好快就到考 CHEM 嘅日子！讀 CHEM 嘅你唔係得返好多時間，咁係有限嘅時間入面點溫習、點操卷先最有效率？操卷難就難在點樣可以透過操卷去搵出自己嘅弱點、提升自己嘅實戰能力。為咗幫大家有系統咁溫晒 DSE Chem 三年嘅內容，我決定分享呢套溫習攻略。如果你到呢一刻都未有一個具體嘅溫習計劃，麻煩你一定要認真睇落去，因為呢篇文好有可能可以救你一命！ 課程架構 DSE 化學科嘅課程範圍如下： 必修部分： 地球 微觀世界 I 金屬 酸和鹽基 化石燃料和碳化合物 微觀世界 II 氧化還原反應、化學電池和電解 化學反應和能量 反應速率 化學平衡 碳化合物的化學 化學世界中的規律 選修部分 (3揀2)： 工業化學 物料化學 分析化學 2024 公開考試 化學嘅公開考試形式如下： 卷一考必修部分，佔總分 60%，分為甲部多項選擇題同埋乙部短答題、結構式題目和論述題。 卷二係考選修部分，佔總分 20% 要揀自己讀嘅兩個選修單元嘅問題作答。 SBA，佔總分 20%，需要最少為容量分析 (Volumetric Analysis) 評核一次、為定性分析 (Qualitative Analysis) 或其他實驗評核一次。 即撳實用文章：Molecule分子 VS Atom原子 VS Ion離子 DSE Chem 操卷前準備 清楚了解 Syllabus 變動 要打贏 DSE 呢個遊戲嘅首要條件就係掌握到個「遊戲規則」，syllabus 改咗都唔知，亂咁溫亂咁背，嘥時間溫多咗嘢都算，溫錯咗先大鑊。（已經聽過有啲老師都無提翻同學，搞到好多同學嘥時間背咗啲唔會考嘅嘢） 如果你唔係100%清楚個 syllabus 的話，記得自己 Google "DSE CHEM Syllabus" 睇睇，唔好依賴任何人，因為考試嘅係你。就算之前拎咗我嘅《Out C 終極懶人包》都要下載嚟睇睇，我嗰份只係一個 summary。 理解操 Past Paper 嘅原因 其實你知唔知點解要操 DSE Chem Past Paper？ 好多人為操而操，但就無諗過點解要操卷。連目標係咩都唔知就走去操，你覺得真係幫到你提升成績？我認為操卷要達成嘅目的主要有三個： 1）提升 DSE 實戰能力 除咗日校大考外，正常學生根本無乜機會去操卷。但 DSE 真係一場「七分實力，三分運氣」嘅遊戲，而想提升實力同運氣就要多練習，確保到時 DSE 嘅臨場發揮可以穩穩陣陣！ 2）測試自己對 DSE 題型嘅理解程度 喺呢個過程你要搵到自己嘅強項弱項，從而調整你嘅溫習策略以得到最佳嘅回報！ 3）預測 DSE 成績 畢竟考試只係過程，每個人嘅目標都係拎住呢個成績入讀心儀大學。排 JUPAS 都係一個策略，要排得靚就必須要有能力以最大準確度去預測自己嘅成績！ 當然啦，其實操練 Past Paper/ Mock Paper 都需要用腦，唔係是但亂做就ok！你可能心諗「你都傻嘅！做題目梗係要用腦啦.....」，但我呢度想提醒你嘅係「操卷策略」！（呢篇文之後會有更詳細嘅解釋）如果用錯方法操卷，或者話冇用正確而又高效率嘅方法去操練試題， 唔單止係浪費緊你手上唔多嘅試卷資源，更加係浪費緊你所剩無幾嘅溫習時間！ ** 各位 2023/24 DSE 考生，如果唔想陷入呢啲不必要嘅困局，咁你就一定要參加我嘅 Giveaway！ 我而家送緊各位 DSE 同學一份免費 Mock 卷，佢係我喺集合咗歷屆 DSE 必出題型後，設計出一份極高仿、DSE 級數嘅 Mock Paper！大家要趁而家透過操練 Past Paper 提高自己對 DSE 考試規則嘅了解 + 熟悉拆題技巧，令自己喺最後關頭執到多啲分數！做完之後保證你一定有所得著！ 以為做完呢份卷只係好似平時咁對吓 Marking 算？我點會畀你喺呢個最後關鍵時刻隨便過關？除咗 Mock Paper，我仲會送埋一個線上解卷班畀你，同大家詳細講解我嘅獨家拆題思維 + 考試技巧！等大家可以 100% 充分利用呢份 Mock Paper。 即刻入去攞 Giveaway，下載 DSE CHEM Mock Paper! 