小學常識應試攻略+2019-2020時事題試題庫

可能大部份家長都唔了解小學嘅常識科，只係知道小一至小六常識科考試卷都必定會考該年嘅熱門時事。但實際上小學常識係一科點樣嘅科目？點樣先可以讀好常識呢一科？每一級嘅常識又有咩特別嘅注意事項呢？2019-2020年度又有啲咩大熱時事題目？今次，AfterSchool就為大家整理咗「小學常識學習錦囊+2019-2020時事題懶人包」。 究竟咩係常識科 教育局小學常識科指引 2019、2020最新注意時事要點 各級常識考試精華Key Points 小一常識 小二常識 小三常識 小四常識 小五常識 小六常識 常識科練習、考試卷及時事題試題庫 1. 究竟咩係常識科？ 常識科係小學四個必修科的其中之一。教育局開設小學常識科嘅目的係希望透過個人、社會及人文教育、科學教育與科技教育三個學習領域，培養小學生嘅創造力及公民責任。 現時常識科課程內容分為六個範疇︰ 2. 教育局小學常識科指引 常識科看似有啲虛無縹緲，好似唔知讀緊咩咁，但其實常識科同我地嘅生活係好有關係架！ • 健康與生活 ---- 保持健康的個人發展。簡單黎講，即係幫助小學生養成健康嘅生活及飲食習慣，同埋教導佢地能夠處理青春期期間心理和生理上嘅轉變，實踐健康生活﹔學識欣賞每個人嘅獨特之處，尊重各人有不同嘅優點與缺點 • 人與環境 --- 關心及愛護環境，實踐綠色生活。希望小學生了解使用天然資源的代價及妥善管理與運用資源方法，認同保育環境嘅重要性，並積極參與環境保育 • 日常生活中的科學與科技 --- 培養對自然及科技世界的興趣和好奇心。小學生會知道生活上大大小小嘅現象都可以用科學概念解釋，繼而可以應用科學知識與技能去解決日常生活問題 • 社會與公民 --- 認識自己在家庭和社會所擔當的角色及應履行的責任。啟發小學生認識社會及關注社會事務，了解公民的權利和義務，樂意服務社會及關愛他人。同時，欣賞能夠維持社區和諧而努力和貢獻嘅人 • 國民身份認同與中華文化 --- 培養對國民身份的認同感，致力貢獻國家和世界。幫助小學生初步了解中央與香港特別行政區嘅關係，學識從多角度了解昔日與現今發生嘅重要事件，最後培養對民族和國家的歸屬感及責任感 • 了解世界與認識資訊年代 --- 了解科學與科技發展對社會的影響。教導小學生有關互聯網系現今生活上嘅廣泛應用，學識如何正確使用互聯網及保護個人資料，最後明白傳媒和社交媒體的資訊中要自行判斷當中嘅正面和負面信息 3. 2019、2020最新注意時事要點 為咗培養小學生多關心社會上所發生嘅大小事，時事題就成為咗每間小學嘅常識科考試卷嘅必考內容。而時事題並唔係單靠書本知識就可以輕鬆渡過嘅一環，因為考核嘅內容唔太容易「貼中」。加上時事範圍可能包括國際新聞，所以當中變數最大。 系小學嘅常識科試卷中，時事題嘅考法一般會有兩種：多項選擇題及短答題。題目嘅答案通常係一啲日期、地方名、人名同專有名詞，例如係疾病名稱。所以，小學生其實唔太需要非常了解時事嘅所有細節，大約對時事有認識就可以。 雖然而家因為疫情嘅情況，小學嘅開學日期暫時定系6月8日。一般而言小學都未必會開考，但黎緊AfterSchool為大家整理嘅呢個「2019、2020時事懶人包」，大家都可以睇一睇，認識多啲有關2019，2020年嘅時事都好吖！ 