【2020 DSE 中文卷二作文】《微笑以對》記敘/議論文題目寫作手法分析

靜研中文
靜研中文 2021-5-27 35,746
我哋 AfterSchool 準備咗唔同嘅記敘文同議論文寫作手法(入面仲有範文例子𠻹),等大家用落 2020 DSE 中文作文題目《微笑以對》,笑奪 5**!
《微笑以對》呢題係當年 60% 同學選答嘅超熱門 DSE 中文卷二寫作題目。正因為咁,呢題絕對係伏中之伏,因為大量中文作文 5** 嘅高手都集中咗喺呢題,不如等我同大家參透下佳作範文嘅記敘文以及議論文寫作手法,有技巧咁喺「微笑」中生還啦!

DSE 中文作文考評局評核準則

多人揀嘅題目意味住扣題有少少缺憾都會上唔到 5**,而考 DSE 最忌唔知考官想要啲咩,就等我哋同大家分析下 2020 DSE 中文卷二題目二嘅考評局官方要求,投其所好就自然無往而不利。

關鍵概念說明

credit: Ahmed Zayan
credit: Ahmed Zayan
「微笑」
係人嘅「外在表情」,可以反映人嘅「內在感受」,略帶笑容、淺笑,有別於呵呵大笑、苦笑、冷笑,表示歡喜嘅感情。
微笑所代表嘅意義有好多,例如:
  • 處世心態:對事物有所領會時嘅微笑、默許某啲人事時嘅會心一笑、身處窘境時嘅從容淺笑。
  • 待人態度:對人友善嘅笑容、待人有禮嘅淺笑、包容他人嘅莞爾一笑。
  • 面對紛繁世事嘅人生觀:樂觀、豁達、淡然處之。
「微笑以對」
即係用積極樂觀嘅處世態度嚟面對世事。
 

寫作要求

credit: Henry & Co.
credit: Henry & Co.
寫作方式可以千變萬化,只要注意無論點構思取材都好,「微笑以對」都係文章嘅關鍵詞,佢會主導全文嘅取材以及立意
文體無限制,可以係敘述虛構故事,亦可以闡述個人對世事嘅諗法。
 

評分關鍵:取材與立意

credit: bruce mars
credit: bruce mars
取材:與「微笑以對」的扣連
作文高手喺呢題做到「人事物」同「微笑以對」緊密扣連,反思亦具體豐富。
至於滑鐵盧嘅同學通常未能緊扣「微笑以對」嚟記敘或議論,同時因為枝節太多搞到無咗焦點。
立意:對「微笑以對」的理解、聯想或詮釋
大家可以對「微笑以對」嘅理解、詮釋或聯想可以有唔同向度。
不過,如果你直接將「微笑以對」同勇敢、自強、堅毅劃上等號,就要清晰解說兩者嘅邏輯關係
 

DSE 中文卷二 5** 作文寫作技巧分析

credit: Quino Al
credit: Quino Al

如何深刻地回應作文題目《微笑以對》

審題
同學普遍能夠理解「微笑」嘅意涵,並且引申相關概念。不過亦有少數考生未能緊扣「以對」,只係寫咗「微笑」。

取材
針對「人生不同階段」,可以分別用生老病死呼應「人生路上」;用悲喜順逆呼應「各種處境」。
記敍文嘅寫法好睇同學取材有無花心思考評局特別讚賞某啲同學別出心裁,寫咗單親母親忍辱負重,對人歡笑背人愁,女兒最終感受到母親嘅默默忍耐,兩人相視而笑。
論說文嘅寫法就直接得多,透過大量論據嚟論證樂觀態度可以戰勝逆境,唔好生硬牽強咁用「笑容」、「快樂」扣連文題就得喇。
不過考評局同時指出套路嘅問題相當嚴重,例如寫「得到鼓勵、面對難關」、「陽光與陰影」,或者成篇文都係用啲老生常談嘅罐頭例子(愛迪生、李慧思呢啲)。

立意
單純肯定或者否定「微笑以對」呢種正面態度都唔係好嘅立意,更加唔好提當年好多同學只係重複提及「微笑以對」,取材同立意又無咩關係,搞到中文作文上唔到 Lv5+。
 

卷二開放題必勝記敘手法寫作(範文例子賞析)

credit: Ameer Basheer
credit: Ameer Basheer
最高超嘅記敘文係全篇文都滿佈「伏筆+照應」,用嚟一次過進行對比、人物轉折、首尾呼應,以下係簡單範文例子:
開首段:
      「甚麼?我校的中文辯論隊也太弱了吧!允行到底怎樣了,居然連續三次帶領校隊落敗了!」同學們的冷嘲熱諷聲聲入耳,作為中辯隊隊長的我倍感慚愧。「母語教育利大於弊」這道辯題怎樣看也是正方有利,竟然要我們當反方,勝算實在不高......果不其然,我們慘敗了,被正方打得體無完膚。看着胸前的徽章,我實是愧為隊長,當同學和老師跑過來安撫我時,我亦只能強顏歡笑,強裝鎮定。

結尾段:
       蘇軾《定風波》曰:「回首向來蕭瑟處,歸去,也無風雨也無晴。」縱使「戰場」上風起雲湧,我也該像蘇東坡般不執著於成敗,把一簑煙雨視作雲淡風輕。「『賭博弊大於利』這道辯題我們當反方?不要緊,我們努力準備便可。」果不其然,我們又落敗了,但我沒有感到一絲不甘氣餒,反而更多的是豁達釋懷:「勝敗乃兵家常事」,重要的是過程而非結果。如今,我帶着微笑把這隊長徽章交給後輩,祝願他們「長風破浪會有時,直掛雲帆濟滄海」。我明白,勝負固然重要,但我更希望他們能跨越挫敗,笑對得失。
 

卷二開放題必勝議論手法寫作(範文例子賞析)

credit: Dariusz Sankowski
credit: Dariusz Sankowski
巔峰水準嘅議論文佳作都能夠做到層遞式論證。正如唔同嘅微笑有唔同「等級」,論證一樣有層次深淺之分,以下係範文例子畀同學做個參考:
立論段:
       強裝微笑也非壞事,它其實是一種自我催眠的行為,讓我們最終得以笑對人生順逆。心理學有指行為與心態互相影響:我們的心態會影響外在行為,我們的行為也會調整內心的感受。強顏歡笑分成三種:第一種是顧及埸合的微笑,例如婚宴上為了合乎禮節的微笑;第二種是硬着頭皮鼓勵自己的微笑,就像李白被權貴迫害時在《將進酒》所寫的「天生我材必有用,千金散盡還復來」,縱使不忿也激勵自己走下去;第三種是鼓舞他人的微笑,如同曹操安慰部下望梅止渴,無論自己多痛苦亦想別人能堅持下去。以上三種微笑起初也不是由心而發的,但漸漸影響了當事人的心態,最終助他們走出困境。因此,我們何不常把微笑掛在臉上,好讓快樂常駐心中呢?

免費 DSE 電子報
定期為 30,000+ 中學生送上實用 DSE 資訊和資源
靜研中文

靜研中文

👩🏻‍🎓 中文科碩士級導師.專科專教👩🏻‍🏫 多年中文補習經驗.無數學生好評⭐ DSE 中文5**.真正實戰狀元📚 當代影視文學、韻文習作、儒家經典、楚辭奪A/A-成績