DSE 中文：中四、五常規課程 第一期

今期會先幫同學釐清返文言字詞嘅虛實概念，判斷該字喺句子中所起嘅語法功能，繼而辨析該句中嘅句子成分、句式等，按部就班咁幫助同學翻譯文言篇章。即使文言詞彙量不足，亦都有方法理解文言文😎

另外，卷一經常考核同學判斷語句或段落嘅結構或內容作用，同學需要就此評價該句或段可唔可以刪除，而呢類題目一般佔3-4分，題目難度一般唔高，只要掌握到答題範式，熟記常見嘅結構以及內容作用，拎滿分並唔難🤓同時，對語句/段落作用嘅判斷亦會影響到我哋理解文章佈局、立意。

最後嘅部分，係好多同學忽略，但係非常重要嘅部分！想要理解到文言篇章背後嘅思想理念，少不免通過「知人論世」嘅方法，而十二篇指定教材入面，就有唔少作品同儒家嘅文化思想有直接關係。所以今期會同大家介紹儒家嘅重要思想，增加大家對中華文化嘅認識，唔單止幫到你理解部分範文嘅深意，更可以作為你卷二有力嘅論據以及立意方向，幸運的話，重會幫到你理解卷一乙部文言篇章😏

課程大鋼

• 第一堂：【閱讀】文言虛詞與實詞
• 第二堂：【閱讀】結構與內容作用
• 第三堂：【閱讀︳寫作】中國傳統文化知識——認識儒家之言
• 第四堂：【閱讀︳寫作】儒家思想與今日社會——文化知識在各卷別的表現

你將會學到⋯⋯

• 釐清文言篇章中虛詞與實詞的概念，幫助判斷字詞的語法功能。
• 評價文句或段落喺文章所起嘅結構作用以及內容作用，應付相關題型。
• 認識儒家嘅文化內涵，幫助同學理解文章深意、提高論據質量。

課程配套

貼近DSE課程要求嘅精讀筆記

• 每期都會按照教學內容編製精讀筆記，並輔以實例說明，幫助同學理解課堂重點教授嘅概念、技巧等內容。而所授內容除咗幫助同學鞏固基本知識，亦根據歷屆公開試題型及考核重點編訂。力求喺有限嘅時間內幫助同學有效學習，穩定應考表現。

根據教學進度編製嘅實戰練習

• 因應每期教授嘅課題，筆記內會附上相應嘅課題練習，幫助同學即時溫習所學，了解自己嘅學習情況，及時搵出自己嘅弱點，藉以反復練習，提升表現。

定期更新作文題庫及文章評改

• 每期都會根據公開試嘅卷二題型編訂一份相應嘅作文試題，同學可以自由選擇題庫入面嘅題目寫作，我會親自評改你嘅文章，畀你知道喺文句表達、內容安排等方面有咩地方可以改善。