機會係要主動爭取！學習都係要主動學習嘅！究竟自己係一個主動學習嘅學生？抑或係一個被動學習嘅學生？一齊分析下啦！ 喺學習零散嘅新知識之前，有冇諗過需要先建立一個系統性嘅學習模式？我係The Chemist，多年來透過DSE Chem補習幫助學生輕鬆取得大學入場券。想知道我嘅教學理念同往績，即撳：化學補習名師 The Chemist | AfterSchool Passive Learning—被動學習 一到考試期間，特別係有限時間入面，同學一定要以最有效嘅方法去溫習。但眼見唔少同學都無好好認真計劃自己嘅溫習，以致學習效率大大降低，甚至跌入Passive Learning嘅陷阱！ Passive Learning嘅特質 溫習果陣缺乏一個清晰嘅目標， 例如：朝早坐低同自己講今日要溫四粒鐘書，但係溫咩點溫完全唔知道，最後就只係隨隨便便拎起一本書去睇去溫。 正確做法：清晰目標 我哋係溫習或者做其他嘢之前都一定要為自己定立一個清晰嘅目標，諗下你自己到底想要啲咩同點樣可以做得到。 例如上面果四粒鐘你可以具體啲安排為： 溫習書本Ch.1 - Ch. 10嘅所有內容並寫下筆記 (1.5 hrs) 完成所有課題嘅書後練習並記低錯處 (2 hrs) 重溫今日犯過嘅錯並安排下一次溫習會做嘅事 (0.5 hr) 咁樣比起「溫四粒鐘書」係咪清晰得多呢～當然啦，千奇唔好唔記得係適當嘅時候都要停落黎比自己放鬆一下啊～正所謂「吊頸都要透下氣」啊麻～
