想考好 DSE 地理科，答案最易搶分嘅一定喺數據/ 技能為本/ 結構式問題（DBQ 資料回應題）！依家就等 AfterSchool 同大家睇一睇 DSE Geography DBQ 考試攻略啦！另外仲會送幾個溫習 + DSE Geog Past Paper 小帖士俾大家，希望幫到咁多位同學啦！ 按此瀏覽：歷屆地理 Geog 試題 DSE 地理 DBQ 數據/ 技能為本/ 結構式問題 喺 DSE GEOG 裡面，同學仔需要做晒「卷一」同「卷二」，而兩者各自都包括咗 1 Part「實地考察為本/數據/ 技能為本/ 結構式問題」(Data/ Skill-based/ Structured Question)。 DBQ 要求你根據試卷所提供嘅資料去回答問題，而呢啲資料可以係地圖、圖片、照片等等。 「卷一」方面，包括一道實地考察為本的必選答題及四道數據／技能為本／結構式問題，考生須於本部選答任何三題。建議每題作答時間約三十至四十五分鐘。呢度佔整個 DSE GEOG 45%。 「卷二」方面，同學就只需要喺 4 條資料回應題裡面，選擇 1 條作答，呢度佔整個 DSE GEOG 15%。 2026 GEOG DSE 考試模式、佔分安排 credit: unsplash @thatphotoguynl 以下係考評局對 2026 DSE 地理科 嘅安排。 DSE 嘅地理課程有7大單元： 機會與風險 — 居住在災害頻生的地區是否明智之舉？ 管理河流和海岸環境：一個持續的挑戰 轉變中的工業區位 — 它如何及為何隨時間和空間的變化而改變？ 建設一個可持續發展的城市 — 環境保育與城市發展是否不能並存? 對抗饑荒 — 科技是否解決糧食短缺的靈丹妙藥？ 消失中的綠色樹冠 — 誰應為大規模砍伐雨林付出代價？ 氣候變化 — 長期波動還是不可逆轉趨勢？ 而地理嘅選修單元就有四個，任揀兩個： 動態的地球：香港地質與地貌的形成 天氣與氣候 運輸發展、規劃與管理 珠江三角洲區域研習 地理嘅特別之處就係學校會安排讀地理嘅學生進行實地考察，運用課堂上學到嘅知識同技巧。 公開考試 地理嘅考試都係分為卷一、卷二，不設 SBA，卷一係考必修部分，比重 75%，分為有三部分，第一部分係多項選擇題 (Multiple Choice Questions)，第二部分係以實地考察為本／數據／技能為本／結構式嘅問題，第三部分就係短文章式問題 (Essay Questions)，卷二係考選修部分，比重 25%，分為兩部分，各設 4 題，考生需要各揀1題，第一部分係數據／技能為本／結構式問題，第二部分就係短文章式問題 (Essay Questions)。 地理 DSE DBQ 常見題型 + 答題技巧 (Past Paper 參考) DBQ 由幾條細題目組成，整體可以分幾個唔同嘅題型！ 通常每一條題目都會要求你： 描述一下圖片、照片或者數據 回答導致呢啲情況嘅因素或者影響 討論有咩方法或者建議可以應對相關情況 討論該方法嘅成效 以下幫大家總結咗「卷一」同埋「卷二」歷屆 HKDSE 地理科 by topic 嘅題目作參考。 地理「基本」考試題型：描述 / 寫出、比較、計算、辨認 credit: unsplash @Josh Applegate 呢種係最簡單容易嘅題型。 考評局要求同學仔可以透過分析圖片或者照片得出一啲信息。喺呢類題目，你會見到「描述 / 寫出」、「比較」、「計算」、「辨認」等等嘅關鍵字。 呢類題型佔 1 - 4 分，有啲甚至會要求同學「解釋」(e.g. 希望你可以解釋埋嗰個特徵點解會出現或者形成之類)。 DSE GEOG 卷一 Past Paper 參考題目 (by topic) 機會與風險 2012 DSE 地理 寫出該災害名稱。 河流和海岸 2013 DSE 地理 辨認一下 A 海岸形貌同埋 K 海岸形貌係咩；辨認一下 F 人工建設。 工業 2016 DSE 地理 根據格網方格，描述鋼鐵廠嘅區位優勢。 可持續發展的城市 2017 DSE 地理 參照圖片同埋香港地圖摘錄，描述 G 地反映嘅城市問題。 饑荒 2017 DSE 地理 參與圖及照片，描述同埋解釋 R 地嘅氣候特徵。 熱帶雨林 2014 DSE 地理 計算由 1990 年到 2010 年巴西森林面積嘅百分比改變。 