去英國海外升學你需要一個支出預算！ 自從英國政府宣布 BNO 持有人嘅仔女可以喺當地逗留五年工作、讀書後，「英國升學」又再度成為港人討論嘅熱話。如果家長想送小朋友去讀英國寄宿中學或大學，留學期間嘅「學費」、「生活開支」都係必須考慮嘅重要因素！ AfterSchool 今次就同大家仔細分析下，究竟去英國升學費用嘅預算 budget 應該係幾多，等大家對英國留學費用當中嘅學費、住宿、飲食、交通、消費、娛樂、旅行等支出有個概念，計畫出最完善嘅支出預算啦！ 【英國大學學費】各英國大學、唔同學科/ 科目嘅學費？ 海外升學有唔同開銷，但「學費」一定係佔支出中最大嘅部分！ 不過，英國學制一般係三年，比起其他熱門升學地點如澳洲、美國等常見嘅四年大學學制時間短，變相慳翻一年學費！其實都抵諗㗎！ 英國學士課程學費 想知去英國讀書嘅學費大概係幾多？ 大家可以參考下呢個表，入面列出咗英國幾間知名大學學士課程嘅收費。 英國大學 國際生本科課程學費（2022/23） University of Oxford 牛津大學 文科：£31,230 理科：£37,510 經濟：£31,230 工程：£37,510 法律：£28,370 醫科：£35,380 - £46,730 University of Cambridge 劍橋大學 文科 / 社科：£22,227 理科：£33,825 經濟：£22,227 工程：£33,825 法律：£22,227 醫科：£58,038 Imperial College London 帝國理工學院 理科：£ 34,500.00 工程：£ 33,750.00 醫科：£ 45,300.00 University College of London (UCL) 倫敦大學學院 文科 / 社科：£23,300 理科：£31,200 經濟：£25,800 工程：£31,200 法律：£23,300 醫科：£36,900 University of Edinburgh 愛丁堡大學 文科 / 社科：£22,000 - £28,950 理科：£28,950 經濟：£22,000 工程：£28,950 法律：£22,000 醫科：£33,700 - £49,900 University of Manchester 曼徹斯特大學 文科 / 社科 / 商科：£19,500 理科：£24,000 醫科：£46,000 King’s College London 倫敦大學國王學院 文科 / 社科：£20,790 理科：£28,050 經濟：£28,050 工程：£28,050 法律：£24,750 醫科：£40,800 London School of Economics and Political Science 倫敦政治經濟學院 文科 / 社科 / 商科：£22,430 Foundation/ International Year 1 如果係想去讀一年 foundation 先再升讀 Year 1， 又或者讀 International Year 1 課程，你要注意！呢類課程嘅收費，同一般學士課程有啲分別㗎！ Foundation/ International Year 1 參考學費： 文科：£12,000 – £16,000 理科：£15,000 – £19,000 英國升學獎學金 英國升學學費唔算平，如果有獎學金可以申請，當幫補下都幾開心～ 一齊睇睇英國留學有咩獎學金可以申請啦！ 獎學金類別 申請條件 具體內容 海外教育津貼 1. 申請人父母為 1996 年 8 月 1 日以前加入香港政府嘅公務員； 2. 申請人喺獲准領取津貼就讀嘅國家接受「全日制教育」 寄宿學校津貼：可獲得最多為實際寄宿學校費用 (學費及租宿費) 嘅 90%。 走讀學校津貼：公務員子女以走讀學生身分就學，而配偶冇逗留該國照顧子女。 Scotland’s Saltire Scholarships 1. 取得蘇格蘭大學合資格課程嘅有條件或無條件錄取通知書； 2. 就讀科學、科技、創業產業、醫療保健、醫藥、可再生和清潔能源相關嘅碩士課程。 