【DSE通識答題技巧】通識題型全方位剖析

Issac 通識
Issac 通識 2020年08月05日
AfterSchool邀請星級名師Issac Sir為你整合咗2021 DSE通識各大熱門題型嘅答題技巧同past paper例題分析等等,仲同大家剖析2020DSE通識卷一同卷二嘅難度同趨勢,快啲跟Issac學LS五星星思維啦!

成日有同學同我分享話佢地已經成日睇新聞時事,儲落大量通識concept,但喺每次LS考試都攞唔到理想嘅成績。

我一定會同你講——認真研究通識嘅答題技巧啦!

考評局喺每年DSE 通識科考試除咗考驗同學對通識單元概念及社會議題嘅了解之外,更考驗同學點因應每個通識題型嘅答題框架同格式寫出有多角度分析又有嚴密結構嘅答案。

好多時候同學喺Lv 4至Lv 5徘徊就喺因為只做到「回答問題」,而忽略咗考評局最想睇到高階思維——將不同持分者、關注點、議題放喺一個答題框架中清晰表達嘅「邏輯思維」。

以下我將會同大家分享DSE 通識熱門題型嘅答題技巧、題型格式同past paper例題分析等等,等大家抓住考評局嘅出題趨勢!除此以外,我仲會同大家剖析2020DSE通識卷一同卷二嘅難度同趨勢,供同學參考,制定2021通識5**制勝策略!

2020 DSE通識LS題型整合(通識Past Paper例題分析)

資料回應題(通識數據題)

DSE通識Past Paper示例:2012 P1 Q1a (描述資料 - 香港人口統計數字 - 趨勢)

其實四分題大部分多屬資料歸納題。這類數據題每年在通識卷一也會出8-12分,資料回應題嘅特徵分別有問及趨勢,特徵及模式等。

2012年人口老化的題目作為例子,當年給予香港的實際及推算人口統計數字作資料,要求考生:

  1. 從數字上分析現象
  2. 再論述0至14歲,15至64歲,65歲以上各類人口百分比的趨勢
  3. 分析趨勢(指出最高點、最低點、轉折點及轉變傾向)
  4. 帶出所提出的現象。

 

歸納論證題(通識關注題)

DSE通識Past Paper示例:2015 P1 Q3b (指出+解釋 - 國際旅遊業趨勢 - 全球關注點)

通識關注題對一般同學來說比較陌生,公開考試比較少出這類通識題型,最典型的例子是2015年DSE通識卷一第三題問及關注點。到底關注題嘅答題技巧喺咩?我會建議同學分析兩大重點:

  1. 從資料中分析不同持份者究竟有什麼希望了解
  2. 不同持份者為何及如何關注相關的議題

例如國際旅遊業趨勢發展蓬勃會導致很多持份者關心全球暖化會否導致北極熊絕種等問題。

 

資料互證題(通識價值觀題、通識資料回應題)

DSE通識Past Paper示例:2018 P1 Q2c (就資料 - 指出+說明 - 教育目的所持的信念 - 多大程度 - 反映於資料)

根據我嘅經驗,同學作答通識資料回應題的練習仍然相當生疏,近年出嘅價值觀題可以揾翻2018年DSE通識卷一做例子。講及香港教育制度,議題對大部分同學來說不會陌生,但很多同學答題技巧欠缺脈絡。

同學要:

  1. 先解釋一個信念
  2. 再解釋這個信念是否可與資料有所連繫
  3. 以三至四個段落由不同角度及運用資料回應題目

當年考評報告話「通識價值觀題x通識資料回應題」呢種題型格式同學未完全掌握,所以同學需要多加練習!

 

政策評析題(通識立法題、通識多大程度題)

DSE通識Past Paper示例:2012 P1 Q1c (多大程度 - 同意 - 立法規定 - 青年人向父母提供財政支援)

通識立法題最重要是答立法與否的標準及準則,很多時候這類題目政府也沒有一個答案如何處理,因此作答認為可以及不可以亦可奪取高分,但是若果政府也認為未能即時處理,作答反方會比較優勝。

以這條題目為例:

  1. 先表明多大程度回應
  2. 指出立法會產生什麼問題/ 帶來什麼好處,必須考慮不同層面加以分析(例如:立法規管會導致政府資源運用出現問題,而且立法亦可能導致家庭關係惡劣)
  3. 駁論
  4. 再次總結多大程度同意

因此同學記住溫習的時候可集中了解一些政府認為很難處理的政策再加以分析,緊記容易解決的問題是沒有出題的價值,只有持份者也反對的問題才有討論的價值。

 

政策比較題(通識比較題、通識明比題、通識暗比題)

通識科的比較題型相對是很多同學比較難掌握,當中嘅題型通常分“明比”同“暗比”,以下就會用三個例子教大家如何分辨兩種題型及作答技巧:

通識卷一數據明比題

用我 模擬 2017年的試題為例:

⽐較這兩地對⽣活素質滿意度的模式

一般明比題明顯地出現兩個選項的比較,題目字眼亦會十分清晰及寫比較,同學需要:

  1. 分析資料(馬來西亞在六項生活素質的向度都高於香港)
  2. 比較兩個選項的各項情況(找出相差最大同相差最細的分析)
  3. 作一個簡短的歸納及結論(綜合馬來西亞在所有生活素質的向度都高於香港)

通識卷二政策明比題

DSE通識Past Paper示例:2014 P2 Q1b (中國 - 增加國力 - 政治穩定較經濟發展 - 重要?)