全球增溫 2015 DSE 地理 計算 2011 年海冰範圍嘅面積；搵出 1979 同埋與 2011 年之間海冰範圍改變嘅百分比。 DSE GEOG 卷二 Past Paper 參考題目 (by topic) 動態的地球 2016 DSE 地理 寫出圖片所顯示岩石嘅名稱。嗰個岩石位於圖中嘅 A 地定係 B 地？ 天氣與氣候 2017 DSE 地理 描述同埋解釋香港喺 2 月 14 日同埋 15 日之間天氣情況嘅轉變。 運輸 2017 DSE 地理 描述 1984 年到 2014 年之間香港公共交通工具乘客百分比嘅轉變。 珠江三角洲區域研習 2016 DSE 地理 描述珠江三角洲地區喺 1990 年代同埋 2010 年代之間工業發展嘅趨勢。 DBQ 「中階」答題題型：說明 / 解釋、特徵 / 影響 / 改變 / 關係 credit: unsplash @supernov 中階嘅題目通常會出現「說明 / 解釋」一啲「特徵 / 影響 / 改變 / 關係」呢啲字眼。 你需要解釋返資料裡面顯示嘅地理情況、趨勢或者特徵，或者呢啲地理情況做成咗咩影響。呢個部分通常都係成條題目裡面佔分較多，通常 3 - 6 分。 呢類型嘅題目數量會較其他兩個題型多，所以同學們要好好練習呢種 DSE Geography 題型。 HKDSE 地理卷一 Past Paper 參考題目 (by topic) 機會與風險 2017 GEOG DSE 解釋科技可以點樣減少題 b 顯示嘅負面影響。 河流和海岸 2015 GEOG DSE 根據流量同埋各種河流作用，說明河道向下遊方向嘅闊度轉變。 工業 2014 GEOG DSE 參閱圖，討論以上提出嘅建議對廣東省嘅社經影響。 可持續發展的城市 2015 GEOG DSE 參閱香港地圖摘錄，引用地圖證據去解釋 D 地區較 C 地區更加適合作為填海區嘅區位同埋地點優勢。 饑荒 2016 GEOG DSE 討論贊成同埋反對用照片裡面顯示嗰個農業科技嘅理由。 熱帶雨林 2013 GEOG DSE 解釋喺亞馬遜盆地裡面牧牛業可能帶來環境方面嘅影響。 全球增溫 2015 GEOG DSE 喺上題裡面顯示嘅海冰範圍面積改變可以點樣為北極地區帶嚟正面同負面影響。 HKDSE 地理卷二 Past Paper 參考題目 (by topic) 動態的地球 2017 GEOG DSE 參閱圖同埋引用圖中證據，說明可能加速 U 地質災害發生嘅原因。 天氣與氣候 2016 GEOG DSE 解釋上題所顯示嘅氣壓型態點樣控制中國東南沿岸嘅風向。 運輸 2015 GEOG DSE 參閱表同埋圖，根據以下兩項 (鐵路運輸嘅特徵 / 鐵路網路嘅空間轉變)，解釋喺上題中描述嘅鐵路同埋專利巴士喺公共交通重要性上面嘅轉變。 珠江三角洲區域研習 2016 GEOG DSE 喺呢個發展趨勢下，說明喺 2010 年代工業所遇到嘅挑戰。 「高階」地理 DSE 題目：討論...理由 / 較大責任、評估...效用 credit: unsplash @craftedbygc 高階題目嘅部分通常需要你去透過分析同比較唔同角度，然後俾一個立場。 例如考評局通常會問你唔同措施或者方法有無效用，呢度你需要提供正反兩面嘅建議。 常見嘅關鍵字有「比較」、「討論...理由 / 較大責任」、「評估...效用」等等。 呢個位置通常會佔 4 - 6 分左右，然後會喺一條題目嘅最後位置。 DSE GEOG Paper 1 參考題目（by topic) 機會與風險 2015 DSE GEOG 評估「土地利用分區」呢項措施喺減輕 X 地海嘯破壞上嘅效用。 河流和海岸 2014 DSE GEOG 評估位格網方格裡面嘅堆填區對隔離河流同埋海岸環境嘅影響。 工業 2016 DSE GEOG 在上題所講述嘅新發展底下，討論鋼鐵廠嘅區位會唔會改變。 可持續發展的城市 2015 DSE GEOG 參閱表，討論 J 地區嘅土地利用規劃係咪符合可持續發展嘅原則。 饑荒 2017 DSE GEOG 有建議指出 X 地應該種植經濟作物，去解決糧食不足嘅問題。討論贊成同埋反對嗰個建議嘅理由。 全球增溫 2017 DSE GEOG 討論較發達國家定係欠發達國家喺減輕全球增溫上面要負返較大嘅責任。 