連世界頂尖大學尖子都用緊嘅極高效學習規劃方法—DSE版

Ronald
Ronald 2019年07月15日
一個好嘅學習規劃可以有咩效果?Stanford University就做過一個實驗,發現學生用短短15分鐘去進行有效嘅學習規劃,可以於10日內提高考試成績10—15%!換翻DSE嘅語言就係十日內升1—2個grade!  而我今日會將呢套世界級頂尖大學嘅學習方法,做少少調整套落DSE度。務求幫你用最短時間、高效咁提高學習效率!

一個好嘅學習規劃可以有咩效果?Stanford University就做過一個實驗,發現學生用短短15分鐘去進行有效嘅學習規劃,可以於10日內提高考試成績10—15%!換翻DSE嘅語言就係十日內升1—2個grade!

而我今日會將呢套世界級頂尖大學嘅學習方法,做少少調整套落DSE度。務求幫你用最短時間、高效咁提高學習效率!

Step#1 認清目標(~10分鐘)

看似明顯但無人會做,花幾分鐘睇清楚你想讀咩大學、讀咩科、該科對DSE成績有咩要求。然後搵張紙搵支筆寫低你嘅目標DSE成績,再盡量客觀咁寫低你而家各科嘅水平同情況,睇下理想同現實嘅距離差幾遠。

Step#2 找出有用資源(~10分鐘/科)

搵到自己嘅「終點」後,可以分別就住每科列出所有你可以用嘅資源(例如Past Paper, Mock Paper, 教科書, AfterSchool網上課程, 老師比嘅題目等等),再諗下使用呢啲資源嘅先後次序。

假設你連基本概念都未清,可能你就需要由教科書入手/到AfterSchool網上補習平台搵翻相關嘅課程極速追翻進度先;但假如你認為自己對相關概念已經熟悉,不妨可以直接挑戰By Topic嘅Past Paper,睇下自己到底去到咩水平。

Step#3 定立學習規劃(~30分鐘)

知道自己嘅目標,又知道應該向咩方向行,最後就係為自己定立明確嘅Action Plan!例如你嘅目標係今個暑假完成數學15個課題所有By Topic Past Paper嘅操練,你可以具體咁寫低你會幾時係邊度同用幾耐去完成!(例如我要每個星期一、四嘅早上0900-1200都係操數學By Topic嘅PP,預計操6個星期共36小時就可以操晒15個課題)

呢度嘅重點係具體!「我要暑假操完數學By Topic嘅PP」呢啲係無效規劃!越具體你嘅行動力就越大!當然你都可以係適當嘅時候彈性咁為自己當初定下嘅學習規劃作出微調~

規劃完之後一步步向前行就可以了,唔好諗住一步登天,只要你持之以恆,你就會慢慢見到啲成果!

上面只係一個好精要嘅分享,嚟緊會考慮開設一個免費嘅網上課程教大家唔同由科學實證嘅學習理論、時間管理心得。

如果你覺得呢篇短文幫到手嘅就比個clap支持下兼分享比你啲同學喇!


Reference

https://qz.com/978273/a-stanford-professors-15-minute-study-hack-improves-test-grades-by-a-third-of-a-grade/


【2020 DSE Mock Exam】你唯一需要嘅模擬試

現正開放早鳥報名,快啲嚟【呢度】睇下詳情喇!