通識卷二嘅比較題要求十分之高,要每一段都作比較才能獲得上品的分數。 2014年DSE通識卷二考核現代中國的題目亦都係一條政策比較題。

作答這類題目嘅答題技巧:

  1. 有準則作為比較,例如先後次序(如果沒有政治穩定,經濟發展亦不能共存,政治穩定是經濟發展的根本)
  2. 每一段都要用比較平台作出比較(例如根本性、可逆轉性、時效性、可替代性、迫切性、可行性)
  3. 最後「比較」比較平台嘅重要性(例如就此政策而言,即使經濟發展比較容易量化,就增加硬實力而言短時間內即有可見成效,但政治穩定是經濟發展的根本,就時效性而言,必須先做到政治穩定,才能長遠穩定發展經濟)

比較建議希望攞到DSE LS 5-5*的同學選擇這類通識比較題,因為這類同學作答會比較有優勢,可以顯示高階思維同邏輯性通識答題技巧。

通識暗比題

示例題目:香港政府應否就固體廢物回收成效未如理想負上最大責任

暗比嘅題型就相對複雜,因為在題目並沒有明顯寫比較兩個字,但一般會見到「最」字就是暗比題,因為有個「最」字就代表要同其他選項作出比較。

我們作答這道題目應:

  1. 列出其他不同持份者(例如我的立場是很小程度上同意,便把責任歸咎於生產商、市民及一些外圍因素)
  2. 各自比較為何生產商、市民及外圍因素應該比政府應負上更大責任。

近年公開考試題目通常都會出現一條暗比題,所以明白了兩者的分別對於作答這類題型絕對得心應手。

 

仲想學到更多LS題型,例如通識評估題、通識模式題、通識角色題、通識爭議題、通識因素題、通識分析題等等?即刻報讀Issac《75分鐘:通識高效備戰攻略》限時優惠班,我將會由past paper出發分析考評局每年題型答題技巧,到拆解五大通識溫習迷思,無論議題點變都可以輕鬆靠我嘅星級題型技巧同高階思維能力取勝!

通識卷一題目及題型分析

相信好多同學都迫不及待想知道2020 LS卷嘅整體評價,以下我將會由題目、涉及單元同題型趨勢出發,同大家分析重點注意事項!

先講題目,2020 DSE 通識卷一出咗3條題目:

  1. 互聯網使用及公共衛生
  2. 人口流動及國際移民
  3. 新聞自由及保障國家安全。

往年嘅通識卷一好多時候針對今日香港出題,但今年可見到針對全球化嘅出題較多,可見考評局對考生嘅國際視野要求更高。

雖然議題看似比較困難,但喺考核的通識題型卻是萬變不離其宗,很多時候past paper也出過相關的題型。
以第一條為例,a題考核描述趨勢,其實已經在2017年出過,另外b題考核個人成長問題,都曾經在練習卷出過,同學只要掌握相關嘅ls題型格式同答題技巧,面對所有嘅題型格式都迎刃而解。

2020嘅LS卷可以明顯睇到考評局十分重視學生的歸納能力,由通識卷一的出題方向可看得出。八條題目包括abc分題,有六條題目都喺全部用資料作答,只有第2題同第3題b 嘅提問字眼有參考提供嘅資料及就你所知,可見考評局越嚟越重視學生可唔可以針對不同題問字眼作出歸納。

通識卷二題目及題型分析

2020 DSE 通識卷二同樣喺3條題目:

  1. 保育粵劇
  2. 民營企業發展
  3. 智慧城市

正如考試之前已經預計得到,本年嘅DSE通識卷二必然有一條中國,中國只會喺雙數年出卷二,(2014, 2016, 2018, 2020),亦有一條香港同全球化的題目,通識卷二嘅3條題目喺圍繞香港,中國及全球化設題,所以同學嘅重心應該溫習呢三個單元。

就難度而言,我大部分學生都認為難度適中。估計選擇智慧城市的學生比例最多,中國民營企業發展的考生最少。

以提問字眼分析,粵劇那條的提問字眼以前都有出過,包括難度及多大程度題,但考生需要定義何謂當代生活及重大貢獻,這可能對一般程度的考生有一定的難度;至於中國民營企業發展的題目,議題喺三題最深奧的,a題題型難度不大只是問阻礙,但是b題題型需要比較國有企業同民營企業,我相信大部分學校中學並無涉獵相關議題,因此選擇這道通識卷二題目的同學都會較少;至於第三題,題問字眼無咩特別困難之處,但考生須對智慧城市有一定的認識,而且探討的角度不能只限本港

給2021 DSE通識考生的話

喺睇完2020通識卷嘅題目議題及題型格式分析之後,相信大家都意識到題目背後考評局隱藏嘅要求——高階邏輯及歸納能力。

雖然前期的通識考試很多時是根據議題出不同的題目,例如新聞自由。但現在已經不會根據一個議題而出,反而希望考生融會貫通。

所以我唔鼓勵學生貼題,但會建議同學了解Liberal Studies跨單元的議題,例如人口流動究竟與國際移民有何關係?互聯網使用與公共衛生有什麼關係?再加上操練不同題型,這才是考高分的竅門。

如果你想睇更加詳細嘅歷年出題趨勢分析,由從考評角度掌握通識題型格式同答題技巧嘅話,就一定要試下報讀我嘅《75分鐘:通識高效備戰攻略》,我地試堂入面仲會有星級答題實例示範,幫你避開 99% 考生常中陷阱,即刻click入嚟——

即報——75分鐘:通識高效備戰攻略