唔知大家有冇試過考考下試個腦突然諗起啲歌，之後成個腦都會不停狂loop個一首歌，専心唔到做測驗卷😭萬一前個晚唔夠訓，神智不清嘅時候甚至寫埋啲歌詞落份卷度...
目錄
考考下試個腦不斷loop一首歌係咪病嚟㗎？
呢種現象叫「耳蟲」，將腦中嘅音樂比喻成一隻蟲。
一位喺美國辛辛那提大學做教授嘅 James Kellaris，提出咗一套認知搔癢（cognitive itch）嘅理論嚟解釋呢個現象，就好似你身上某一個地方俾蚊叮而紅腫，越癢就越抓。
耳蟲現象亦都一樣，當你嘅大腦被某段音樂旋律洗咗腦，喺你嘅記憶入面都會開始發腫並發癢。
認知搔癢？係咪所有音樂都會引致㗎？
credit: unsplash @dominik_photography
根據 Kellaris 嘅研究，有以下特質嘅音樂特別容易造成認知搔癢：
1. 反覆嘅旋律
當一首歌好聽、好記、好唱，旋律和歌詞都好有魔性，就會對我們嘅認知產生刺激，聽完之後個腦就會開始不停狂loop，有時真係想停都停唔到。就好似早一排好興嘅 sas sss，ppap 咁。（小編表示：小編都有唱過，咁都應該係幾耐之前嘅事.... 大家...... 有聽過㗎可.....）
2. 簡單嘅音樂
簡單嘅音樂相比起編曲複雜嘅歌更加容易記喺腦到，例如一啲兒歌通常相比起一啲古典音樂更加容易引發依一種現象嫁。
有咩解決方法?
最簡單嘅方法就喺考試唔好聽啲節奏強勁嘅歌，尤其喺睡覺前。
如果真係想聽歌，建議聽一啲冇歌詞，或者一啲旋律舒緩節奏緩慢可以令到成個人放鬆心情嘅純音樂，千祈唔好聽一啲洗腦歌或者一啲考試禁歌呀（特別係 K-pop，小編以前就中過伏）！
【Reference】
