型及考核重點編訂。力求喺有限嘅時間內幫助同學有效學習，穩定應考表現。
• 根據教學進度編製嘅實戰練習 因應每期教授嘅課題，筆記內會附上相應嘅課題練習，幫助同學即時溫習所學，了解自己嘅學習情況，及時搵出自己嘅弱點，藉以反復練習，提升表現。
• 定期更新作文題庫及文章評改 每期都會根據公開試嘅卷二題型編訂一份相應嘅作文試題，同學可以自由選擇題庫入面嘅題目寫作，我會親自評改你嘅文章，畀你知道喺文句表達、內容安排等方面有咩地方可以改善。