熱帶雨林 2016 DSE GEOG 評估選擇性伐林喺保育熱帶雨林上面嘅效用。 DSE GEOG Paper 2 參考題目(by topic) 動態的地球 2017 DSE GEOG 討論圖片裡面顯示嘅地點係咪適合使用上題所提及嘅措施。 天氣與氣候 2015 DSE GEOG 討論喺發生上題所講述嘅災害時，風所擔當嘅角色。 運輸 2016 DSE GEOG 有本地團體建議改善航空交通管理去容納上升嘅航空運輸需求。討論贊成同埋反對呢個建議嘅理由。 珠江三角洲區域研習 2015 DSE GEOG 討論政府政策喺導致上題所顯示嘅趨勢差異裡面嘅相對重要性。 GEOG DSE DBQ 5** 溫書考試技巧 想喺文憑試地理拎 5**？成日覺得自己寫得啱但係又拎唔足分？好迷惘唔知點樣考 Geog DBQ 呢個部份？咁你就一定要嘗試下呢幾個方法喇！ credit: unsplash @Eliabe Costa DBQ 有要求就一定要 quote 資料答問題 DBQ 雖然題目整體上同 Short Essay 大同小異，但係兩個嘅答題方向好唔同㗎！ DBQ 中文係「數據/ 技能為本/ 結構式問題」/「資料回應題」，顧名思義，你諗到嘅所有答案都應該喺資料度搵出嚟，而唔係自己諗 point。 可能會有同學仔問：「但 DBQ 最後嗰條唔係通常要自己諗論點㗎咩？」 係嘅，但通常真係只限最後嗰一兩條題目。 如果你唔肯定嘅話，其實只要見到「參閱圖 / 照片 X」，或者「引用圖中證據」呢啲類型開頭嘅題目就要自動波，寫落去答題簿嘅所有答案最好都係喺資料裡面有跡可尋。 如果最後嗰一題就無呢啲關鍵字嘅，通常就代表要自己思考返答案喇。 注意答案篇幅 其實 DBQ 同 Short Essay 問嘅問題差唔多，分別只係在於同學回答嘅篇幅。 DBQ 題目裡面有好多條細題目，每條細題分數範圍可以由 1 去到 6 分不等。但 DSE 地理 Short Essay 就一題 12 分，通常分為兩個部分，平均 6 分一個部分。 喺呢個情況下，同學們如果睇返考評局嘅 Marketing scheme 評改準則，你會發現 DBQ 通常都係以 point form 形式顯示，亦即係代表考試嗰陣，其實你只需要稍稍逐個 points 做 elab ，輕輕解釋一下。通常一個 point 佔 1 分，然後 elab 會再佔多 1 分。 攞一條 4 分嘅細題做例子： 你會發現其實都只需要寫兩個論點就已經可以。因為考評局其實講過唔希望同學以量取勝，反而希望同學多多解釋該論點，著重質量。 參考每條 GEOG DBQ 嘅分數答案 承上，其實喺作答 DBQ 嗰陣都應該「睇分做人」。呢個意思就係睇下每一個細分題係幾多分，從而決定自己喺嗰條題目寫幾多個 point，同埋放幾多相應嘅時間喺嗰條題目上面。 睇返考評局評分準則，其實通常都係一個 point 1 分，然後解釋 1 分。 重申一次，強調一下，千祈唔好以量取勝，覺得寫得越多 point 就越好！雖然 DBQ 係兵家必爭之地，同時對地理整分卷嘅分數都好重要，但係同學們自己都要顧好「時間管理」，最好就每一個部分 (MC，DBQ 同埋 short essay) 都分配得宜，同時兼顧。 地理畫圖有把握先至揀： DSE GEOG 實用地圖技巧 喺呢個中階題目裡面，你有機會會見到考評局要求你使用一啲實用嘅地理技巧，例如繪圖，使用地圖上面格網方格分析等等。因此同學們都一定要好好訓練自己呢啲畫圖或分析地圖嘅技巧，同時分析以下考評局 DSE Geog marking scheme，了解到底畫啲咩先會有分，無謂浪費時間。 呢個部分係一個你只要肯溫習就都可以幾肯定攞返相應分數嘅題目，所以同學們一定要努力溫習呢 part。同時地，如果你無把握、或者唔清楚個圖係點樣畫嘅話，就要小心可能要避免選擇呢題。因為呢啲答案係啱就啱，錯就啱，唔會有其他可能答案。無把握但係又揀最後可能會得不償失。 歷年 HKDSE 地理 Past Paper 參考題目 機會與風險 2014 繪畫一組註釋圖，解釋 M 地形嘅形成過程。 河流和海岸 2016 繪畫一組詮釋圖，解釋 Y 海岸地形嘅形成。 --------------
