同學仔一踏入高中，經常都好擔心自己幾年後考 DSE 嘅成績可唔可以升到本地大學，而且好多都對自己冇乜信心。雖然個個都話「條條大路通羅馬」、「如果升唔到 U 咪讀 asso 囉」… 但係同學（同埋家長們）當然唔想再用多幾年時間再奮鬥過啦！呢種心理壓力相信好多高中學生都非常有共鳴。
呢個時候有唔少人都會考慮海外升學，但係亦有啲人會非常抗拒，原因係認為自己 DSE 咁低分，去到其他國家係讀一啲唔出名嘅大學，寧願喺香港讀 asso 博三大。但係如果我哋話你知，入讀英美理想大學其實並非你想像中咁難，甚至有可能可以輕鬆入到 Oxbridge (牛劍)、Ivy League (長春藤聯盟) 等英美名牌大學嘅話，你又會唔會有啲興趣想了解下同埋博下呢？
好多學生都好專注準備香港嘅大學入學試 DSE，但係我哋亦留意到近年嚟越嚟越多人開始轉攻IGCSE、A-Level、SAT 及 TOEFL 等國際考試。當然，大多國家同學院都接受同認可 DSE 嘅成績，但係亦有學生同家長認為修讀國際考試或文憑比較直接。坊間亦有人指其他國際測驗比起 DSE 更容易攞高分，但係亦需要視乎學生嘅才能同能力。去到最後，如果都係想入讀本地大學，都可以以 Non-JUPAS 方式入讀大學。
海外升學當然越早準備越好，始終都唔係一個簡單嘅過程。但係我哋都明白唔少學生都係去到高中先發現同擔心自己高中畢業後嘅出路，家長去到呢個時候都會特別緊張，咁但係你又知唔知學生讀緊中四、中五定中六都會影響海外升學嘅準備過程呢？
中三中四同學因為比起其他學生早起步，可以考慮入讀心儀嘅當地嘅寄宿中學或學院，修讀當地認可好國際文憑或測驗。不但可以盡早適應當地嘅文化，亦可以培養學生嘅獨立性。
但係當然，唔少家長都會擔心子女「學壞」，學生亦擔心未必輕易融入同學們嘅圈子。所以，唔少都會考慮喺香港準備國際考試、同埋加強自己嘅profile，再考入大學。不但唔使喺一個人生路不熟嘅地方孤單作戰，花費亦未必咁重！
中五中六同學比起其他學生遲開始，但係都唔會太過輸蝕嘅～ 同學可以考慮當地嘅高中預備課程 (High School Preparation Course) 或 大學基礎課班 (Foundation)。兩個選擇都受家長同學生嘅歡迎。但係同樣，唔少家長都會擔心子女「學壞」，學生亦擔心未必輕易融入同學們嘅圈子。所以，同學同家長都可以考慮喺香港準備國際考試、同埋加強自己嘅profile，再考入大學。
好多人當決定要海外升學，都會非常迷茫，因為有唔少重要嘅決定要做，又唔知會唔會揀錯喎！第一步就一定係要學生自己探索自己嘅學術興趣。「究竟自己鍾意咩科目呢？」、「究竟自己將來想從事咩方面嘅工作呢？」、「自己有冇心儀嘅大學，而且邊科就業率最高？」⋯
過了入學最低要求，剩下的就是有策略性的申請計畫。
每個學生都各有優點，但係一個成功嘅升學申請係需要有周全策略同提前準備👍🏼 喺申請英美大學嘅時候，學生必須展示到佢自己嘅強項同學術見解。為咗令大學對你有興趣，除咗成績之外，你嘅簡歷、觀點同學術興趣都一定要夠吸引。
一個成功嘅大學申請，學生一定要以最好嘅package見人！
要令英美嘅頂尖大學留意你，就首先一定要整理好同加強你嘅 profile。有幾方面又可以留意：
- 你心儀嘅大學科目有冇提供 course 比中學生參加？
- 你對心儀嘅大學科目又了唔了解呢？有無做過任何 research 去增加你嘅 awareness 呢？
- 有無參加過咩課外活動？
- 有無工作經驗？
- 有無做義務工作嘅經驗？
以上要考慮嘅因素如果能夠充份表現到出嚟，你嘅大學申請絕對會比其他競爭者突出，從而大大增加你自己成功入到心儀大學嘅機會！
唔少家長、同學喺準備英國留學前都會諮詢升學顧問嘅意見，以增加入讀心怡大學嘅機會率，更加重要嘅係免卻大量煩惱 / 走少好多彎路，例如係事前嘅文件準備、複雜嘅申請程序、麻煩嘅入學事宜、辦理簽證、安排宿舍等等。
小編喺到推薦一間專業嘅升學顧問 Cyclopes Education 俾大家，佢係全港首間以數據分析嘅升學顧問，利用自家研發嘅 Cyclopes AI 平台，根據學生背景生成大學推薦及課程報告，為學生制定升學時間表，並且提供個人陳述輔導、申請流程、面試貼士等要準備嘅嘢，一條龍 0 盲區助你安心入讀英國大學。