【香港補習推薦】一文介紹私補、補習社、網上補習優缺點

AfterSchool
AfterSchool 2020年08月18日
踏入中學階段,很多學生都開始需要搵補習。但係香港有咁多大型、中小型補習社同私人上門補習,依家仲開始興網上補習,到底邊一種形式先適合大家呢?

踏入中學階段,好多學生都會開始搵補習。但係香港有咁多連鎖大型補習社、中小型補習社、私人 (上門) 補習,而家仲興埋網上補習,到底邊一種先適合大家呢?以下AfterSchool 會幫各位分析一下各種補習方式嘅特點同收費價錢,等大家可以輕鬆了解到邊一種先適合自己。我地仲會介紹/推薦一啲比較有代表性、出名同口碑好嘅補習社比大家添!

 

 

連鎖大型補習社 VS 中小型補習社 VS 私人補習

  

連鎖大型補習社好唔好?

✓資源豐富

大多數「補習天王」、「補習天后」都係喺大型補習社工作。之所以可以成為名師,其中一個原因係佢哋背後都有一個龐大嘅教學團隊。呢班教學團隊除咗會幫學生改卷之外,亦會做好多資料搜集同分析 (e.g. 分析歷屆試題、預測下屆DSE 出題方向),再整理成練習、上堂筆記同考試攻略派比同學。

✓師資優良

大部分老師唔單止學歷高,更有豐富嘅教學經驗(例如做過中學老師、大學教授),所以非常了解DSE 考試制度。

✓覆蓋率高

喺香港、九龍、新界都有好多分校,大家總會喺學校或者屋企附近搵到佢哋嘅蹤影,所以比較方便。另外,由於佢哋有調堂服務,所以就算同學唔得閒去上堂,都可以喺上堂前申請調堂(大部份可以更改時間地點),非常方便。

✓課程架構

除咗常規課程之外,佢哋亦會開設額外課程,例如精讀班、暑期班、範文班、Sentence Structure句式班、衝刺班等,同學可以按自己嘅需要報讀相關課程。

✘互動率低

雖然有真人班,但係大部份同學都只會選擇Video Class 睇預錄或者直播片。同時,呢啲補習名師學生眾多,所以較難同學生進行互動,包括回答學生嘅問題。

✘針對性低

無論係邊個報名,所有嘅課堂內容都係一樣,教學非常公式化。叻嘅同學有機會覺得太簡單,水平較低嘅學生亦可能跟唔上進度。雖然有好多針對學生唔同弱點嘅額外課程,但由於互動率低,未必可以徹底咁解決同學嘅問題。

?課內內容

課程內容大多關注考試、答題技巧,未必適合本身對課題內容認識較淺薄嘅學生。

?價錢收費

雖然每個course 嘅價格平均合理,但由於有好多額外課程,學生如需要報讀多個課程,費用會較高。

 

大型補習社推薦

相信大家都有喺街上見過遵理、現代、英皇呢三間連鎖大型補習社嘅廣告。由於佢哋嘅老師同課程眾多,AfterSchool 就唔逐一詳細介紹啦,大家可以去佢哋嘅網站慢慢研究。

遵理教育

科目:中文、英文、IELTS、數學、通識、地理、BAFS、經濟、物理、化學、生物、歷史、中史、中國文學、旅遊及款待、ICT

出名老師:Y.Y.Lam 林溢欣 (中文)、Kenneth Lau (英文)、J.Yeung (通識/地理)、C.W. Sham (物理)、Cliff Yeung (經濟)、Guy Leung (通識)、Ingrid Wong (ICT)

現代教育

科目:中文、英文、數學、通識、地理、經濟、物理、化學、生物、中國文學、中史、IELTS、TOEFL

出名老師:Eric So (英文)、Kris Lau (英文)、Calvin Sun (英文)、Dick Hui (數學)、Titus Chan (地理)

英皇教育

科目:中文、英文、數學、通識、生物、化學、物理、歷史、中史、地理、BAFS、健康管理與社會關懷、旅遊及款待

出名老師:廖天恩 (通識)、Billy Ng (英文)、Andy Tse (生物)、Ling Leung (BAFS)

 

中小型補習社好唔好?

