2020 DSE 中文作文卷第三題「送禮之我見」拎 5** 嘅難度極高，所以只有 11% 同學揀呢條題目嚟寫，等我同大家講下呢條題目嘅作文要求，同埋有咩「議論手法」、「議論文大綱結構」可以用落去啦！大家記得睇埋啲議論文範文例子啊！ DSE 中文作文考評局評核準則 考試最緊要知道考官想點，等我哋先睇睇 2020 DSE 中文卷二作文第三題嘅考評局官方要求啦。 關鍵概念說明 - 「送禮」、「送禮之我見」 credit: unsplash @kadh 《送禮之我見》-「送禮」 將財物禮品餽贈他人嘅社交活動。 透過送禮嘅行為嚟表達內心對其他人嘅敬重，維繫人同人之間嘅關係。 物質嘅禮物，例如水果籃、飾物、糖果禮盒。 非物質嘅禮物，例如對人嘅稱讚、關心。 《送禮之我見》- 「送禮之我見」 提出關於送禮嘅個人見解。 「每年都送來不合用的東西，不送也罷。」→ 探討送禮嘅實用性同形式化嘅問題。 「禮多人不怪。」→ 從中國傳統文化入手，認為人同人之間嘅相處需要適當嘅禮節。 「千里送鵝毛，禮輕情意重。」→ 禮物無分大細，重點係能唔能夠傳達送禮者嘅心意。 《送禮之我見》中文作文寫作要求 credit: unsplash @homajob 呢題無特定嘅作文主題要求，同學論述嘅角度可以千變萬化，例如可以評價送禮嘅行為、指出送禮嘅不良影響、 分析送禮嘅動機、建議如何送禮等等，當然只循一個方向議論又得，兼論幾個方向都得。 整體嚟講，議論文要立論明確、論點合理、論點，論據亦要具體而且緊密關聯，最重要嘅係上面呢堆嘢都要 100% 緊扣立意。 DSE 中文作文評分關鍵：取材與立意 立意方面，主要睇同學對「送禮」呢個詞嘅理解係咪準確，跟住就係睇大家能唔能夠具體咁說明自己對「送禮」嘅見解。 至於取材就簡單得多，在乎論據係咪具體，以及論證係咪嚴密，如果同學做到引用古今名言或事例就會更加理想。要注意，舉例論證只係其中一種論證手法，作文嘅時候要切換多幾種唔同嘅議論方式嚟增強說服力。 DSE 中文卷二 5** 作文技巧分析 如何深刻地回應 DSE 作文題目《送禮之我見》 考評局試後提到考生寫呢題《送禮之我見》嘅時候，犯咗好多毛病：選例唔貼切、述例多枝節、析例唔合理、過分側重敍述個人經歷、意見同事實混為一談等等，通通反映出當年考生嘅邏輯問題，咁我哋又應該點做呢？三個方法：審題、取材、立意。 DSE 議論文審題 當年同學大多從生活觀察（尤其是節日）入手，論述對送禮嘅睇法，例如節日商品化、禮物係咪表達心意嘅必須品等，審題方面無咩大礙。 中文作文取材方法 論據大多從社會嘅熱門話題出發，好似婚宴人情「公價」問題、送禮造成必須回禮嘅壓力。表現好嘅同學通常都能以小見大，用具代表性嘅例子呈現普遍現象，並且運用正反論證，令論點闡明得更加清晰。 相反，論述不當嘅同學往往穿鑿附會，例如錯誤運用莊子「無用之用」嘅講法，或者講送禮就同學習一樣有唔同目的。 《送禮之我見》- 立意 「立意」係真正令當日好多同學仔上唔到 5** 嘅元兇，原因係大部分同學對「送禮嘅意義」冇進行全面客觀嘅分析，只有少數同學能夠持平中肯咁從唔同角度論述。 （想知道自己係咪真係運用到以上嘅技巧？不妨睇睇歷屆DSE中文作文議論文題目，思考下自己嘅寫作大綱！） 