一個改變心理學嘅實驗！ 係19世紀末期，一位德國既心理學家Hermann Ebbinghaus對自己進行左一個有關記憶衰退既實驗。簡單黎講，Ebbinghaus利用左「記生字」去進行呢項記憶實驗。 為咗避免受到既存記憶嘅影響，並能客觀地研究記憶同遺忘，Ebbinghaus做了大約兩千多個這樣無意義的單字，例如RAX、JAF、HUQ、TAI、ZIN等，並將每個單字寫係一張卡片上。 每次實驗，佢都會抽出若干單字，並測驗自己需要重複幾次才能完全記住它們。每隔一段時間佢都會測驗自己既記憶狀況，了解遺忘既狀況，同時亦都測驗複習之後，需要幾長時間才能再重新完全記住果堆單字。 實驗結果—「遺忘曲線」 Ebbinghaus從實驗結果發現到一種遺忘規律： 如果無溫習，學習後一個鐘頭，已經記唔起56%嘅學習內容；一天之後，忘記66%的學習內容；一個月之後，就已經忘記近80%既學習內容。 最後Ebbinghaus將實驗數據用上圖圖表示出黎，呢個就係著名既「遺忘曲線」。 呢條曲線話比我地知，人類係學習過程中既遺忘係有一定既規律：遺忘嘅過程係先快後慢。透過觀察曲線，你會發現如果你唔係學習知識嘅一日內溫習，第二日就只會記得學習內容嘅約40%。隨著時間嘅推移，遺忘嘅速度會減慢，遺忘嘅數量亦都會減少。 下次會同大家分享下點樣去應對呢條咁可怕嘅遺忘曲線！ Reference: http://memobank.pixnet.net/blog/post/24950161-艾賓豪斯的遺忘曲線 http://td026544.pixnet.net/blog/post/32324769-艾賓豪斯神奇記憶法 http://memobank.pixnet.net/blog/post/25177199 http://www.growthengineering.co.uk/what-is-the-forgetting-curve/
