為何數學成績停滯不前?

JW
JW 2020-8-10 3,026

如果你犯下以下其中一項,都有機會令你數學成績停滯不前。

原因一:「習慣貪快跳Step,自認心算大師」

當同學見到熟悉嘅題目,又或者感覺做得順嘅時候,絕大部份同學都希望增快手寫速度,甚至選擇心算跳step,為求以最短時間內完成,心裏抱有諗法「呢啲題目點會唔識呢」,但最後派卷發現係錯,原因為Careless。

「哎呀,錯左係個正負號到!」

「點解36 × 3 都乘錯左做118嫁」

「P&C題目又乘除漏左個2」
以上情況係咪好熟悉呢,其實每個人都會犯呢啲錯誤,所以如果同學仔你想考得好,要搵方法去降低自己犯careless嘅機會,而並非只係期望下次小心啲咁就算。

建議方法:

同學謹記要盡量避免跳step,千奇唔好覺得「做唔切份卷嘅主因係冇跳Step」,呢個係大錯特錯嘅諗法,「寫多一行唔洗幾秒,但確保拎足分 」V.S. 「寫少一行快咗幾秒,但A part錯後面錯,成題扣好多分」,呢個決定同學仔要識衡量。

 

原因二:「未明Concept,以為死操難操就可以高分」

大多同學會覺得自己數學成績唔理想係因為做唔夠題目,所以會突然抽時間大量操題,但最後發覺進步並不顯著,繼而質疑自己數學天份,甚至討厭數學科。

以我自己、我學生經驗可以肯定話你聽,呢種係事倍功半嘅做法。「題目變一變,腦袋空白一片」亦係呢種方法嘅常見情況。

建議方法:

正所謂「一理通百理明」,Concept係首要,明白哂每Topic知識後,再多加訓練先係最正確、最有效率嘅準備方法,而唔係一知半解地盲目操練。

 

「Section A 滿分課程」

「P&C 40分鐘免費課程」

 

原因三:「狀態下沉」

大家都知道其實DSE卷,不論各科,都需要大概1小時至2.5小時左右嘅考核時間。

「一開卷就好熱血沸騰嘅感覺,半個鐘或者一個鐘後就開始放慢腳步,好似做功課咁,覺得大把時間慢慢嚟,到最後望一望錶,先發覺大件事,即刻deadline fighter上身」

A picture containing person, indoor, sitting, boyDescription automatically generated

你又有冇遇過呢個情況呢?

建議方法:

考DSE卷係需要長時間集中,同學平日考試要有習慣帶備自己嘅手錶,唔可以依賴考場提供嘅時間。然後,當時就係要有習慣定期留意時間,並唔係放隻手錶係到裝飾,若發現有所偏離,好似做慢左,咁同學可以立即調節,加快進度,咁樣就可以避免Deadline approaching所致 — 「急到頭惱空白,好似亂寫一大堆,其實只係搏step拎到分,並未有認真思考過」嘅情況出現。最後一項就optional嘅,因人而異,建議同學唔好有拖頭習慣。


原因四:「渴望Cal機大法打天下」

當坊間經常提起Cal機神技,又或者你身邊嘅同學用Cal機用到出神入化,就好似魔術表演咁,大家難免都有個心態想學捷徑方法去應付所有嘅題目。

冇錯Cal機係非常方便,就好似Email嘅誕生,仲有邊個希望時刻都用手寫書信嘅諗法一樣,但我有需要提醒同學仔:「如果你一見到題目/Step,就諗有冇方法督Cal機先」呢個壞習慣,即係你已經依懶左部Cal機,建議你立即改善一下呢個心態,唔係的話,你數學成績難以得到顯著進步,登至top嘅分數!

以我經驗話俾大家聽,特別係formula 01 同埋simultaneous equation (聯立方程)programme,個個都知道督幾下就solve到,但問題就係考評局逐漸出多左unknown或各款題型,防止大家展開Cal機大法,即使考評局冇刻意咁做,其實大家佔分最重嘅Paper 1長題目都需要明確嘅Step同思維,依懶捷徑方法只會得不償失!

水能載舟亦能覆舟,難道你哋嘅師兄師姐未曾聽過坊間嘅Cal機大法?咁有試問一下,有幾多位成功透過Cal機大法取得高嘅分數?歷年數據話你聽,係少之有少!

建議方法:

問一下自己Cal機對你嘅定位同作用係咩,儘量避免依懶Cal機Programme,如果有跟開我嘅同學仔都會知道其實我係會教佢地點用Cal機,有效率地搶分,但條件係我要確保你哋已經明晒所有Concept同Step,唔係只會害左同學,拖慢學生數學成績進步嘅時間。甚至我可以分享我自己本人考獲5**分數,其實都係考學校mock前少少先開始入人生嘅第一個Programme,你要有心理準備入左嘅Programme冇機會用。

 

如果你想短時間內快速清Concept,短時間內了解哂課題嘅考核題型,以及應對技巧、做法,可以考慮一下JW我嘅網上數學課程。每個course都會先教齊你Concept,然後就以大量Example話你聽所有嘅常考題型及做法,確保你精通哂,拎高分!!


JW教學宗旨:

  1. 不設side course,支持以真正去蕪存菁嘅課程,毫無保番傳授予學生 
     
  2. 不設timer限時完成題目,絕不拖學生時間
    (每位學生能力有別,避免削減學生思考題目時間;否則數學難以進步)
     
  3. 極度反對灌輸學生「Cal機打天下」心態! 
    確保學生已經聽明基本concept同step更為重要,繼而教授技巧去有效率地搶分
     
  4. 人話、不離地課程 
    ( JW親身操練過近40年Past Paper準備DSE,知道邊啲題目岩aim某level學生,避免大家兜大圈,花大量時間、心機,卻得唔到理想成績)

JW Mathematics課程及導師簡介

想了解更多,可以留意IG: @jw_mathematics,歡迎dm查詢!

免費 DSE 電子報
定期為 30,000+ 中學生送上實用 DSE 資訊和資源
JW