喺香港地，有邊個中學生 DSE 讀書壓力唔大？等 AfterSchool 同各位同學探討下呢個問題，檢查下你嘅壓力情況，齊齊學習點樣面對壓力啦～
目錄
自我檢查：Check 下「精神心理壓力指數」
正式開始之前，大家不如玩下呢個小編整嘅「壓力 checklist」，睇下自己中咗幾多個？
如果喺以上小測驗裡面中咗五個或者以上，就要注意自己係咪有壓力太大嘅問題啦！
唔中嘅同學仔，都唔好覺得自己一定冇嘢。因為「壓力」其實可以有好多種唔同嘅表現方式，所以都一定要多加留神。
同學仔可以 click 入下面嘅 link，睇下其他特徵：
【認識 Stress 定義】你真係知壓力係咩？
credit: unsplash @frankiefoto
成日講「我有壓力」，但你係咪真係解釋到咩係「壓力」先？
其實「壓力」係指：
1. 我哋面對生活上唔同事情嗰陣，會對自己提出嘅各種要求
2. 喺生理、心理上感受到威脅嗰陣，出現緊張不安嘅狀態
「學業」係香港中學生壓力焦慮嘅「最大來源」！
credit: unsplash @rexcuando
唔知大家有無諗過自己嘅壓力來源係咩呢？
不過都應該唔驚訝㗎啦，香港學生人人大壓力都係因為「學業」！
香港青年協會全健思維中心 喺 2019 年，曾經做過 中學生嘅情緒壓力狀況調查，發現超過 2500 個學生之中，超過四成學生嘅壓力指數都係偏高水平，比舊年高咗超過 4%！
香港中文大學調查 發現喺 2020 年，好多中學生因為肺炎，持續咗超過半年嘅網上學習，令佢哋無所適從，大叫救命！
青協嘅 中學生復課壓力狀況調查 顯示，喺 2000 個學生入面，有超過一半人都係對復課感到有壓力，驚追唔上學習嘅進度，擔心短期裡面應付唔到考試。
所以嚟到 2021 年，真係辛苦曬大家嘅不斷堅持！
中學生壓力症狀反應嚴重到抑鬱？
credit: unsplash @clemono
DSE 一試定生死，令好多香港中學生都承受住唔同程度嘅壓力。
通常，「壓力」都會反映喺你嘅行為上！
生理上：
你有機會覺得頭痛、頭暈、胃痛；成日控制唔到自己嘅情緒，對你嘅朋友或者屋企人發火；係咁咬指甲、搣手指皮；暴飲暴食、食慾不振等等。
心理上：
你或者會覺得不安、暴躁、唔耐煩，或者緊張、害怕、焦慮
如果你覺得自己出現以上症狀，or feel 到壓力太大就一要正視，唔好唔理！因為香港嘅中小學生經常都因為學習而出現抑鬱或自殺問題，所以壓力其實對你嘅影響可大可小：
提升記憶力！對抗 DSE 讀書壓力技巧：Power Nap
唔知大家有無聽過 Power Nap 呢？
credit: unsplash @marslady
Power Nap 嘅中文係「有力量嘅小睡」，或者簡單嚟講「午睡」。
呢個係近年外國興起提升自己記憶力嘅新方法！
有唔少外國嘅上班族，其實會喺返工時間用呢個方法！通常都係喺晏就食完午餐後，瞓返陣晏較叉叉電。
Power Nap 呢個方法通常都可以提升大家嘅敏銳讀度、生產力、認知能力等等。連美國 NASA 都曾經嘗試比員工用呢個方法，並且發現瞓 40 分鐘對工作表現嘅提升喺最好！
所以，小編都建議各位中學生嘗試一下呢個方法，溫書溫耐咗可以小睡一下，唔好怕浪費咗寶貴嘅時間溫書。始終超有效率咁溫一個鐘書，分分鐘好過你溫十個鐘，但係咩都溫唔入腦。
壓力嘅正面影響？！
雖然個個一講起壓力都會覺得喺負面同埋唔好嘅，但係凡事兩面睇，適當壓力其實都有好處！
credit: unsplash @_kevin_nice_
唔知大家考試嗰陣，有無試過感受到有一股令你更精神，更有專注力嘅力量呢？
如果有，其實真係唔出奇！因為適當嘅「學習壓力」可以提升記憶力，增加學習成效！
壓力可以增加一件事嘅挑戰性，成為我哋平時做嘢嘅推動力，提升做事嘅效率同埋表現之外。有啲人喺面對壓力時，甚至可以提高腦力，令你嘅反應力提升，激發你體內嘅潛能。
【Message from 小編】
小編 AfterSchool IG 成日收到同學仔 DM 話自己讀書好大壓力。小編自己都讀過 DSE， 所以非常明白各位嘅感受。。。
但記住！只要我哋學識喺適當嘅時候，調適壓力，令壓力維持喺適量水平，有壓力反而可能係件好事！
當覺得壓力太大，你可以搵同學、朋友仔、信任嘅人傾訴下心事 (搵小編都 ok 冇問題！)，亦不妨暫時放低手上嘅工作，打下機、聽下歌、沖個涼，放鬆下自己先。
面對壓力問題，其實無話邊個 solution 好啲 or 差啲，最重要係啱你自己！
credit: unsplash @allthestars
大家努力到呢一刻，真係好叻！我哋一齊喺 2021 繼續加油啦！
