寫作嘅課堂,今期聚焦到記敘抒情當中必備嘅「敘事寫人」片段,避免文章平鋪直敘,只顧交代而敘述粗略。而論說文章常見嘅問題——僅就立場羅列好處,同樣為同學應避開嘅寫作思維😎掌握論說文寫作思維,提出緊扣立場嘅精闢見解,係奪取高分嘅必備條件。
第三、四堂會再講文言文,鞏固大家學過嘅文言文理解技巧,運用適當嘅文言翻譯法理解文意,務求做到學以致用,而唔止停留喺理論層面咁簡單😎就算考試面對文言文,都可以順利理解佢嘅表面意思,進而分析背後嘅深層意義,更加容易答中題目。
每期都會按照教學內容編製精讀筆記,並輔以實例說明,幫助同學理解課堂重點教授嘅概念、技巧等內容。而所授內容除咗幫助同學鞏固基本知識,亦根據歷屆公開試題型及考核重點編訂。力求喺有限嘅時間內幫助同學有效學習,穩定應考表現。
因應每期教授嘅課題,筆記內會附上相應嘅課題練習,幫助同學即時溫習所學,了解自己嘅學習情況,及時搵出自己嘅弱點,藉以反復練習,提升表現。
每期都會根據公開試嘅卷二題型編訂一份相應嘅作文試題,同學可以自由選擇題庫入面嘅題目寫作,我會親自評改你嘅文章,畀你知道喺文句表達、內容安排等方面有咩地方可以改善。
只有打好語文根基,DSE 中文先可以「穩四追五」。 一連 12 期、每期 4 堂嘅中四、五常規課程,透過系統化學習,幫你全面提升中文語感、文筆水平及解題思維,提早達到中六應試級水平。