DSE 中文：皇牌衝刺課程 第七期

白話閱讀理解對於你哋嚟講，相信困難之處在於：難以剖析文章深層意義、無辦法答中取分重點。早喺呢套課程嘅第一期曾教授精讀文章嘅方法，歷經多期課程嘅學習以及實踐，到咗第七期課程，會先同大家鞏固一下精讀法嘅重點概念，並會通過實戰訓練，提升同學嘅答題準確度。

以往曾喺課堂上略述中華文化概念中各家嘅相異以及相通之處，雖然皇牌衝刺課程嘅課節有限，但儒道兩家思想尤為重要（亦係比較容易掌握及靈活運用入文嘅兩家）。所以到咗課程尾聲，會深入教授你哋比較重要嘅文化概念。不論對於理解範文、其他文言篇章，或者係藉以升華文意、用作論據，都會大有幫助。

課程大鋼

• 第一堂：閱讀理解精讀實踐
• 第二堂：閱讀實戰操練及題型拆解
• 第三堂：儒道文化精講與考試應用（一）
• 第四堂：儒道文化精講與考試應用（二）

你將會學到⋯⋯

• 深入剖析白話篇章意義，並掌握公開試常見題型嘅答題技巧。
• 認識儒道兩家嘅文化內涵，做到文意升華或提高論據質量。
• 融會文化知識，深入理解文言篇章嘅深層意義。

課程配套

• 貼近DSE課程要求嘅精讀筆記

每期都會按照教學內容編製精讀筆記，並輔以實例說明，幫助同學理解課堂重點教授嘅概念、技巧等內容。而所授內容除咗幫助同學鞏固基本知識，亦根據歷屆公開試題型及考核重點編訂。力求喺有限嘅時間內幫助同學有效學習，穩定應考表現。

• 根據教學進度編製嘅實戰練習

因應每期教授嘅課題，筆記內會附上相應嘅課題練習，幫助同學即時溫習所學，了解自己嘅學習情況，及時搵出自己嘅弱點，藉以反復練習，提升表現。

• 定期更新作文題庫及文章評改

每期都會根據公開試嘅卷二題型編訂一份相應嘅作文試題，同學可以自由選擇題庫入面嘅題目寫作，我會親自評改你嘅文章，畀你知道喺文句表達、內容安排等方面有咩地方可以改善。