DSE 中文：中四、五常規課程 第四期

承接上一期嘅文言字詞類別，今期會進一步教同學辨清古代漢語嘅常見句式，由此判斷該句嘅語法結構，以適合嘅語譯方法將句子譯成語體文，免除同學對閱讀文言文的恐懼😎

卷二嘅部分，今期想大家留意作文嘅開端，引人入勝嘅首段會令改卷員眼前一亮，甚至可以幫助突出文章主題，進而影響文章品第。另外，針對論說文寫作，亦利用抑揚、破立嘅對立作為中心論點嘅引入，同時可以展現思考嘅全面性🤓

課程大鋼

• 第一堂：【閱讀】古代漢語語法的不同句式
• 第二堂：【閱讀】古代漢語語法的不同句式
• 第三堂：【寫作】引人入勝的文章開端
• 第四堂：【寫作】議論文的抑揚與破立

你將會學到⋯⋯

• 認識古代漢語中常見嘅文言句式類別，為選擇適當嘅文言翻譯法奠定基礎。
• 喺有限嘅文言詞彙量之下，仍然可以有系統咁詮釋文意。
• 掌握各種寫作記敘抒情文開端嘅方法，大大提高評卷員嘅閱讀興趣。
• 掌握帶出中心觀點嘅方法，增強文章全面性及說服力。

課程配套

• 貼近DSE課程要求嘅精讀筆記

每期都會按照教學內容編製精讀筆記，並輔以實例說明，幫助同學理解課堂重點教授嘅概念、技巧等內容。而所授內容除咗幫助同學鞏固基本知識，亦根據歷屆公開試題型及考核重點編訂。力求喺有限嘅時間內幫助同學有效學習，穩定應考表現。

• 根據教學進度編製嘅實戰練習

因應每期教授嘅課題，筆記內會附上相應嘅課題練習，幫助同學即時溫習所學，了解自己嘅學習情況，及時搵出自己嘅弱點，藉以反復練習，提升表現。

• 定期更新作文題庫及文章評改

每期都會根據公開試嘅卷二題型編訂一份相應嘅作文試題，同學可以自由選擇題庫入面嘅題目寫作，我會親自評改你嘅文章，畀你知道喺文句表達、內容安排等方面有咩地方可以改善。