【DSE中文備戰攻略】10月中文卷一、卷二——綜合懶人包

kmc0178
kmc0178 2019年12月02日
溫書果陣時好容易會溫到冇曬方向,特別係文科:要背文答題之外仲要作文。其實跟住一個詳細嘅大綱會唔會更加易溫書呢?DSE中文 Straight 5** 嘅 @dsefreegiveaway 又翻嚟AfterSchool帶咗一系列嘅中文溫書To-do List俾大家!

溫書果陣時好容易會溫到冇曬方向,特別係文科:要背文答題之外仲要作文。其實跟住一個詳細嘅大綱會唔會更加易溫書呢?DSE中文 Straight 5** 嘅 @dsefreegiveaway 又返來AfterSchool 帶咗一系列嘅中文溫書To-do List俾大家!


依個新系列會以我自己嘅經驗同你Go though DSE嘅旅程,每個月提你要每一科每一份卷做齊啲咩,令大家有更明確嘅目標📈 🔥考2020 DSE 嘅你,強列建議你10月要做好以下嘅事情:


DSE中文要溫咩範文?

  1. 10月嘅時候應該溫好一啲嘅機會較低嘅範文:
    例如2018同埋2019年出過嘅範文,由於佢哋出嘅機會唔大,所以建議喺10月嘅時候詳細咁溫左一次,然後落返臨考前一至兩個禮拜再覆睇就得。 
  1. 10月應該要開始慢慢咁樣累積自己做字訓同埋譯句嘅能力:
    應該開始每日做五至10條之分,或者同身邊嘅朋友互相考對方字訓, 10月一定要開始啦!
    越早開始嘅話,你熟嘅字訓就會越多,而熟悉嘅程度亦都會越高。另一方面,亦都可以增加自己的課文嘅理解,順便幫你背埋一啲重要嘅字詞意思。
     

考DSE前要讀定啲咩?📕

10月嘅時候,應該要做晒所有DSE嘅past paper。

因為係11月開始,你會遇到越來越多嘅Mock卷,而呢啲嘅mock卷比pass paper來講都係更為重要,因為mock卷係貼緊2020年出咩,而past paper都只係過去嘅事,唔會再出。其實中文閱讀嘅past paper真係唔多,大約係得10份左右,你可以一日之內做晒咁滯。做完嘅話可以比對每年差唔多嘅題型嘅答案,從而去增加你對嗰種題型答題方法嘅認識 

簡單講

  • 溫1819出過嘅六篇範文
  • 開始累績字訓同譯句
  • 做唒DSE閱讀卷
     

文言文🎞

每個人嘅文言文能力都唔同,所以首先分析下你嘅文言文能力究竟係去到咩程度,其實好簡單,你去做文言文嘅past paper,如果你20分攞到13分或以上,你嘅文言文能力就算係中上水平,如果係13分或以下,你嘅文言文就係相對比較差。 

 🥇如果你文言文比較強:

10月你應該要完成大約四至五篇文言文練習,已唔需要做額外溫習文言文嘅行動,因為你文言文嘅能力本身唔差,你只需要鞏固你嘅能力就得,文言文嘅分數相對浮動,好難話要攞1819分,因為咁樣都係睇你唔臨場發揮。所以我覺得文言文對於一啲能力本身唔差嘅人嚟講唔值得投資,如果你將時間放落白話文、或者其他卷,個投資回報率會更加高 
我建議你可以去書店買本進階文言文練習,入邊應該有二三十篇練習,你只要keep住每個月做五篇左右,或者每個禮拜做一至兩篇,做到三月,你文言文水平會慢慢咁提升。 

 🥈如果你文言文比較差:

第一,都要搵出自己文言文差嘅原因係咩,你自己解唔明篇文,仲係答題有問題呢?通常有九成嘅人都係錢姐,即係睇唔明篇文。
當然,睇多啲文絕對係一個可以幫你提升文言文閱讀能力嘅方法,但係如果你唔識睇文章嘅技巧,無論你睇幾多篇文言文,你嘅能力都唔會提升
 

幾個方法去提升你睇明文言文嘅能力

係睇多啲文言文嘅筆記, 文言文教學資源喺網上都有好多,例如YouTube有好多交睇文言文嘅片,而小卒、DSE00等等嘅網站都有好多文言文嘅資源,例如一啲文言文入面常見嘅句型,或者一啲古今異義嘅字詞。  