立即免費下載 DSE CHEM Mock Paper DSE Chem 化學嘅操卷順序 By Topic 重溫課題嘅 concept 同題型 考 2024 DSE 嘅學生得返唔夠一年就考 DSE，但升上中六其實好多中三、四嘅課題嘅 concept 同題型都唔記得七七八八，所以強烈建議大家先 By Topic 咁溫書同埋操 Paper。 12 個 Core ＋ 2/3 個 Elective 前後 14-15 個課題，依加九月開始平均一個星期操一個課題，大約去到十二月就要操得晒所有課題！（一星期一個課題唔會花你好長時間，咁樣都 commit 唔到真係好難幫你）⠀ 依加開始準備定課題操練嘅 schedule（建議無咩特別嘅就由最簡單嘅開始），再準備好要操嘅 By Topic CE/DSE PP（係我嘅學生之後會比埋相關資源你，唔洗你晒時間自己搵），咁花少少心機就可以 K.O. 全部課題。 By Year 高強度操練 DSE Past Paper By Topic 操完你嘅根基應該會札實好多，去到呢嘅 stage 你需要 Full Paper 咁樣操，單計 DSE 有 10 份卷左右（CE、AL 都無咩意思）。平均一星期操 1 - 2 份，咁去到一月（最遲二月）就可以操晒。 中六同學要記得自己嘅時間有限，所以一定要跟足時間表去操，如果唔係我教埋你操卷嘅具體時間分配都冇用！ DSE Chem 操卷三大重點 接下來我會針對呢三大操卷目標，去話你知點樣「操」先可以真正幫到你考好 DSE ！ 重點一：100% 跟足 DSE 要求 要提提大家，操卷時需要 100% 跟足 DSE 要求！有同學會問我：提早做完 Past Paper 可唔可以對卷？答案係「唔可以」！唔講 DSE 講你學校大考，你做完有時間剩都會對下卷掛！如果你用 1 個鐘就做晒，咁麻煩你剩低 1.5 小時都同我專心對卷、check 答案，直到你手機上嘅 timer 開始響起為止！ 又有人問，「有唔識做可以點算？」咪做咗識做果啲先囉，有時間剩再翻嚟睇下識唔識做。唔好同我講見到有條題目唔識就走去 Google 或者搵筆記，因為 DSE 考試咁做嘅話你應該可以儲定錢報下一年嘅 DSE 了...⠀ 其實自己操卷時做任何動作前都問自己一句：「如果而家考緊 DSE，我可唔可以咁做呢？」就得。奈何我實在聽過好多同學講一套做一套，希望你今日睇完真係會聽話！ 重點二：極仔細對 Marking Scheme Marking Scheme 同考評 Report 實在有太多嘢可以學到，特別係 LQ 好多同學連點計分都唔識，所以做完 PP 一定一定要對翻考評份 Marking。同學要留意翻啲 keywords，有唔肯定啱定唔啱嘅地方可以問老師或者問我。改卷嘅時候，寧願改得緊啲都唔好放水比自己，自己改得鬆手對你百害而無一利。你仲可以搵個朋友一齊做之後交換卷去改，因為自己做又自己改好容易有盲點。⠀ Marking Scheme 其實同貓紙無分別，已經講晒比你知點樣先可以贏到呢場遊戲，咁都唔肯花時間睇嘅話真係會輸蝕好多！ 重點三：紀錄錯題並重溫 紀錄錯題並定期重溫，再調整溫習策略，都係非常重要。操完知道自己幾分就算數嘅同學，其實同掉咗份卷落垃圾筒無分別。記住操卷嘅其中一大目標就係反思、調整、進步。以下幾個 steps 大家可以跟住做，咁做卷先最有用： Step 1：By Topic 去紀錄錯題（連同 Marking Scheme）⠀ 建議大家唔好重新抄一次條題目，因為真係好晒時間。一係影相，一係剪亂份卷貼去本筆記到，再唔係開個 Google Sheet 記得佢都得！⠀ Step 2：調整溫習策略⠀ By Topic 分類嘅好處係等你可以從宏觀嘅角度去睇下自己邊個課題最弱，再去調整你嘅溫習策略。只有咁樣做你先可以真正透過操卷去提升自己嘅成績。⠀ Step 3：定期重溫 DSE 錯題⠀ 你需要每星期至少做多一次曾經錯過嘅 DSE 題目。做嘅時侯一樣先做一次，然後再對 Marking 睇下自己啱幾多。⠀ 就算啱晒都唔好自滿，因為要將過去嘅失誤轉化為長期記憶就需要不斷重複嘅練習。 2024 DSE Chem 最新安排 每年嘅 DSE 總會有變化，但其實只要掌握考評局嘅出題思維，了解 DSE 嘅考試套路，其實我哋好容易就可以攞到一個非常理想嘅分數！ 呢到係考評局公開嘅 2024 Chemistry 化學評核大綱以供參考。