時事要點（時事按發生時序排列） 2019年 1月 1日︰美國太空總署表示，無人太空船「新視野號」傳回訊號，報告它已成功飛掠歷來距地球最遠。 1日︰「公共交通費用補貼計劃」正式實施實施，不限申領年齡及入息。市民可於每月16日開始申領補貼。 3日︰天主教香港教區主教楊鳴章因肝衰竭搶救無效，享年73歲。 11日︰特區政府就《國歌條例草案》刊憲，並於同月23日向立法會提交《國歌條例草案》，任何人意圖侮辱國歌，或公開及故意篡改國歌，最高刑罰為監禁 3 年及罰款 5 萬元。 20日︰中環灣仔繞道，今早8時通車，歷時長達10年，耗資360億元的港島北岸交通主幹道正式打通。 26日︰進入冬季流感高峰期，流感於幼稚園爆發，教育局宣佈幼稚園及幼兒中心提早於1月26日放農曆新年假。 2月 2日︰入境處宣佈今年第二季分階段推出新一代電子特區護照，加入最少八項防偽特徵，包括在個人資料頁及簽證頁在紫外光燈下會呈現維港夜景，以及新浮凸防偽圖案及微縮印刷等。 8日︰入境事務處搗破假結婚犯罪集團，55歲主腦在區域法院被裁定四項串謀欺詐罪及一項妨礙司法公正罪名成立。 9日︰海關在一個貨櫃內檢獲約14,300公斤懷疑紫檀木材，市值約850萬元。 15日︰通車只有12年的深圳灣公路大橋被發現往香港方向一段高架橋，其中一條外置預應力鋼纜折斷，大橋需暫時封閉其中兩條行車線。 28日︰財政預算案宣布撥款200億元購置60項物業，用作營辦逾130項社福設施。 28日︰本年度的財政預算案宣布向有經濟需要學生發放$2500 3月 6日︰天水圍東華三院李東海小學女教師林麗棠疑因不堪工作壓力，在校內跳樓身亡。 7日︰政府宣布歐陽伯權7月1日接任馬時亨為港鐵公司董事局主席，任期兩年半。 10日︰非洲國家埃塞俄比亞昨日發生空難，起飛六分鐘後，在距離首都約45公里外的比紹夫圖（Bishoftu）附近墜毀。機上149名乘客和8名機員全部罹難，包括一名香港人。 13日︰醫院管理局計劃4月起將19類藥物納入藥物名冊的資助範圍，符合臨床條件的病人會按標準收費獲處方藥物，預計逾五萬名病人受惠。 19日︰本港游泳運動員杜敬謙於3月19日，在美國佛羅里達州訓練期間，突然暈倒後不治死亡 28日︰本港新增一宗麻疹個案，患者是一名17歲菲律賓來港旅客，今年累計確診個案增至31宗。 4月 1日︰日本政府高官公布皇太子德仁5月繼任後使用的年號為「令和」，明仁天皇已簽署確認，兩字出自日本經典。 1日︰ 持續進修基金於4月1日起 推出新措施，金額增至$20000 8日︰教育局表示，參加應屆中學學位分配的小六學生家長，日內可於子女就讀小學領取中一派位選校資料。 15日︰有850年歷史的巴黎聖母院大教堂發生大火，猛火燒了15小時撲滅，但標誌性的尖塔燒至塌下，幸而主體結構和兩座塔樓得到保存。 15日︰食物環境衞生署宣布於4月15日開始行動，會在高風險地點以霧化處理方式殺滅蚊，直至雨季結束。 21日︰斯里蘭卡發生連環血洗教堂和酒店的恐怖襲擊，首都兩座天主教教堂發生爆炸 5月 1日︰本港法定最低工資水平由每小時34.5元調升至每小時37.5元，升幅8.7%。 16日︰美籍華裔建築師貝聿銘於在家逝世，終年 102 歲。 23日︰旺角騷亂案被控暴動罪的本土民主前線前召集人黃台仰及成員李東昇，棄保潛逃近一年半後，首次現身接受外國傳媒訪問。 23日︰政府統計處公布，4月綜合消費物價指數按年升2.9%，高於3月的升幅2.1%﹔剔除政府紓困措施影響，基本通脹率為2.9%，也較3月升幅2.6%為高。 