由蘇格蘭政府同當地高校合辦嘅獎學金，每年有 50 個名額，獎學金高達 £8000。 香港卓越獎學金計劃 1. 擁有本港居留權或本港入境權或持單程證進入香港；以及 2. 喺境外課程開展前連續在港住滿三整年。 由香港政府舉辦嘅獎學金計劃，旨在資助學業成績優異嘅清貧學生入讀香港境外嘅頂級大學。 每屆最多 100 個名額可獲發獎學金以支付學費，以每年 30 萬港元為上限。 尤德爵士紀念基金海外獎學金 1. 係香港永久居民； 2. 喺香港完成至少連續五年的全日制課程； 3. 辦妥所選院校嘅各項申請手續、符合入學條件，其後並獲得取錄；以及 4. 精通中、英文，並可以熟練運用所修課程嘅授課語文。 呢個海外獎學金為資助傑出學生去海外讀 Bachelor 課程而設，希望獲資助嘅學生喺學成後，為香港發展作出貢獻。每年獎學金嘅最高金額係港幣 280,000 元。 Jardine Scholarship Awards 1. 已達到指定學術標準，有資格進入任何此類學院或大學。 2. 居住在怡和洋行控股有限公司或其附屬公司經營商務嘅任何國家（包括香港） 怡和基金會向學生提供全額獎學金，涵蓋支持其學習所需嘅各種費用、開支。獎學金將包括：大學學費，由受託人確定嘅年度津貼 (用於支付食宿同其他雜費)；英國移民健康附加費嘅費用；標準經濟艙機票。 英國各院校獎學金 / 唔少英國大學會提供獎學金給海外學生，如 Exeter，Essex，York 等等。同學可以去心儀院校網址查下自己係咪符合申請資格。 【英國住宿租金】去英國各城市留學租屋要俾幾多錢？ Credit: unsplash @scottwebb 唔計學費，佔留學開支最大嘅就係「住宿」啦！ 海外留學生喺入學第一年會比較容易申請到大學宿舍，但之後幾年就可能要搬出學校宿舍，自己出去租房。 英國嘅租金價格高低，取決於你居住嘅地區。一般以倫敦最貴，所以讀 Imperial College London、 LSE、UCL 嘅同學如果想住校園附近，可能就要俾貴啲啦！ 以讀倫敦大學學院 (UCL) 嘅同學為例，每學年九個月嘅住宿費用約為 £6,000 - £9,000 (約港幣 $63700 - $95500)。不過如果你唔介意遠少少、住郊區，好大機會會搵到更平嘅住宿單位。 如果想搵生活成本更低嘅地區，同學可以考慮申請北愛爾蘭嘅大學。嗰度平均每個星期住宿費只需要 £91 (約港幣 $965) 英鎊，比起喺倫敦住 (每個禮拜平均 £182) 平成差唔多一半！ 英國大學宿舍費用 英國大學宿舍一般都喺學校附近，租住手續簡單方便，通常水電煤等公共費用都計埋喺租金入面，唔使額外再俾。每年平均租金約 £10,452。 英國私人宿舍租金 私人宿舍喺由私人公司提供嘅學生宿舍，有多種類嘅房間可供選擇，一般都有共享廚房、客廳。每年租金估計約 £12,740。 英國私人住宅租金 如果同學仔可以搵到 friend 合租嘅話，私人租宅都係幾好嘅選擇，可以搵房屋中介或者自己搵私人房東租住單位，比較容易可以搵到近市區/學校嘅地區。每年平均租金約 £8,840。 【英國生活費用】英國物價一般係幾高㗎？ 交通費 Credit: unsplash @josephbalzanodev 除咗住宿，英國嘅交通都唔算平！ 普通搭一程巴士都要港幣 10 幾蚊起步，單程地鐵費都要 £4.9 (約港幣 $52)。同學仔嘅交通費開支，其實好睇平時返學使唔使搭車、住所附近有冇大型超市，是否成日需要搭車出去買食物等。 如果同學平時都係行路返學、又主要喺網購唔使搭車出城嘅話，係交通費上就可以慳翻唔少啦！ 巴士 英國每個城市都有當地嘅巴士系統，同學仔可以根據自己使用巴士嘅頻率嚟決定是否要買「學生巴士月票」。 巴士收費唔同於倫敦地鐵要分 zones 收費，無論係搭幾多個站，單程票價都係 £1.50 (約港幣 $15)。 地鐵 除咗倫敦有非常密集，遍佈成個城市嘅 200 幾個地鐵站外，其他城市如紐卡素同格拉斯哥都有地鐵系統。前往倫敦求學嘅同學，小編非常建議買張英國嘅八達通—— Oyster Card，咁就最抵最方便啦！ 