大家有無試過明明都做曬舊時啲past paper但係考試個陣都係唔識做？定係你覺得你真正考個份永遠都難過啲past paper？ 咁可能就係因為你無用到好正確嘅方法啦，搞到你未能夠有最高嘅成效。 咁點先可以有效率咁做啊？ 1. 溫完書先好做past paper 除非你真係對個個課題好深印象，倒轉背都識啦，如果唔係嘅話就去溫書先。如果當你咩都唔識就去做嘅話，你只會覺得好大挫敗感，到時搞到自己無曬心情再溫落去就唔好啦。 2. 做完要寫總結同研究一下錯左嘅題目 做完對左答案之後，搵本筆記本記低自己錯左嘅地方，因為呢啲就係你唔明或者唔小心嘅地方啦。 錯左之後要諗下自己點解會錯，同埋條題目背後嘅概念又係啲咩。將佢地寫低，呢本簿寫下寫下就會儲儲埋埋左好多你曾經錯過嘅題目，到考試之前就可以再攞出來睇，避免自己再錯啦！ 3. 越難嘅題目就越要做多啲 可能當你見到呢條唔識嘅時候就會skip，但其實呢啲題目先更加要做多啲。 呢啲有挑戰性嘅題目正正就係會係dse裡面出，而當大家都唔識而你識嘅時候，就係你突圍而出嘅機會啦。 所以，越唔識嘅題目就越要做多啲，但同時都千奇唔好掛住做呢啲進階題但唔做好基礎題啊，咁樣只會得不償失。 4. 用計時嘅方式提升做卷速度 平日做卷嘅時候，同學可以試下用計時嘅方式，計算自己的速度到底有無提升。 因為倒時嘅時候，你可能會覺得仲有好多時間然後慢慢係到hea做，但係去到最後又搞到做唔曬份卷。 但計時的話，就可以令你在練習嘅時候都處於緊張嘅狀態，鍛煉速度，並且自己有多啲時間可以check卷。 跟著呢啲方法，就可以更加有效咁操卷啦！咁樣做之後，你會感覺到你咁樣做先真係對自己有幫助，做卷都做得更加得心應手！ 【Reference】 http://dse00.blogspot.com/2016/01/dse-5.html https://www.youtube.com/watch?v=0Alq8gbaFF0
