借用人物話語成為記敘抒情文嘅轉捩點係同學慣常嘅做法，但稍一不慎，就容易寫出累贅冗餘嘅話語。又或者係未能夠善於話語嘅優點，加以發揮，成為貫穿全文嘅線索以及立意基礎。今堂會教大家如何提煉人物話語重點，配合不同語境對話語稍作修改，並藉以引出個人反思。
 
去到論說文部分，會承接以往嘅寫作技巧，提供更全面嘅構思方向，避免論述切入角度狹隘嘅問題。偶爾同學亦會選擇所謂「開放題」作答，而眾多不同「開放題」之中，當屬「詩歌式」題目較難掌握重點，寫作時容易偏離題目要求。今期就會教大家點處理呢種「開放題」，務求為卷二做足全面準備。
 
去到綜合嘅課堂：上一期講完整合拓展部分，今期就去到見解論證部分。同樣需要學識點樣運用提供嘅活動細節、試卷外嘅經驗及資料，再合理咁延伸出去😎今期會教大家卷三嘅寫作技巧，兼顧論述嘅深廣度及深度。
 
可能會有同學以為文言文嘅修辭手法會少過白話文好多，或者係唔識分辨文言文用咗邊啲修辭手法。今期就會教大家分辨文言文入面常見嘅修辭，並且準確分析佢喺文章入面起嘅作用。值得留意嘅係其中有唔少被同學忽略嘅修辭手法，甚至會影響語譯嘅過程🤓同時繼續鞏固大家已經學過嘅文言知識，指導大家閱讀文言文，將對字詞意義嘅理解、組合，轉化成自己嘅語言再表達出嚟，逐步了解作者嘅寫作目的，進一步提升同學理解文言文嘅能力，提高文言文部分嘅分數😎

課程大綱

• Lesson 1：【卷二】提煉人物話語成為文章立意基礎
• Lesson 2：【卷二】議論文實戰分析與詩歌式作文
• Lesson 3：
  （中五同學適用）【卷三】見解論證的基本要求與寫作技巧
  （中四同學適用）【卷一】古代漢語的修辭與篇章導讀
• Lesson 4：
  （中五同學適用）【卷三】見解論證的基本要求與寫作技巧
  （中四同學適用）【卷一】古代漢語的修辭與篇章導讀

課程目標

• 緊扣文題要求，借人物話語帶出文章立意。
• 掌握論說文以及詩歌式作文嘅寫作思維。
• 掌握見解論證嘅寫作技巧，令活動細節及論述扣連更緊密，論證更為圓備。
• 認識文言篇章中修辭手法嘅運用情況，準確分析喺文中所起嘅作用。
• 認識文言篇章中部分直接影響語譯嘅修辭手法，避免錯譯問題。
• 鞏固並實踐已學嘅文言翻譯法，提高對文言篇章嘅理解程度。

課程配套

1. 貼近DSE課程要求嘅精讀筆記
   每期都會按照教學內容編製精讀筆記，並輔以實例說明，幫助同學理解課堂重點教授嘅概念、技巧等內容。而所授內容除咗幫助同學鞏固基本知識，亦根據歷屆公開試題型及考核重點編訂。力求喺有限嘅時間內幫助同學有效學習，穩定應考表現。
2. 根據教學進度編製嘅實戰練習
   因應每期教授嘅課題，筆記內會附上相應嘅課題練習，幫助同學即時溫習所學，了解自己嘅學習情況，及時搵出自己嘅弱點，藉以反復練習，提升表現。
3. 定期更新作文題庫及文章評改
   每期都會根據公開試嘅卷二題型編訂一份相應嘅作文試題，同學可以自由選擇題庫入面嘅題目寫作，我會親自評改你嘅文章，畀你知道喺文句表達、內容安排等方面有咩地方可以改善。