申請一張 18+ Oyster Photocard 就可以平大概 1/3 至一半！除咗搭地鐵，仲可以用嚟俾巴士、火車、電車嘅車費，係地鐵單程 £2.4 (約港幣 $26)，巴士單程 £1.5 (約港幣 $15)，Oyster card 仲有有每日上限，一日之內無論搭幾多程最多淨係會扣 £6.8 (約港幣 $72)。 喺地鐵站內嘅 Ticket Office、站內自助售票機等嘅地方都可以買到 Oyster Card，淨係需要俾 £5 (約港幣 $53) 按金就可以拎到一張啦。 火車 如果想往返英國唔同城市，大家可以考慮巴士同火車。同學可以買張 16 - 25 (歲) 火車卡年票，價格為 £30 (約港幣 $318)，每程就可以慳 6 成。 食物、伙食費 Credit: unsplash @therachelstory 喺英國出門食一餐都幾貴下，週末夜晚想出去食餐靚少少嘅都要三四百蚊起！所以非常推薦同學去超市買送餸自己煮～咁就可以慳好多啦！ 出外用膳 屋企煮超市物價 超市 Meal Deal £3-5 (三明治/ subway + 零食 + 飲品) 麥當勞套餐 £6 普通餐廳 £15 中高檔餐廳二人晚餐 £30 /每人 米 (kg) £1.6 薯仔 (kg) £0.86 生菜 (個) £0.5 番茄 (kg) £2.06 蘋果 (個) £0.24 牛奶 (L) £0.76 雞胸肉 (kg) £5.72 牛肉 (kg) £9.34 英國雞腿 (kg) £4.65 英國產羊扒 (kg) £13.5 同學仔如果自己煮嘅話，喺英國生活嘅飲食開銷其實都唔算好高，平時可以去平價超市例如 Lidl、Aldi、Tesco 等買啲意粉、蔬果、凍肉等自己或者同同學一起煮。小編建議每星期嘅食費開支可以控制喺 £180 - 200 (約港幣 $1900 - 2100)。 英國電話費用 Credit: unsplash @robin_rednine 依家出門在外，手機冇數據真係唔得！ 喺英國，每個月手機電話費用就平均 £15 英鎊左右，同學可以了解吓有邊啲電訊商可以揀： 電信品牌 參考價錢 GIFFGAFF 價格便宜受學生歡迎 可喺香港事先開 SIM 卡，方便填寫資料 £7.50/月 2GB 流量 ＋ 250 分鐘通話 £10/月 3GB 流量 ＋ 無限通話、短訊 £12/月 4GB ＋ 無限通話、短訊 £25/月 無限流量、通話、短訊 (適用於英國同大部分歐洲國家) EE 英國第一間有 4G 網路嘅公司，網路同通話相對穩定 全英國網絡涵蓋率最高、速度最快 適合住喺比較偏遠嘅城市或郊區嘅同學 提供免費 Apple Music，不額外增收流量費用 £14 /月 1 GB 流量 £17 /月 3 GB 流量 £22 /月 20 GB 流量 (英國同大部分歐洲國家) 3 (THREE) 價格實惠，信號相對唔穩定 提供 feelathome 服務，可喺 20 幾個唔同國家使用 3 嘅網路，冇額外收費 同好多商家合作提供優惠 送免費流量睇 NETFLIX、tvplayer、Dave、HISTORY、LIFETIME 等節目 £10 /月 1GB 流量 ＋ 600 分鐘通話 (限英國) £18 /月 4GB 流量 ＋無限通話短訊 (英國同大部分歐洲國家) VODAFONE 英國老牌跨國電信，信號強、價格相對高 網路覆蓋範圍高，網速快 喺英格蘭同威爾斯地區比較穩定嘅供應商 £21/月 2GB 流量 £25.50/月 4GB 流量 £31/月 8GB 流量 (英國與大部分歐洲國家) VOXI Vodafone 旗下子公司，主要客群係年輕用戶 基本嘅 social media 流量唔設限，e.g. Snapchat、Instagram、WhatsApp、Facebook SIM 卡頭 30 日彈性使用，可以喺下個月隨時停止、更改或自動續費，唔使簽年約 £10/月 6 GB 流量 £15/月 15 GB 流量 £20/月 45 GB 流量 無限制撥打、短訊到其他英國地區門號，上網註冊後可以免費寄送 SIM 卡。 