31日︰上水屠房再有豬隻樣本驗出非洲豬瘟病毒，食物及衞生局局長陳肇始宣布，該屠房所有豬隻會被銷毀。 6月 2日︰第七屆全港運動會全部賽事順利完成，閉幕暨綜合頒獎典禮在九龍公園體育館舉行。 5日︰衞生署公布合資格長者將於6月26日獲發一次過額外1,000元長者醫療券金額；醫療券累積金額上限同日起提高至8,000元 12日︰香港過百萬人示威，圍堵立法會阻止送中法二讀的集會。 26日︰警方宣佈暫停伊利沙伯醫院及仁濟醫院的警崗服務。 28日︰20 國集團（G20）峰會在日本大阪舉行。 7月 6日︰海關在荃灣檢獲約三公斤霹靂可卡因、約一公斤氯胺酮、約460粒搖頭丸、約240粒硝甲西泮和約十克大麻，市值約400萬元。 17日︰馮德萊恩當選歐盟委員會主席，成為歐盟首位女性「總理」。 18日︰醫管局公佈，香港再發現有人帶有耳念珠菌，是今個月的第 15 宗同類個案。 21日︰示威者在上環一帶發動連番暴力襲擊，包括投擲汽油彈、縱火、擲磚，並堵塞主要幹道。 25日︰港鐵一列負責起吊路軌的工程車在試車時於大埔墟站及大學站轉彎位出軌，沒人受傷，影響翌日東鐵綫來往火炭站及大埔墟站服務，停駛達 9 小時。 8月 4日︰法國發明家薩帕塔 （Franky Zapata）利用自己設計的飛行滑板，完成創舉，成功橫越英倫海峽。 7日︰警方以涉嫌藏有攻擊性武器的罪名，拘捕香港浸會大學的學生會會長。 9日︰新巴及城巴兩所巴士公司向運輸署申請加價 12%。 21日︰元朗西鐵站驅散行動中，有示威者投擲雜物，包括企圖投擲大型垃圾桶，期間警務人員發射一枚橡膠子彈，制止有關行為。 27日︰由2019至20學年起，政府會為逾750所參加幼稚園教育計劃的幼稚園提供經常性推廣閱讀津貼，津貼額較先導計劃增加一倍。 9月 4日︰因應多次反修例遊行，政府宣佈正式撤回修訂《逃犯條例》草案。 10日︰阿里巴巴董事局主席馬雲宣佈卸任。 17日︰港鐵紅磡站早上發生列車出軌事故，釀成 8 人受傷，列車服務受阻。 18日︰政府宣佈考慮到反逃犯條例的大型遊行活動及公眾安全，將取消原定於十月一日晚上舉行的國慶煙花表演。 23日︰聯合國氣候峰會召開，約60名國家領袖參加，峰會旨在尋求具體行動落實《巴黎協定》。 10月 3日︰瑞士洛桑管理學院公佈「2019 IMD全球智慧城市指數」（IMD Smart City Index 2019）香港排第三十七名。 4日︰香港特首林鄭月娥宣佈透過《緊急狀況條例》制訂《禁止蒙面規例》，禁止於集會遊行時蒙面。 16日︰特首林鄭月娥透過視像宣讀《施政報告》，建議為中學日校、小學和幼稚園學生提供$2500學習津貼。 18日︰美國的太空人在國際太空站， 完成史上首次全由女性進行的太空漫步。 20日︰九龍遊行期間，警方在彌敦道以水炮車噴射藍色催淚水劑，清真寺受牽連，引起高度關注。 11月 12日︰意大利威尼斯發生水災，部分古蹟或遭受永久損害。 18日︰高等法院裁定香港政府推行的《禁止蒙面規例》違反《基本法》。 19日︰鄧炳強接替盧偉聰出任新一任警務處處長 。 24日︰第六屆區議會選舉完滿結束，累積投票率及投票人數打破歷屆紀錄。 27日︰教育局表示，內地122所參與招收香港中學文憑考試學生計劃的高等院校2020年3月1日起接受網上預先報名。 