好多同學都想知道點樣好好善用新年假期同Study Leave嘅時間作最後衝刺🤩但係港女想喺度戴返個頭盔先，我嘅方法真係未必個個啱用，甚至可能會有同學覺得我太hea嘅XD同時都想講埋自己點樣keep住有動力讀書，為目標奮鬥！ 🌹1.盡量唔好捱夜🌹 唔知會唔會有同學仔係打算study leave衝刺，所以日日搏盡到凌晨呢？ 港女俾你地嘅建議係：【真係唔好熬夜】 當年港女仲係中學生嘅時候，一般都唔會遲過1點訓😗當然啦，早睡就一定要早起，通常我都係7點左右就會自然醒。一日之計在於晨，啱啱起身理應就會係頭腦最清醒嘅時候，要好好善用剛剛起床嘅時間進行溫習，咁樣就會事半功倍啦🤓 再加上之後你地考DSE絕大部分都係八點半開考，如果喺新年/Study Leave呢段時間唔好好調節返生理時鐘，再加埋臨考前一晚緊張到訓唔著，咁就會影響表現架喇☹️ 🌹2. 一日溫幾科🌹 我當年新年/Study Leave嘅時候一定唔會一日溫死同一科（e.g. 星期一溫英文，星期二溫文學😥）可能有人會覺得咁樣可以比較集中整理同一科嘅知識掛😅但因為我實在超級超級超級怕悶😖所以我當年寧願將一日將7科嘅其中幾課都go through一次，多過一日裏面將一科成個dse syllabus塞入腦🧐怕悶嘅同學仔不妨可以試下咁樣做啊～ 🌹3. 最遲考嘅科，最早開始溫🌹 好多同學可能都會係跟住dse次序去溫書，但我自己習慣係將最尾考嘅科放到最頭開始溫習。例如我當年筆試最後一科係econ，我study leave最早開始做準備就係佢。 咁嘅話就變左最先考嘅科會有最多fresh memory，大家都明白架啦fresh memory往往都可以救人一命XD 🌹4.將目標/鼓勵性說話寫喺當眼處🌹 當年港女喺自己嘅schedule book上面大大隻字寫住“HKU BA&LLB”同埋“Prove them wrong”，入面每一頁都幾乎寫滿“我要入ALaw”😳雖然依家自己睇返轉頭真係覺得以前自己好白痴😂😂😂😂😂不過呢啲句子對於讀書讀到frus咗嘅自己，可以提醒自己勿忘初衷，繼續努力。最後港女知道入到ALaw，真係感動到喊左架XD 最後最後，依家已經一月喇。19DSErs緊張絕對係好正常嘅，我上年呢個時間都緊張都hihi🙁雖然自己中四起都好勤力，但都不免會怕自己咁耐嘅努力最後都係白費曬。 以上咁正嘅分享係由 @gongnuifaiup 撰寫～覺得正嘅就比個like同follow埋佢喇