✓小班教學

以小班教學為主,每班學生人數大概係4-10人左右。由於上堂人數較少,老師同學生嘅互動率會較高。當學生有唔明白嘅地方時,老師可以好快咁解答到學生嘅問題。同時,老師亦可以好輕易觀察到學生嘅弱點,並針對學生嘅能力調整課堂進度。

✘學校地點

中小型補習社分校唔多 (唔計連鎖嗰啲),大部份都係得1-2間。如果考慮交通問題,可以選擇區內口碑比較好嘅補習社。

?課程內容

除咗一般嘅補習社之外,亦有一種叫「專科補習社」嘅中小型補習社。雖然佢哋只係提供1-3個科目嘅課程,但因為資源集中,所以嗰幾科嘅教學質素有一定嘅保證。

中小型補習社嘅課堂大部份針對考試課程內容,同大型補習社相比,部分中小型補習社有機會比較忽略應試技巧。

?師資

同連鎖大型補習社唔同,並唔係所有中小型補習社嘅網站都會詳細列出老師嘅學歷同教學經驗。喺選擇補習社之前,大家可以上學術討論區查下啲評價,又或者問下其他家長/ 同學。

?收費價格

中小型補習社遍佈全港18區,而佢哋嘅收費亦非常唔同。雖然正常嚟講就會平過連鎖大型補習社,但大家喺報名之前都一定要問清楚。另外,專科補習社嘅收費會比一般補習社高。

 

中小型補習社介紹

以下同大家介紹幾間連鎖式嘅中小型補習社,佢哋唔單止喺唔同地區都有分校,而且喺同學同家長之間嘅口碑都唔錯㗎!

學斯補習社 

(數學專科補習社)

灣仔

地址: 軒尼詩道239號8樓全層

電話: 2617 - 1677

辦公時間: 星期一至五 13:00 - 21:00 星期六 09:00 - 19:00

太子

地址:太子彌敦道784號大生銀行大廈6樓及7樓全層

電話: 2393 - 0323

辦公時間: 星期一至五 13:00 - 21:00 星期六 09:00 - 19:00

荃灣

地址: 荃灣沙咀道289號恒生荃灣大廈3樓B室

電話: 2433 - 0029

辦公時間: 星期一至五 13:00 - 21:00 星期六 09:00 - 19:00

沙田

地址: 沙田石門安群街1號京瑞廣場2期5H  

電話: 2319 - 0880

辦公時間: 星期一至五 13:00 - 21:00 星期六 09:00 - 19:00

元朗

地址: 元朗教育路18-24號元朗商業中心8樓5-7號室

電話: 2111 - 9436

辦公時間: 星期二至五 13:00 - 21:00 星期六 09:00 - 19:00

 

進研補習社 

(中文、英文、數學專科補習社)

旺角太子 (九龍總校)

地址:旺角太子道西 162 號華邦商業中心 1009-10 室

Whatsapp: (+852) 5440 0855

開放時間:

星期一至五 2:00 p.m. - 7:00 p.m

星球六 10:00 a.m. - 6:00 p.m.

星期日 11:30 a.m. - 4:00 p.m.

天后 (港島分校)

地址:銅鑼灣屈臣道15號維多利中心商場1樓 104B

Whatsapp: (+852) 5440 0855

開放時間:

星期一至五 2:00 p.m. - 7:00 p.m

星球六 10:00 a.m. - 6:00 p.m.

星期日 11:30 a.m. - 4:00 p.m.

 

數研教育(SO-IN EDU.) 

(雖然本身係數學專科補習社、但而家亦有中文、英文、綜合科學、物理、化學、生物、經濟、會計課程)