12月 17日︰中國第一艘自製航空母艦山東號正式在海南省服役。 18日︰許仕仁涉及「世紀涉貪案」新地案，觸犯3項公職人員行為失當罪被判監7年半，今日出獄。 20日︰伊朗總統魯哈尼12月20日到訪日本東京，與日本首相安倍晉三會晤。安倍敦促魯哈尼履行《伊朗核協議》。 23日︰旅遊發展局宣佈舉辦 「除夕大抽獎」，送出總值400萬元的禮品。 25日︰康樂及文化事務署宣布，「樂在社區閱繽紛---『喜』動圖書館」試驗計劃1月推行，配合不同活動推廣全民閱讀。 2020年 1月 15日︰中美在白宮簽署第一階段貿易協議，稍後特朗普會與習近平於北京展開第二階段貿易談判。 31日︰政制及內地事務局局長聶德權表示，特區政府收到約600宗來自湖北港人就新型冠狀病毒感染疫情的求助個案，正審慎全面評估他們的回港安排。 2月 3日︰醫管局員工陣線在 2 月 3 至 7 日發起一連 5 日罷工，要求政府全面「封關」。 11日︰世界衞生組織宣布將「武漢肺炎」新型冠狀病毒命名為COVID-19，新型冠狀病毒肺炎。 12日︰世界衞生組織總幹事譚德塞稱新型冠狀病毒疫苗有望在 18 個月內準備就緒。 21日︰政府向立法會財務委員會申請撥款300億成立防疫抗疫基金，政府希望能夠盡快落實惠民紓困措施。 3月 4日︰通訊事務管理局公佈本地免費電視台無須再播放由香港電台製作的電視節目。 24日︰行政長官林鄭月娥任命張舉能為終審法院首席法官，明年1月履新。 27日︰北馬其頓正式加入北大西洋公約組織，成為該組織第 30 個成員國。 29日︰一名駐守西九龍總區的31歲男警員初步確診2019冠狀病毒病。警方即時採取衞生措施，並會向衞生署提供該名警員近日工作紀錄和執勤表等資料。 4. 各級常識考試精華Key Points 咁究竟小學常識呢一科要點溫架？係唔係背哂成本常識書就一定考到高分？背咗又唔知有冇用。作為家長，點樣先可以知道小朋友明唔明吖？下面AfterSchool就為大家整理咗每級常識科嘅Key Points ，大家不妨可以參考一下！ 小一常識 小一常識嘅主題一般以圍繞個人生活較多 e.g 認識自我，家庭生活等 家長在幫助小朋友溫書時應着重小朋友嘅想法，比佢地多啲空間思考 同時可以加入一啲互動元素，以及用多一啲小朋友日常生活嘅例子 小朋友會容易啲明白 小二常識 小二常識嘅內容依然以個人生活為主，但同時開始會同社區連接 家長在幫助小朋友溫習時應留意佢地對社區嘅認識有幾深 e.g 小朋友可唔可以講到社區有咩設施 小朋友亦都要知道喺社區上嘅規則 小三常識 小三常識開始會涉及多啲香港同中國嘅歷史 小朋友開始需要背誦一啲歷史事件 e.g 張騫與絲綢之路等 如果驚小朋友抗拒背書，可以嘗試用講故事嘅形式，唔好死記硬背 家長亦可以多啲同小朋友講自己舊時嘅生活，令佢地有以前嘅生活環境有概念 同時可以將而家同以前嘅生活做比較 小四常識 小四常識內容開始關注更多世界嘅事務 e.g 科技，能源等等 小四學生會學習一啲科學原理 家長可以預備幾個包含簡單科學原理嘅小實驗同小朋友一齊試下 引發小朋友嘅好奇心 小五常識 小五常識嘅內容可以話係包含前面4年嘅主題，但相對會教得更深入 家長可以多啲同小朋友傾一啲全球性嘅問題 e.g 水資源問題 一方面可以引發小朋友思考，另一方面可以考核佢地到底明幾多 家長協助溫習小五常識應以引發思考為主 小六常識 小六常識內容同青少年嘅生活息息相關，亦會學習中國近代史同香港社會事務 中國近代史同香港社會事務e.g 公民責任，行政架構...