相信同學都知道由 2024 年開始 DSE 中文改制，取消卷三聆德及綜合＋卷四說話，淨係得返卷一閱讀及卷二作文。
咁係咪代表綜合已經成為歷史呢？當然唔係！大家熟悉嘅綜合部分將會變成卷二甲部（乙部為本身嘅作文卷），佔全卷30％，所以絕對唔能夠忽視！
同學成日話要操卷，想令中文進步，但中文咁多分份卷入面，同學往往唔願意多花時間喺DSE中文卷三上，原因一般係：
AfterSchool 將會喺呢篇文章分享 DSE 中文綜合部分嘅星級技巧，包括格式、內容、行文組織、見解論證、整合拓展等，用最簡易嘅思路令大家迅速掌握綜合卷嘅得分關鍵！
喺學習零散嘅新知識之前，有冇諗過需要先建立一個系統性嘅學習模式？我係文靜，多年來透過DSE中文補習幫助學生輕鬆取得大學入場券。想知道我嘅教學理念同往績，即撳：中文補習名師 文靜 | AfterSchool
目錄
DSE中文卷二甲部比重
根據考評局公布嘅各卷嘅分數分佈，DSE中文卷二甲部所佔分卷比例高達 30%，同SBA嘅15％不相伯仲。所以，我哋又點可以輕易放棄綜合部分呢？
DSE中文卷二甲部評分標準
以往卷三總分為50分，評分標準分成 4 個部分，分別係：
| 部分 | 分數 |
| 整合拓展 | 16 |
| 見解論證 | 14 |
| 語境意識 | 10 |
| 表達組織 | 10 |
| 總分 | 50 |
一般而言，想攞5以上要有7成分數，如果語境意識部份格式正確，文章頭尾兩段稍稍交代背景資料，行文語氣正正常常，就可以拎到6分以上；到表達組織，只要你篇文章有頭有尾，中間寫個普通嘅過渡段，語句通順，都應該可以拎到 6 分以上。呢兩個部分夾埋已經攞到 12 分，你只需要再喺整合拓展同見解論證裡面加埋拎 23 分就已經係 7 成分數。
不過，隨住綜合卷改制，評分標準都有所唔同咗：
| 卷二甲部評分部分 | 分數 |
| 內容 | 30 |
| 行文組織 | 20 |
| 總分 | 50 |
咁到底內容同行文組織要點樣攞分呢？一於睇埋落去啦！
DSE 中文卷二甲部：內容
就是從前的「整合拓展」和「見解論證」的整合，當中更著重「見解論證」的部分，例如參考考評局的示例考卷，會要求學生就一個目的／活動（例如xx節、社區保育、重建等）提出一個決定（例如重建方向、節目等），利用實用文格式寫出引言、論點一、論點二、結語四部分，同時確保觀點明確、合理，理據充足，闡述清晰。
- 明確的主題和目的：首先，確保你明白是次考卷的主題或目的。論述部分應當具有足夠的深度，以便你可以在短篇幅中展開有力的內容。
- 引言的吸引力：開篇的引言應引人入勝，引起讀者的興趣。可以使用引言中的故事、引用、問題或統計數據等方式來吸引注意。
- 論點的明確性和合理性：每個論點都應該非常明確且合理，以支持你的主題或目的。可多用事例、設例、邏輯等論證說明手法。
- 闡述的清晰性：清晰而有邏輯地表達你的思想。使用過渡句子來順暢地將一個論點引入下一個，確保文章的流暢度。
- 結語的扼要概括：在結語中總結你的主要論點，強調你的立場或建議。結語應該具有情感吸引力，讓讀者留下深刻的印象。
- 避免陳詞濫調：盡量避免使用過於常見的詞語和短語，嘗試使用具體、精確的詞語來提高文章的獨特性。
DSE 中文卷二甲部：行文組織
亦即是從前的「語境意識」和「行文組織」，取消格式分底分，字數要求由無限制變為500-550，超字有可能扣分，因此變相要求考生用短短500字寫出精簡的內容，與以往的「字數遊戲」大相徑庭。要注意行文身分，寫作格式及有沒有額外寫作要求，例如「感謝某個對象」等任務。
- 結構清晰：文章應具有明確的結構，包括引言、論點一、論點二和結語。每個部分都應有其獨特的功能，並通過過渡句子連接起來。
- 格式符合要求：按照要求使用實用文的格式，確保文章風格正確。這包括標題、日期、收件人、寄件人等的正確排列。
- 適當的語境意識：考慮到寫作的目的和受眾，語言應適切且得體。避免使用過於口語化或不當的語言。
- 不要遺漏任務要求：如果題目中有額外的要求，例如「感謝某個對象」，確保在文章中包含這些要求，並確保它們與文章的主題相關。