旺角

地址:九龍旺角窩打老道67C集貴大廈2樓全層

電話:(中學) 2712 5499 /whatsapp 9695 0725

電郵:ss_mongkok@soinedu.com.hk

油麻地

地址:九龍油麻地彌敦道494-496號晉利商業大廈7樓全層

電話:(中學) 2782 0433

電郵:ss_yaumatei@soinedu.com.hk

九龍灣

地址:九龍灣宏開道16號德福大廈706及09室

電話:(中學) 2753 0599

電郵:ss_kowloonbay@soinedu.com.hk

觀塘

地址:九龍觀塘觀塘道410號觀點中心7樓704室

電話:(中學) 3565 4424

電郵:ss_kwuntong@soinedu.com.hk

黃埔

地址:九龍紅磡黃埔花園11期地下G33號舖

電話:(中學) 2363 9661

電郵:ss_whampoa@soinedu.com.hk

九龍城

地址:九龍太子道西352號薈學坊7樓A室及B室

電話:(中學) 2385 2835/whatsapp 6389 9543

電郵:ss_kowlooncity@soinedu.com.hk

荃灣

地址:新界荃灣青山道264-298號南豐中心610,641-642室/ 

新界荃灣西樓角路1號新領域廣場602-603室

電話:(中學) 2415 5699 /whatsapp 5418 8527

電郵:ss_tsuenwan@soinedu.com.hk

大埔

地址:新界大埔大埔廣埸 2樓 46A-B , 47及67號舖

電話:whatsapp 9602 6667

電郵:ss_taipo@soinedu.com.hk

大圍

地址:新界沙田大圍新翠商場2樓24 及 25號舖

電話:(中學) 3594 6799

電郵:ss_taiwai@soinedu.com.hk

馬鞍山

地址:新界馬鞍山馬鞍山中心地下A37號舖

電話:(中學) 2631 4199/whatsapp 6135 5387

電郵:ss_maonshan@soinedu.com.hk

將軍澳新都城

地址:新界將軍澳新都城中心一期商場地下G47,G80,G82及G94號舖

電話:(中學) 2567 8499

電郵:ss_polam@soinedu.com.hk

西營盤

地址:香港德輔道西202號202中心6樓

香港德輔道西246號東慈商業中心6樓607室

電話:(中學) 2557 6822 /whatsapp 9786 7846

電郵:ss_saiyingpun@soinedu.com.hk

銅鑼灣

地址:香港銅鑼灣恩平道48號恩平中心503及702號室

電話:(中學) 2808 2680 /whatsapp 6584 7244

電郵:ss_causewaybay@soinedu.com.hk

北角

地址:北角電氣道180號百家利中心3樓302室

電話:(中學) 3619 7245 / whatsapp 9627 3849

電郵:ss_northpoint@soinedu.com.hk

 

私補好唔好?

✓一對一、個人化教學

當學生有唔明白嘅地方時,老師可以即時解答到學生嘅問題。同時,老師亦可以好輕易咁觀察到學生嘅強弱點,為佢度身定做課程。另外,一般私補老師都比較年輕,會明白學生喺術科以外嘅煩惱,並提供唔同嘅指導,例如升學指導咁。

✓時間地點

時間地點彈性高,老師同學生會互相遷就,有時候甚至可以選擇臨時「加鐘」或者改時間。

✓課程內容

每次課堂都可以按照家長要求、學生嘅需求去安排課堂內容 (e.g. 當日嘅功課、第二日嘅測驗考試) 。

?師資

除非係一啲非常出名嘅全職補習老師,如果唔係通常都無乜途徑俾你事先了解老師嘅教學質素。但私補有個好處,就係你可以按自己嘅要求揀選老師 (按性別、DSE成績、就讀院校、地區),亦可以隨時轉老師 (會有機會遇上經常遲到、無耐性、無交帶嘅老師)。

?價格收費

補習價錢視乎學生年級、上課地點 (e.g.喺屋企上堂就睇下你住邊) 以及老師資歷。例如補中六學生嘅收費會比補中一學生嘅高,三大出身嘅補習老師收費亦會比其他學生高。整體而言,私補嘅收費會比補習社高。想知多啲關於私補價錢可以睇我哋呢篇blog

 

用唔用中介搵私補好?

其實用中介搵私補,家長係唔使比中介費㗎!因為筆錢係由個補習老師比嘅 (通常都係頭兩個星期嘅全數學費)。所以如果搵個口碑比較好嘅中介,真係可以幫你慳翻好多時間㗎!好多中介會按照學生嘅需求,喺短時間之內 (最快只要幾個鐘) 幫你搵到適合嘅導師並進行配對。如果試完堂個老師唔岩心水,中介會繼續幫你搵㗎。 Tutor Circle 尋補Hktutor 香港補習導師會Kits-tutorStapps 都係一啲比較出名嘅中介嚟,大家可以入去睇睇。

當然,如果有朋友介紹嘅話,就可以直接搵個老師,唔單止教學質素有保證,仲可以幫個老師慳翻啲中介費添!

