【DSE Best 5 35分】高效運用時間嘅三個秘密

kmc0178
kmc0178 2020-2-6 5,499
成日覺得溫完書好似冇溫過咁?咩叫做最有效嘅讀書方法呢?
其實個個人需要嘅方法都唔同,所以咁就等小編分享下究竟自己平時點樣運用時間,令自己係最短嘅時間入面學到最多嘢!

講到運用時間,我覺得要運用好時間最重要嘅原則就係要搵到最有效嘅讀書方法。咁咩叫做最有效嘅讀書方法呢?其實個個人都唔同,有啲人覺得去補習係最有效,有啲人覺得自己操卷係最有效嘅讀書方法,亦都有人覺得就咁讀書、抄筆記係最有效嘅讀書方法!咁就等我分享下究竟我自己平時點樣運用時間。

將成效最大化

其實分配時間最重要嘅原則就係要將成效最大化,即係如果你用1個鐘頭15分鐘嚟補習,如果依1個鐘頭15分鐘你唔補習嘅話,自己喺屋企做卷嘅話,你獲取嘅效益係咪比起去補習為高呢?當然唔止淨係補習嘅個幾鐘,仲包埋等上堂、交通等等嘅時間。如果你計完條數,覺得自己溫書賺到嘅嘢係更加之多嘅話,咁你就應該唔好去補習。

咁我而家就分享下我自己點樣喺日常生活中,將有效嘅時間發揮最大效用。

用搭車嘅時間來溫書

首先我係會用搭車嘅時間來溫書,我平時返學搭車大約要半個鐘多少少,放學如果搭車去補習又要大約用半個鐘,或者行路嘅時候你本身都會玩電話,呢啲都係好重要嘅時間嚟。通常大部份人係搭車或者行路嘅時間玩電話,你都係上下Instagram啦,覆下WhatsApp啦等等,但係我係會攞呢啲時間嚟溫書。咁點樣搵呢?通常我自己會用手機來溫書,因為喺車入邊或者係條路中間,攞住本書或者一疊筆記黎溫,其實係好唔實際嘅!咁所以我自己平時係唔會拎住本書喺度行,所以我大部份時間都係用電話溫書!我之前都成日講,我會喺WhatsApp都同人互相問問題,我亦都會將一啲範文嘅課文download落部電話度睇,而且如果你用Android嘅話,喺Googleplay上面有唔少可以幫助你溫書嘅app,我遲啲再同大家分享,咁就可以係搭車嘅時候用電話呢啲app溫書。

減少交通時間

第二就係盡量減少自己搭車嘅時間同埋移動嘅時間。例如如果有同一科要補習,你會唔會send到啲補習係可以接着上,或者係同一個地方上,從而減少你搭車由A去B嘅時間呢?例如好簡單,我逢星期六就主要喺九龍灣上堂,差唔多全日都會喺九龍灣。星期日就通常喺銅鑼灣上堂同喺中央圖書館溫書。

同場加映:

免費 DSE 電子報
定期為 30,000+ 中學生送上實用 DSE 資訊和資源
kmc0178

kmc0178