承接上一期內容，四家文化思想當然唔少得法家，四者之間好多相同或對立嘅觀點，都同樣可以幫助你拓闊卷二、卷三嘅角度。今期都會教埋大家法家嘅重要思想，幫助大家喺閱讀文言文嘅時候，加深對作者諗法嘅了解😎
 
另外，今期會針對寫作論說文，講解點樣靈活運用各類論證手法，避免全文單一咁運用舉例論證，以最適合嘅手法，達到最有力嘅論證。同時一舉兩得，幫你應付埋卷一常見嘅手法題🤓

課程大綱

• Lesson 1：【文化】認識法家之言
  Lesson 2：【文化】傳統思想與今日社會——文化知識在各卷別的表現與應用
  Lesson 3：【卷二】善用各類論證手法
  Lesson 4：【卷二】善用各類論證手法

課程目標

• 認識墨、法兩家嘅文化內涵，幫助同學理解文章深意、提高論據質量。
• 釐清各類論證手法嘅概念，準確回答卷一論證手法題目。
• 掌握各類論證手法嘅運用方法及技巧，令論證更為圓備而有力。

課程配套

1. 貼近 DSE 課程要求嘅精讀筆記
   每期都會按照教學內容編製精讀筆記，並輔以實例說明，幫助同學理解課堂重點教授嘅概念、技巧等內容。而所授內容除咗幫助同學鞏固基本知識，亦根據歷屆公開試題型及考核重點編訂。力求喺有限嘅時間內幫助同學有效學習，穩定應考表現。
2. 根據教學進度編製嘅實戰練習
   因應每期教授嘅課題，筆記內會附上相應嘅課題練習，幫助同學即時溫習所學，了解自己嘅學習情況，及時搵出自己嘅弱點，藉以反復練習，提升表現。
3. 定期更新作文題庫及文章評改
   每期都會根據公開試嘅卷二題型編訂一份相應嘅作文試題，同學可以自由選擇題庫入面嘅題目寫作，我會親自評改你嘅文章，畀你知道喺文句表達、內容安排等方面有咩地方可以改善。