⚠️你要對以下嘅幾項有多啲嘅認識⚠️

  • 🔰推斷文言字詞意思嘅方法
  • 🔰不同文言常見句式嘅意思
  • 🔰文言文入邊想見嘅人稱代字、代詞
  • 🔰文言文常見文體同埋主旨表達嘅方法

我建議如果同學嘅文言文能力真係唔高嘅話,可以從以上各個方面去提升自己文言文能力,當然我如果有機會都會深入講下以上各個方面嘅知識同埋一啲要留意嘅地方,但可能未必係10月或者近期會做嘅事,所以建議你自己上網睇一睇不同嘅資料同筆記
 

DSE中文卷二作文📖

其實作文每個人嘅能力同埋進度都好唔同,所以其實真係好難比一啲個個都啱用嘅建議,咁不過我都會講返我舊年係呢個時候究竟做緊啲乜嘢,同埋我覺得10月應該要做啲乜嘢來提升自己寫作嘅能力。

記敘抒情文

先講記敘抒情文,如果你係寫Q1嘅話,而你嘅文筆又唔算特別好,我覺得你而家仲可以花少少時間睇多啲唔同類型嘅散文,從而去提升自己嘅文筆,因為距離DSE仲有五至六個月,你而家仲可以咁陪多少少時間落去提升文筆,如果去到12月或者一月,你會開始用好多時間操卷,就唔會有休息嘅時間去比自己提升文筆,因為改善文筆要累積詞語,係需要頗長嘅時間。

我建議同學可以睇唔同作者嘅散文書:最經典嘅當然係小思、席慕蓉等等。大家都可以喺平時睇到嘅唔同文章:例如係考評局嘅例子、或者補習派俾你嘅例子等等,將呢啲例子入邊嘅佳詞佳句抄落自己本簿開始累積,如果你之前有呢個嘅習慣當然最好啦,但如果你之前係冇類似嘅習慣,而你自問文筆又唔算太好嘅話,我強烈建議你由依一刻開始累積詞彙。 

至於係扣題方面,我覺得記敘抒情文佢要求扣題能力唔算太高,而且扣題能力係好難提升,只可以透過更多嘅練習去提升,所以依個月你只要keep住繼續每星期作一篇文就夠,冇需要話特別操得多。

議論文

去到議論文,我覺得議論文需要嘅元素不外乎兩樣:第一係例子、第二係推論。所以喺三月之前你都係主要訓練依兩樣野,而冇特別話有啲咩一定要喺10月先做到。

反而,我知道有好多學校比學生作嘅議論文題目都係一啲開放式言論,例如係「談XX」、「XX有用」,因為好多學校嘅卷都係抄返2018、2019年嘅公開考試卷出,但其實我自己覺得下年出返命題式議論嘅機會比較大,例如好似2016年Q3:

有人認為「傳統往往是創新的包袱」。試談談你對這句話的看法。

但由於依兩年都冇出過以上依種形式嘅議論文,所以好多同學對於呢種議論文題目嘅訓練都係唔夠,而依種議論文往往比開放式嘅議論文更加之難作,所以要有更多嘅練習同準備。所以我覺得係10月嘅時候,就一定要開始練翻以上呢一種議論文,如果去到11月或者1月先開始練嘅話,你作依種議論文嘅能力會唔高,因為你習慣咗開放式議論對論點冇好大限制嘅特性。

如果你自問過去一兩年都冇作過呢種議論文,而你又想係真實嘅考試揀議論文,就必須要留意我之後講命題式議論嘅post啦!

 

依個新系列會Guide住大家溫書,唔知大家鐘唔鐘意依個新系列呢?中文嘅其他卷之後會再開post講,未完啊!

 

如果你對溫曬上面嘅中文課題覺得太過高難度,可以由@dsefreegiveaway 嘅白話文溫習開始慢慢溫: 中文卷一閱讀備戰指南

 

【2020 DSE Mock Exam】你唯一需要嘅模擬試

現正開放早鳥報名,快啲嚟【呢度】睇下詳情喇!

相關課程
中文
中文
中文
中文
中文

DSE中文必讀!四卷基礎認知

2 2.5小時

Alex

暫無評分

$380
中文

一撇中文常規課程—第二期

0 3.5小時

Aaron

暫無評分

$600