雖然英國有好多間電信商服務俾大家選擇，但小編覺得 Giffgaff 係最適合各位留學生。Giffgaff 唔單止性價比高，而且喺英國各大城市嘅信號都非常良好，對於各位留學生嚟講，最適合不過！ 娛樂費用 難得有機會出國留學，同學仔當然都想周圍飛下，唔好成日悶喺宿舍咁無聊！ 復活節、聖誕節想出去玩，除咗可以英國本地遊，喺倫敦睇下大笨鐘、去愛丁堡行下名勝古蹟外，仲可以直飛去遊覽浪漫之都法國、去荷蘭睇鬱金香同風車、去德國感受二戰遺跡～ 由英國出發前往 廉航機票參考價格（港幣）+ 時長（更新至15/1/21） 倫敦 – 愛丁堡 （英國） $ 509，1 hr 15 mins 倫敦 - 阿姆斯特丹（荷蘭） $ 572，1 hr 15 mins 倫敦 – 巴黎 （法國） $ 549，1 hr 15 mins 倫敦 – 慕尼黑 （德國） $ 684，1 hr 55 mins 倫敦 – 雷克雅維克 （冰島） $ 1124，3 hrs 15 mins 倫敦 – 利物浦 （英國） $ 1111，3 hrs 40 mins 倫敦 – 雅典 （希臘） $ 435，3 hrs 40 mins 如果喺週末唔想飛，都有好多唔同嘅娛樂選擇： 博物館 免費 (好多英國嘅博物館，都有免費或學生半價優惠㗎！) 電影飛 £10 英式下午茶 £40 - 60 【英國實用理財 Tips】 Credit: unsplash @paxtechnology 英國銀行戶口 - 開戶方法、Debit Card 同學飛英國前，其實已經可以喺香港預先開定銀行戶口，咁樣初嚟英國嘅時候都安心啲，唔使帶大量現金出門，更加方便、安全。 可以喺香港開到英國戶口嘅銀行有匯豐同東亞，我哋不如嚟睇睇兩間分別有咩 pros and cons 啦！ 匯豐銀行 東亞銀行 優點 較多英國分行 方便使用手機網上理財 戶口結餘最低金額 £10 免收開戶手續費 缺點 有開戶手續費（Premier Account Holder 可免手續費） 要每月存款入戶口 英國分行數目少 手機網上理財功能少 網上轉帳第三者要去一轉分行加翻戶口號碼先 開戶方法 香港匯豐銀行戶口持有人可以致電匯豐中環總行國際部預約開戶，帶齊地址證明， 護照等文件親身到總行交開戶申請表。 英國匯豐銀行會致電核對完資料後，就會收到由英國寄了嚟嘅的 Welcome pack / Debit card / 密碼等。 用戶可以立即喺英國匯豐銀行網頁啟動網上銀行功能，正式到英國後，去提款機改密碼就可以開始使用。 東亞銀行戶口持有人可以先聯絡香港東亞銀行海外分行管理及發展部預約開戶，之後要帶同地址證明，護照等文件親身遞交開戶文件。 收到收到由英國東亞銀行寄嚟嘅 Welcome pack / Debit card / 密碼後，就可以喺英國東亞銀行啟動網上銀行功能。 正式到英國後，去提款機改密碼就可以開始使用。 由香港匯款到英國 喺英國衣食住行都要錢，有時唔小心使突咗，可能要搵屋企人匯款救急！ 一般最常見嘅就係經傳統銀行電匯，大家可以仔細比較下呢三間銀行嘅匯率同手續費～ 1. 中國銀行 可以喺分行或者網上銀行辦理匯款。去分行辦理電匯嘅話，就要填寫匯款申請書，並繳交 $210 手續費。用中銀網上銀行會比較方便同平，只需登入中銀帳戶後喺「匯款」功能度填寫「申請電匯」資料，每次 $65。至於匯率就會定期按市價調整，大家可以 click 呢度 匯款前 check 清楚啦。 2. 匯豐銀行 匯豐嘅用戶可以透過個人網上理財、手機 apps 或者到櫃檯辦理海外轉帳。使用網上理財最平 $50，親身到分行辦理嘅話就比較貴，按戶口級別收 $120-240 不等，可以 click 呢度 查下當日匯率。 3. 恒生銀行 恒生銀行都係有通過「網上銀行」同埋「去分行辦理匯款」兩個選項。不過上網嘅話，會有每日最高轉帳金額上限港幣一百萬，每次收費 $65，經分行就冇金額限制，收費 $220。大家可以 click 呢度 睇下恆生嘅當日匯率。 