閱讀卷好多同學都極唔夠時間做，白白放棄咗定勝負5-6 分，5-6分係差兩個Grade，足以影響入大學機會，而只要你跟住以下嘅做卷次序，就可以穩陣做唒，將攞分可能性最大化！ 決勝技1：先做範文部分 決勝技2：做Unseen 文言文 (20 分鐘內Must 完成) 決勝技3：白話文必用步驟 1️⃣ 先做範文部分 (20分鐘內Must完成） 應該所有題目都要一見到就諗到點答，諗唔到都要吹返啲內容出嚟。你嗰刻諗唔到，check卷嘅時候都唔會諗到❗️ 2️⃣ 做Unseen 文言文 (20 分鐘內Must 完成) 做文言文嘅心態係唔好覺得自己會完全睇得明全篇文，先好快咁睇一次題目，跟住先睇文。唔識做就估咗答案先！ 3️⃣ 白話文必用步驟 1. 先睇一次篇文，Highlight 感情字眼，有feel 同文青嘅句子(例如嗰啲你一睇就知係主旨句嘅句子，越造作越好) 2. 睇嘅時候嘗試分段 3. Skip 分段題，由第二條開始順序做到尾二/一條，即係唔做最後嗰條6分題🧐 4. 返去做分段同段意，最後再做淨低嘅6分題（eg. 第九味是什麼？/跑道體悟) ⚠️⚠️依個次序係我做咗超過50份閱讀卷實測後得出，用依個方法係有最大機會喺有限時間攞最高嘅分，你比起人，起碼一定做得唒份卷先❗️❗️咁就意味着你一定唔會失去咗應得嘅分數📈大家加油！ 其他有用文章 【今日佛系讀書心法VIP】韓信：真・萬用神例 1.0 【中文DSE《苦與樂》——要懂得看破本質】 【中文說話】共識題「三步曲」叫人轉立場 【DSE卷二範文賞析 】談孤獨
