Non-JUPAS 報名嘅時候，院校好多時都會要求你寫 Personal Statement。JUPAS就寫過啦，咁但係 Non-JUPAS Personal Statement 又可唔可以直接用返之前個個呢？等AfterSchool小編教你點樣寫一份專業嘅 Non-JUPAS Personal Statement 啦～ Non-JUPAS 同 JUPAS嘅 Personal Statement 有咩分別？ 如果大家好似小編咁懶嘅話，你可以照用返JUPAS嗰個Personal Statement，之後作少少修改。最緊要你份Non-JUPAS Personal Statement可以感受到你嘅誠意，同埋你能夠承認你喺DSE同JUPAS成績上嘅不理想，以及解釋下當初發生咩事。同時亦要令院校感覺到你對呢一科有強烈興趣同埋知道你嘅優勢。 Non-JUPAS Personal Statement 要有咩內容先？ 1）靚靚 Introduction Credit: unsplash @Lesly Juarez Introduction非常重要架，啲Professors要一次過睇咁多Personal Statement，你係佢你都悶啦。所以你一定要有一個靚嘅開頭，先可以將自己喺咁多位學生之中突圍而出。小編個陣寫自己點解會覺得呢一科會係自己想要嘅野，例如話有冇咩經歷令你覺得呢一科係你最想讀同追尋嘅？有冇參加過同個科有關連嘅比賽或者活動？你亦可以寫有咩引發你自己想讀個科又得，順帶提一提自己嘅acheivements都得。最緊要係夠eye-catching 同有趣，令Professor想繼續睇你篇Statement～ 2）你喺有關方面嘅成就 Credit: unsplash @japhethmast 你之前有無參加過啲咩比賽呢？有嘅話就好啦，你已經令自己嘅profile比其他同學突出。記得寫比賽成就唔需要詳細講比賽嘅過程，略略講下你贏咗嘅獎項同比賽嘅名，亦可以簡短地講下你學到啲咩，但係一定要同你個科有少少關係。咁樣先可以show到你嘅呢一科一直以來嘅興趣同誠意。 3）GPA 成績 Credit: unsplash @campaign_creator 有唔少人都會選擇將自己嘅GPA寫埋落去，成績唔錯嘅話就梗係冇問題啦，但係如果麻麻地就考慮下唔好寫出嚟啦！但係Non-JUPAS點先係好嘅GPA呢？即刻襟入嚟睇下啦～ 如果GPA麻麻地嘅同學仔就可以主要寫自己參加過嘅比賽或者有關嘅工作經驗都可以。最緊要係見到你同個科有啲關係～始終Personal Statement都係希望可以睇到你嘅優勢同優點，如果GPA麻麻但係都寫埋落去就可能影響印象架啦。 4）你嘅性格同抱負 Credit: unsplash @Aaron Burden 你嘅性格亦都係大學department想知嘅嘢，但係唔係好多學生會寫想去personal statement，感覺好似hard sell自己咁。其實形容自己唔一定要不停讚自己，可以用一啲比較中性嘅字眼，例如confident、open-minded、curious等等。最好就解釋埋點解你呢啲personalities會連繫到你想入嘅科目。唔需要太長，一句起兩句止就可以。小編就建議放喺introduction或者conclusion度，再延伸到你對呢科嘅抱負同目標等等，咁樣sell自己都會自然啲啦！ 5）DSE／JUPAS 失手原因 Credit: unsplash @theblowup 一年內有好多人申請Non-JUPAS希望可以入U，其實department都想知道各位學生當初DSE點解會失手。點解會係一年內突然又攞到唔錯嘅成績？解釋有兩大好處，第一就係你肯承認自己嘅失誤，第二就係你作出努力嘅承諾，延伸到你未來入到嗰個科嘅未來計劃。如果仲有位寫，可以講埋你點樣面對失敗，同埋你點樣將失敗變成你嘅動力等等。咁樣你嘅形象就比較成熟同埋有抱負啦～ 6）科目認識 Credit: unsplash @sharonmccutcheon 寫Personal Statement之前，可以去大學網站睇下你想去嗰科嘅syllabus，睇下要學啲咩。你可以做下research，之後寫低你曾經學過有關嘅嘢。拋少少書包都可以，起碼可以show到你對個科同industry有唔少嘅認識。咁樣可以提升professors對你嘅興趣，希望可以喺interview見到你同你傾下計。但係記得唔好吹咁大啊，以免interview嘅時候唔識答出醜啦～ Interview可以點準備？即刻襟入嚟睇下啦～ 7）Soft skills／軟技能 Credit: unsplash @krakenimages 咩係Soft skills？ 即係係你喺人際關係方面嘅特質，如果冇嘢寫都可以寫少少。例如你可以講下你teamwork可唔可以做到互相合作，或者你負責一啲活動或者societies有無做到leadership領導？不妨Google下Soft skills，有可能令Professors對你刮目相看。 Non-JUPAS Personal Statement 字數要求 Credit: unsplash @cytonn_photography 一份好嘅personal statement唔可以太長、太籠統。啲Professors要睇咁多篇statements，你太多字佢都費事睇啦。最理想嘅字數係大約300-400字，最多都係大約500字。Personal Statement最好係精簡，結構、分段清晰，咁樣個個都睇得舒服，對你嘅印象都好啲啦！ 太多字嘅話可能會令Professor費事睇你辛苦打嘅Statement架～ Non-JUPAS Personal Statement 格式 院校通常都會要求學生以PDF／Word檔案上載，小編想提醒大家上載你份靚靚Personal Statement之前，要考慮下你份嘢有冇達到以下要求： 字體會唔會太大或者太細？（小編建議使用Arial 11大細 或者 Times New Roman 12大細） 行距會唔會顯得太迫？（小編建議使用Double spaced／2.0，睇起嚟舒服啲） 編者後話 希望呢份攻略幫到大家啦。記得 Personal Statement 都算係first impression黎架，記得攞個好印象！記得唔好錯grammar啊～ 想知各大學 Non-JUPAS 嘅報名攻略？即刻去睇下AfterSchool嘅《【Non-JUPAS】各大學Non-Jupas 2026報名攻略》喇！
