每年嘅大學Info day都人頭湧湧，其實有咩行？除咗俾大家親身參觀校園環境之外，最重要都係為大家介紹返最新嘅課程資訊！Info day唔少得就係入學講座，同學仔可以藉此了解課程嘅內容、框架、計分方法，甚至未來就業方向～亦會有唔同嘅學系、學生組織設立攤位，為同學解答疑難。雖然今年轉曬做online形式，不過內容同樣精彩，包括虛擬校園遊覽同live chat，俾大家了解清楚大學生活嘅每一個細節！ 2020年資訊日重要日程 香港中文大學 Chinese University of Hong Kong（CUHK） 香港理工大學 The Hong Kong Polytechnic University (PolyU) 香港教育大學 Education University of Hong Kong (EdUHK) 香港科技大學 The Hong Kong University of Science and Technology (HKUST) 香港城市大學 City University of Hong Kong (CityU) 香港浸會大學 Hong Kong Baptist University (HKBU) 香港大學 The University of Hong Kong (HKU) 嶺南大學 Lingnan University (LU) 2022年資訊日重要日程 雖然改為線上模式，但名額有限，大部分都需要同學仔預先登記！為咗同學仔唔好miss咗咁重要嘅日子，AfterSchool呢度就幫大家整理好2022年Info day嘅日子，俾大家一眼睇曬！ 日期 資訊日院校 2021年10月9日(六) 香港理工大學 2021年10月16日(六) 香港中文大學 2021年10月23日(六) 香港城市大學 香港浸會大學 2021年10月30日(六) 香港教育大學 香港大學資訊日 2021年11月6日(六) 香港樹仁大學 香港都會大學 香港中文大學 Chinese University of Hong Kong（CUHK） 今年因為疫情影響，中大嘅資訊日轉咗做線上形式，想出席嘅同學仔需要預先到校網登記！活動包括admission talk同網上即時對話。喺CU Info Day 之前，同學可以睇吓佢哋嘅Admission Page，大約知道吓有咩學科可以讀先！ 香港理工大學 The Hong Kong Polytechnic University (PolyU) 今年Poly Info day活動就多啦～除咗必有嘅admission talks之外，仲有虛擬展覽同額外課程講座（記住每個學科嘅時段都唔同㗎）！另外仲可以同教授、現屆學生進行live chat，互問互答。學生嘅分享環節除咗有關學業，仲會涵蓋埋住hall、exchange等等嘅心得。最後梗係唔少得有虛擬校園導賞，俾大家認識吓Poly嘅環境～ 提提同學仔，雖然Poly U唔使預先登記，不過就要預先下載咗Microsoft Teams同 Zoom先參加到佢嘅活動㗎！ 香港教育大學 Education University of Hong Kong (EdUHK) 今年教大嘅網上Info Day雖然只開設網上諮詢功能，不過同學依家都可以透過學校網站瀏覽唔同嘅入學資訊、課程簡介、虛擬校園導賞同其他校園生活分享。而想向教授、職員或者學生諮詢嘅同學仔，就要先睇返當日嘅網上諮詢時間表，之後事前作網上登記啦！（唔同學科有唔同時段，唔好miss咗呀～） 香港科技大學 The Hong Kong University of Science and Technology (HKUST) UST今年同HKU一樣，online版嘅Info day包括入學講座、即時真人諮詢同模擬校園導賞團。出席之前同學仔記得先上網登記，頭75位登記嘅本地生仲可以獲得價值$100嘅零食禮包添！ 香港城市大學 City University of Hong Kong (CityU) 今年City亦將Info day改為線上形式，詳情可以睇返City U資訊日嘅網站，仲可以登記埋email方便收到學校Info Day嘅最新資訊！ 雖然城大未update返最新嘅Info Day活動，不過去年CityU 嘅 Student Corner 已經將唔同學系分門別類，放方便同學足不出戶就可以了解嘅學院嘅相關資料～ 香港浸會大學 Hong Kong Baptist University (HKBU) 同樣地，浸大嘅網上Info Day都好多節目～除咗課程簡介會同專題講座，大家可以實時諮詢教授、現屆學生同校友。另外，亦會有學生分享校園生活點滴，包括宿舍生活、唔同嘅學會活動同獎學金。最特別嘅就係BU仲設有虛擬實驗室參觀，俾大家深入平日遊客禁地！ 有興趣嘅同學仔記得預先到校網登記啦！頭300位成功登記者仲可獲贈禮品～當日仲會有JUPAS 小Tips同面試攻略分享，超級實用！ 香港大學 The University of Hong Kong (HKU) 港大嘅Info Day都唔例外，同樣變咗網上模式。同樣地，活動需要從喺學校網站預先登記，先可以留位俾你㗎！除咗講座同live chat，HKU網站仲設有全方位360°虛擬校園導賞，俾大家留喺屋企都參觀到港大！ 嶺南大學 Lingnan University (LingU) Ling U今年就冇更新Info day嘅活動詳情，不過校網就推出咗Online Mini-Lecture Series，同學仔需要留意返各個mini lectures嘅日子同時間（包括有23、24、30、31/10呢四日），登記返先可以上堂㗎！ 如果仲好想親身探訪吓各大院校，其實大學校園大多都係對外公開嘅！同學有時間都可以自行探訪。不過最近部分學校就只限定該校學生/教職員先可以進入校園範圍，所以去之前要查清楚啦～