- 確保字數在500-550字之間：由於字數有限制，要確保內容緊湊且重要信息得以包括，同時避免冗長或不必要的描述。
DSE 中文卷二甲部常見實用文格式
語境意識最重要一環、大家咨詢度最高嘅一定係中文卷三格式。中文綜合格式正正係突破 Level 5 關口嘅基本條件，所以以下提供咗幾款常見嘅中文卷三格式畀大家溫習一下：
DSE 中文卷二甲部投稿或專題文章格式
| 標題 | 配合文章內容及立場 (如有) 自擬標題，並將之置中。 |
| 內文 | 交代寫作背景或者撰文動機等特定背景資料，不必自我介紹，然後就入正文。 |
| 署名 | 根據聆聽或閲讀材料要求而定。 |
DSE 中文卷二甲部演講辭格式
| 開啓語 | 對聽眾地位的順序稱呼。 |
| 內文 | 說明演講的原因及開場白等特定背景資料，然後就入正文。 |
| 結束語 | 表達謝意及簡單祝福語句。 |
DSE 中文卷二甲部建議書格式
| 上款 | 收訊者的稱謂。 |
| 標題 | 置中，如「———— 建議書」或「建議————」。 |
| 內文 | 交代特定背景資料，然後就入正文。 |
| 下款 | 置右，寫提建議者身份及名字。 |
| 日期 | 寫於下款的下一行，置左。 |
DSE 中文卷二甲部書信格式
自薦信
| 上款 | 收信人的稱呼+尊鑒。 |
| 首段 | 自我介紹+從 (資料來源) 得悉 (機構) 招募 (職位/角色) 等特定背景資料，然後就入正文，結尾須表達希望被錄取的展望等特定背景資料。 |
| 祝頌語 | 寫在結尾的下一行，「敬祝」隔兩格，祝頌語嘅內容要喺下一行頂格寫。 |
| 下款 | 置右，先寫寫信人職位/稱呼，下一行再寫寫信人名字，名字後面加「啓/謹啓」。 |
| 日期 | 寫於下款的下一行，置左。 |
公開信
2018 年令眾考生乍舌嘅公開信，都係屬於書信嘅一種，包含：
| 上款 | 收信人的稱呼 |
| 下款 | 寫在右下角，先寫寫信人的職位/稱呼，下一行再寫寫信人名字。 |
| 日期 | 寫於下款的下一行，置左。 |
一定有同學咁問：「如果咁啱冇背到嗰個格式點算？」
其實中文卷三格式除咗背，都可以參考試卷上嘅聆聽及閲讀材料。因爲考評局都好驚大家唔識中文綜合格式呢家野，所以會喺第二段錄音末尾提醒大家少少格式同語氣嘅注意事項。
以 DSE 2018 年中文卷三為例，呢一年題目要求同學以「學生會學習日工作小組主席」寧樂行嘅身份，撰寫公開信一封，向全體同學介紹走出教室應有嘅兩種學習態度等等。錄音稿裏面話「以工作小組的身份」、「二月份之内交稿」，就係考評局畀同學嘅提示。首先提咗你要以邊個身份寫，仲提埋你要寫日期同寫幾時。所以，就算文體陌生，都可以從錄音搵到關於中文綜合格式嘅線索！
背完格式係唔係就滿分呢？當然唔係啦。要知道考評局嘅信條就係字字珠璣，即但凡喺卷上出現嘅文字，或錄音裏面提過嘅內容，都有可能係補充語境意識嘅重點。
再講，中文綜合格式只係一個框架，太多細節冇包含到。比如話，我地背嘅格式有無同我地講要呼籲啲咩？有無叫我哋喺最後多謝邊個？明顯無啦。所以，唔可以一本通書讀到老。同學仔，要識得聽考評局畀嘅提示啊！
DSE 中文卷二甲部 常見問題
Q：見解論證係咪同「吹水」差唔多？使唔使畀好多例子？
A：中文卷三嘅見解論證唔係純「吹水」，而要有一定框架，類似於通識嘅建議題。
先寫好建議實施嘅步驟 (或活動內容)，然後指出問題所在，再寫嗰個建議如何解決問題 (或活動如何達致成效) ，輔以一個實例作為論據。同學甚至可以加入「局限性」，「可行性」等考量。
至於需唔需要海量例子，其實要明白嘅係考試時間得一個半鐘，唔容許我哋對文字多加雕琢，又或者舉大量嘅例子。你寫一百個例子，同寫一個解說得好完備嘅例子，都係拎一樣嘅分數，就係7分。
Q: 喺表達組織方面，我係唔係需要修飾我嘅句子，用多啲修辭？
A: 其實，表達嘅基本要求係語句通順，表達清晰，修辭並唔係一個需要特別關注嘅位。所以，最緊要就係用簡單且通順嘅句子表達段落內嘅邏輯關係。