卷二議論文必勝寫作格式大綱（開頭 + 結構） credit: unsplash @tolga__ 孟子有曰人皆有四善端：惻隱之心、羞惡之心、辭讓之心、是非之心，而中國傳統送禮文化恰恰是辭讓之心的體現。正如《禮記·曲禮》所言：「禮尚往來。往而不來，非禮也；來而不往，亦非禮也。」可見禮尚往來是有禮的表現，是值得我們遵循的禮節。遺憾的是，現今人們被物欲所支配，往往只見禮物的價值，卻不見送禮者的心意。 考評局出呢題嘅目的係俾考生進行文化反思，希望同學可以承認並改進傳統文化嘅不足之處，所以喺首段好適合用中國文化入題（其實所有議論文題目都適合），務求「借力打力」。 至於議論文結構方面，無論係「個人、社會、國家」定係「三正一反」，最重要嘅都係睇大家嘅論證過程，只要全文論點緊扣題目同立意就得，以下做個簡單嘅格式結構示範： 第一段 揭示全文論調，寫明立意（例如：同一份禮物，不同人有不同感受，我們應效法君子所為，珍重送禮者的心意。） 第二段 論點一：小人輕視送禮的行為。根據題目：「每年都送來不合用的東西，不送也罷。」 第三段 論點二：一般人盲從傳統中國文化。根據題目：「禮多人不怪。」 第四段 論點三：君子珍視送禮者的心意，不被禮物的價值或傳統禮節所囿。根據題目：「千里送鵝毛，禮輕情意重。」 第五段 總括全文論點，重新點明立意。 中文卷二百搭寫作例子 credit: unsplash @anniespratt 老師成日強調議論文例子可以用百搭例子，但係咩例子先算「百搭例子」呢？好簡單，就係可以用落唔同年份卷二作文嘅例子，好嘅議論文例子仲可以用埋落中文卷三綜合同卷四說話添，例如： 水門事件：揭發時任美國總統尼克遜收取不當政治捐款的醜聞 應用：2020《送禮之我見》- 今天送禮的行為甚至演變成政治博弈的一環，連權傾天下的美國總統尼克遜也難抵誘惑、2017《談憤怒》- 尼克遜總統愧為一國領袖，自然牽起民眾憤怒。 李白和杜甫互相贈詩：唐朝天寶年間，李白和杜甫互相送贈對方詩句以作維繫，如有李白的《沙丘城下寄杜甫》、杜甫的《贈李白》等。 應用：2020《送禮之我見》- 禮物貴乎心意，一頁詩句或許是廢紙一張，同時卻是千金難買的真摰情誼、2018《談知己》- 君子之交淡如水，我們當如李杜般交友重質不重量。 至於謝師宴、朋友生日送禮呢啲事例就唔使刻意記，一嚟事例唔夠具體，記嚟係浪費腦容量；二嚟係事例有機會過時，考試當日即埸諗仲好。 DSE 議論文佳作範文賞析 跟住落嚟就係「正反論證」嘅範文例子，等大家可以做個參考，了解點先算係嚴謹嘅論證： 那麼，我們又是否該完全摒棄送禮的傳統文化呢？當然不是，相反，只要不被物慾沖昏頭腦，我們更應弦揚這種「以禮傳情」的做法。廖福本是因紅包犯罪而聞名的台灣國民黨黨鞭，因長期收取賄款被捕，故被台灣民眾稱為「紅包本」。我們應該像廖福本般把送禮的禮節當作利益收授的渠道嗎？當然不該！送禮其實是潤澤關係的良法、修補裂痕的良方、治癒傷痛的良藥。二零一一年，美國總統奧巴馬到訪波蘭，波蘭總理圖斯克送上遊戲《巫師二》作為國禮，象徵兩國友誼永固，後來奧巴馬亦在演講中提起此遊戲，引為一時佳話。國與國之間的禮物倘且不是貿易協定，一款小小的遊戲也能深化兩國情誼，我們又何必本末倒置，把禮物的價值置於送禮者的心意之上呢？