係需要背誦嘅 小六學生應多啲留意社會發生緊嘅大小事，追貼社會嘅改變 5. 常識科練習、考試卷及時事題試題庫 溫完書之後想知道自己究竟溫得夠唔夠？下面就有不同提供小學常識科練習同試題嘅免費網站，系溫完書之後去做下，test一test自己！同時下面都有一啲會定期更新整理好嘅每月新聞集，得閒可以去睇下，更新下自己嘅「新聞庫」！ 一週時事2019 ⭕網站入面嘅新聞以一星期為一個組合，在標題下有連結可以接去新聞正文，排板非常清晰。 ❌網站嘅更新日期只由2019年5月-2019年9月，新聞範圍小。 推薦程度︰2/5 https://liberalstudies.hk/weeklynews/?date=2018-02-03 明報教育網 ⭕網站入面有好多適合小學生嘅常識文章，係登入會員之後仲有睇到常識科嘅教育雜誌，內容吸引有趣。網站都有開設網上嘅通識時事問答比賽。 ❌比賽係中學區域，但同樣都係時事，難度亦唔太高，小學生試下做都一樣可以。 推薦程度︰4.5/5 https://life.mingpao.com/ebook/listing?book=S00024&page=1 香港經濟日報 TOPick ⭕呢個網站每個月都會上載一份上一個月嘅時事題，每份大約12題左右，分短答題同多項選擇題。另外仲會有不同關於小學常識科溫書同應試技巧，非常值得去睇下！ ❌冇相關新聞嘅連結，要自己另外搜尋有關新聞 推薦程度︰5/5 https://topick.hket.com/feature/sspa/generalstudies.html?mtc=t001_0012 政府新聞網 ⭕新聞網當中有一個資料庫，入面包含政府發佈過嘅新聞稿，以及同香港政府有關嘅新聞，來源絕對可信。 ❌新聞嘅範圍只包含政府新聞，內容唔全面。 推薦程度︰3/5 https://www.news.gov.hk/chi/index.html 學而思 ⭕呢個網站由2019年3月開始每月定期更新每月新聞合集，新聞範圍廣泛，包括本地及國際新聞。 ❌網站入面唔係每則新聞都有列明確實日期，在日期方面有少少唔清晰。 推薦程度︰4/5 https://www.xeseducation.com.hk/category/06-others/ 今日常識新領域 ⭕無論有冇account，都可以睇到呢個網站嘅新聞速遞架！ ❌有部份功能要登入account先用到，咁用緊呢本書同有account嘅同學就記得要好好運用喇！ https://ephgs.ephhk.com/newsexpress/ 推薦程度︰3/5 教育電視ETV ⭕ETV以動畫同情景劇嘅形式，將不同年級嘅常識科課題知識呈現出黎，簡單易明 ❌而家ETV已經停拍，部份影片畫質可能較低，亦可能未必合符社會現況，觀看時辰多加留意 https://www.hkedcity.net/etv/listing/57077123f57da1f03b030000 推薦程度︰4/5 其實小學常識並唔係一科好難嘅科目，呢科同我地嘅生活非常有關連。只要各位小學生平時多啲留意日常生活嘅事物，以及係社會上嘅不同事務，要讀好小學常識一啲都唔難。

小學常識應試攻略+2019-2020時事題試題庫

下載AfterSchool

追蹤AfterSchool