英國生活慳錢小貼士 credit: unsplash @ciabattespugnose 除咗之前分享過嘅方法之外，其實仲有啲英國生活慳錢小貼士！ 1. Cashback 現金回饋網站 大家喺英國網購任何商品之前，都不妨去 cashback 網站上查下，有冇同自己想買嘅電商平台合作提供現金回饋優惠～ 例如我想去 ASOS 買件衫，註冊一個TopCashback 嘅帳號，再去買就可以收到消費金額嘅 6.8% 新用戶現金回饋！如果喺買保險等金額較大嘅產品，分分鐘可以有幾十至幾百英鎊嘅 cashback！ 2. 學生打折卡/折扣網 喺英國讀書嘅同學仔可以申請一張 Totum card，英國最大嘅學生打折卡，咁就可以喺所有註明有學生福利嘅地方，都可以拎到折扣！ 除咗折扣卡，大家仲可以睇下折扣網例如 Unidays 同 Student Beans， 以學生身分註冊後，就可以拎到一個折扣碼，到合作嘅品牌網站或者實體店買嘢時，就可以享受學生折扣啦～ 3. 超市購物慳錢大法 一般超市入邊嘅食品同日用品都有清貨減價區，商品會痴上 “Reduced” 嘅黃色label，喺夜晚 7 點後或者超市閂門前一個鐘去行下超市可能會有意外收穫～一般都可以搵到好多八折到半價左右嘅食物。 UK Student VISA/ BNO 可唔可以做 Part Time？ 持 Student VISA 嘅同學如果喺課餘有時間剩都可以去搵 Part Time 賺下零用錢同埋累積工作經驗～ 每週可以工作 20 個鐘。 如果護照上印有 “prohibition” 嘅話，就唔可以喺英國打工，違反規定打工嘅後果十分嚴重。嚴重嘅甚至會被撤銷簽證！ 至於 BNO 持有人同其家屬，兩者都可以喺簽證期間喺英國搵工，冇時間限制。 【英國機票價格】香港飛英國有咩機票選擇？ Credit: unsplash @rparmly 去英國留學嘅同學仔每年都少不了要往返個幾次翻香港見下屋企人，買返一套包來回又有幾個月限期嘅「學生機票」會比單程機票慳好多架～ 直航倫敦嘅學生來回經濟艙機票： 航空公司 出發期限 參考價格 （一套來回經濟艙） 國泰航空公司 (CX) 2022 年 01月 04 日 - 2023 年 12 月 31日 HKD $10,903 英國航空公司 (BA) 2023 年 8 月 1 日 - 2024 年 1 月 31日 HKD $8350 維珍航空公司 (VS) 2022 年 11 月 17 日 - 2023 年 10 月 31 日 HKD $8490 英國留學申請與留學心得分享 喺學生時期，有機會出國留學係十分珍貴嘅體驗，對自己嘅社交、自理能力、英文水平嘅提升都有好大幫助！ 心思思想去英國留學但有唔肯定自己適合讀咩科、驚自己DSE成績唔夠好？唔知點寫 Personal Statement？如果有能力，其實可以去諮詢下升學顧問嘅意見，有專家幫手規劃下自己嘅升學計劃。 當然啦，如果有朋友仔已經飛咗過去嘅話，點解唔問咗佢哋先呢～ 想到英國升學，但唔知點做好？ 唔少家長、同學喺準備英國留學前都會諮詢升學顧問嘅意見，以增加入讀心怡大學嘅機會率，更加重要嘅係免卻大量煩惱 / 走少好多彎路，例如係事前嘅文件準備、複雜嘅申請程序、麻煩嘅入學事宜、辦理簽證、安排宿舍等等。 小編喺到推薦一間專業嘅升學顧問 Cyclopes Education 俾大家，佢係全港首間以數據分析嘅升學顧問，利用自家研發嘅 Cyclopes AI 平台，根據學生背景生成大學推薦及課程報告，為學生制定升學時間表，並且提供個人陳述輔導、申請流程、面試貼士等要準備嘅嘢，一條龍 0 盲區助你安心入讀英國大學。 依家佢哋推出咗一本最新嘅2023《英國升學秘笈》俾大家限時免費下載，為大家提供詳達31頁嘅英國升學資訊，助你： 1. 全面認識英國升學路向，揀選知名大學神級學科 2. 及早準備「英國升學To-Do清單」，由起步一刻已經贏過競爭對手 3. 收錄 UCAS 申請攻略，要啲咩文件同幾時交一眼睇晒 免費下載時間及名額有限，想得到嘅就快啲撳： 立即免費下載《英國升學秘笈2023》