 

邊種先係合適我嘅補習方式?

如果有能力嘅話,當然最好就請私人補習啦。因為始終個補習老師都可以為你安排度身訂造嘅課程。但係始終補習都係一個長期投資,如果經濟能力較低嘅就可以選擇報讀補習社課程。

至於點樣揀補習社,小編就覺得如果你本身對課程內容有一定嘅了解,只係想透過補習去溫下書、學下考試技巧,咁就去連鎖大型補習社啦。呢啲補習社比較DSE 考試主導,而且有龐大嘅團隊幫各位分析考試走勢,對有一定基礎嘅同學嚟講會比較好。相反,如果你連課程內容講咩都唔清楚,concept都未搞得清,咁就去中小型補習社,甚至專科補習社。因為佢哋嘅小班教學模式可以針對性咁徹底搞定你嘅問題。

其實講咁多最重要都係要睇下大家上完堂嘅感覺如何。無論個老師/ 補習社有幾出名、能力有幾高都好,如果大家覺得學唔到嘢嘅話都係嘥氣。千祈唔好「人補,你就補」。

 

推薦全新學習模式 — 網上補習

點解要上網補習?

以下有個情境題:

假設疫情好轉,大家可以如常咁翻學。放學嘅時候,雖然你超級想去打波、行街或者食嘢,但係唔得,究竟原因係咩呢?

A)你趕住返屋企補習

B)你要去附近Coffee Shop搵補習老師

C)你要去某某補習社上Video Class

D)你要趕去隔離區嗰間補習社上堂

通常補完習都已經六七點,天都就快黑曬,全屋人都等緊你開飯,仲邊有時間去放鬆relax下...... 呢個正正就係點解大家要網上補習嘅原因,自由控制時間。因為疫情嘅關係,相信好多人都可以感受到work from home (WFH) 嘅好處 — 隨時隨地咁上堂/ 工作。我鍾意食完飯上堂又得,我鍾意喺巴士上面/ 瞓喺張床上面上堂都得。另外,大部份網上補習嘅課程片段都可以比你隨時翻睇,如果有唔明嘅地方,甚至可以不停重複播放嗰條片,非常方便同user-friendly

其實AfterSchool 係一間網上補習平台嚟㗎!我地唔單止師資優良,而且仲會提供唔同嘅course 比各位同學,等大家可以選擇適合自己嘅補習模式課程內容。不如以下就等小編同你介紹下我地啲course 啦。

 

線上課程

✓針對學生弱點

✓清課程concept

✓考試技巧

✓上堂時間、地點彈性高

✓課程配套完善 (課程影片可重複播放,包筆記)

如果你係中五、中六嘅學生,而且好清楚自己有咩不足之處,咁線上課程就非常適合你啦!線上課程嘅主要目的係想幫各位考生針對性咁清concept 同埋教大家點樣運用唔同嘅考試技巧。大家唔單止唔使一次過睇曬條教學片 (方便咁多位要補課、測驗、考試嘅同學仔),仲可以不停咁重複睇條片,務求令自己將裡面嘅內容完全吸收。除咗上網睇片之外,大家仲可以收到攻略筆記添!等AfterSchool 幫大家喺考試前最後衝刺啦!

AfterSchool 課程例子:

小馬sir🐴起死回生保4追5特訓班—第二期 Mechanics 力學 (下) 

 

Issca 通識75分鐘:通識高效備戰攻略

 

真人/ 直播課程

除咗線上課程之外,AfterSchool 仲有出真人/直播課程添㗎!呢啲課程嘅主要對象唔單止係中四、中五嘅學生,仲包括嗰啲想喺最短時間內令成績進步嘅學生。我地每個course 都會有真人課程同埋直播課程,仲會推出多個時段,方便大家。大家可能會覺得直播課程咪同video class 差唔多,咁就大錯特錯啦!因為喺我地嘅直播堂入面,老師係會keep 住同學生互動,並耐心解答學生嘅提問㗎!

✓互動性高

✓每堂檢視同學進度

✓課程配套完善(包括筆記及溫習資源)

✓耐心回答學生問題
✓有WhatsApp 團隊隨時回應學生問題

如果大家唔肯定呢個模式適唔適合自己,不妨參加一下 《DSE 數學MC神技體驗班》啦。學費全免㗎!!!!!!!!!