《DSE狀元》分配時間嘅秘密

MasterFf
MasterFf 2019年02月14日
我估大家如果勤力少少嘅都會有做過時間表架啦,但係我想勸勉大家千祈唔好訂個目標太高,我嗰時一日温習大概8個鐘左右,其餘時間做番自己嘅興趣(打機)中和下。 放假排得太緊一黎你會太早chur盡失去鬥志,二黎你一達唔到目標會好難追番打亂節奏。一星期最少都要預留1-2日比同friend出去玩,放假唔好太過毒啊。

DSE點樣分配時間溫習?

我估大家如果勤力少少嘅都會有做過時間表架啦,但係我想勸勉大家千祈唔好訂個目標太高,我嗰時一日温習大概8個鐘左右,其餘時間做番自己嘅興趣(打機)中和下。

放假排得太緊一黎你會太早chur盡失去鬥志,二黎你一達唔到目標會好難追番打亂節奏。一星期最少都要預留1-2日比同friend出去玩,放假唔好太過毒啊。


以時節計而非用時間計
個計劃盡量以温習內容黎定一個時節 (温完trigo嗰3課書/ 做完一份reading) 而唔係計時間 (兩個鐘温完中文),唔洗限死話某個時間要温完一科,唔好迫自己趕收工咁温。


一日最好嘅話温大約3科,建議大家2文科(中英LS)+1理/商科或者1文科+2理/商,每科約3小時嘅workload(做完一份past paper+對卷差唔多),如果想多元化啲可以一日温4科,但每科各自温少啲時間,並且比文/理科目都有温到。


例子: 一日温熟完中文範文、睇哂LS Module 2嘅各種energy type+impacts+ properties同埋Physics嘅Radioactivity Chapter


4 - 5 日嘅單位制

理想嘅話以4-5日為一單位,姐係訂立呢4-5日一定要温完嘅課題、做完嘅練習。我自己就以5日為一單位,其中1日休息,其餘4日循環咁温哂我嗰7科唔同課題(放棄左M2) 同做練習。唔可以比任何一科空置超過一星期,尤其背書科 (Chem /Econ),如果唔係會唔記得,如果嗰5日温唔哂,推落下一個5日都可以。 


例子: Day 1: 休息 Day 2: Chin+Eng+Econ Day 3: Eng+LS+Maths Day 4: LS+Phy+Chem Day 5: Chin+Chem+Econ (每個單位温嘅科都可以唔同)

用暑假重温後及鞏固已有知識
暑假温習應以重温鞏固已有知識為重,不必趕住做CE past paper,DSE past paper更係唔好掂。7月至8月頭應盡量將一科全部教科書由睇温習一次並且做筆記,確保教過嘅Topic已經入哂腦,加上啱啱考完試温黎都輕鬆啲。當你對教科書、學校notes (如有用)好熟之後就開始清埋你嘅補習筆記,如果你學校野無用就直接7月中開始温補習筆記啦。8月尾、9月開學再開始做past paper/exercise都唔遲。

即睇狀元通識課程

閱讀更多
升中六嘅你,呢個係你DSE前最後一個暑假,絕對係你一個好大嘅衝刺機會🔥所以今次我就想同你分享充分善用暑假之道😉

中五升中六-暑假唔想無聊hea做咩好?

AfterSchool

2019年07月31日

13
高中讀英文應該功利d,以考試作主。   Reading——建議多操多練 除咗DSE值得操,AL fill-in-the blanks都可以幫你訓練語感(但不宜操太多,難度同DSE差距太大),CE Reading都值得用黎訓練基礎理解能力同考評局D套路,畢竟無人比考評局更了解考評局。

狀元教你考好DSE英文四卷——高中篇

Monica Chan

2019年08月12日

7
我喺小學五年班嘅時候由內地嚟香港讀書,嗰個時候啲英文程度真係好差,因為內地學英文或者考試,都係給你中文,然後叫你寫翻他的英文就可以了。

我對自己的英文很自卑

culawstudy

2019年08月07日

9