上咗高中之後的確訓八個鐘猶如一個「夢」，究竟睡眠同成績係咪真係成對立關係、係咪真係有成績就冇睡眠呢？今日筆者就話你知：成日熬夜溫書？有足夠睡眠令你考得更好！ 向誤導你嘅魔鬼言語說：「不！」 「哇，邊個邊個好勤力啊，尋日溫書溫通頂，真係犀利👏🏻」 「升上高中就唔好諗住可以瞓到八個鐘啦，除非你犧牲成績啦🤗」 「Sleep is for the weak💩」 咦係咪好似係邊度聽過呢啲說話呢🤭冇錯啦，好多人都有一個concept，就係「夜晚熬夜溫書=勤力」 溫書到清晨好犀利？不如瞓完先溫 曾幾何時，我都試過為自己溫書溫到五點而沾沾自喜🙄覺得自己好犀利好勤力🙄但係結果溫書效率低到不得了🤢溫一個鐘書嘅內容及不上精神溫書時候嘅一半🤕以後就冇咁做lu～ 依家，我寧願放棄溫習，早啲起身再衝刺，都唔好通頂溫書😖特別係第二日要考試、正臨急抱佛腳嘅人，我會建議你哋寧願溫少幾版都唔好犧牲睡眠時間❗️ 因為你可能冇溫果啲只會出幾分，但係如果你嗰日考試冇精神，影響嘅係成份卷嘅表現❗️🤕最後因為唔小心或者”鐘”眼瞓失嘅分好大機會係更加多❗️聰明嘅你，識得揀啦！🤓 點解瞓覺會幫助到我溫書嘅？ 事緣係咁嘅——瞓覺可以將記憶由短期嘅記憶轉化成長期記憶，而當中嘅「海馬迴（Hippocampus）」——「記憶指揮官」，會變得活躍，並將接收到嘅新資訊分門別類存放喺大腦之中。所以，瞓覺可以話係鞏固同埋整合記憶嘅大好時機💪🏻 冇錯❗️瞓覺都可以幫你學習！天下間咁爽嘅事，點可以唔好好利用？！😆 Sleep is for the weak? No! Sleep is, in fact, for the STRONG!!!!!!!!
