社會科學 (Social Science) 係唔少中學生有興趣喺大學報讀嘅一科，部分院校嘅 Social Science 課程更以「大類收生 (Broad based) 」形式收生，所以社科學生唔使急於揀 major，可以慢慢揾自己嘅興趣！不過，佢始終唔係專科， 所以有人覺得 Social Science 出路好似好窄咁，但其實無論係 CUHK，HKU Social Science 定其他大學嘅出路都唔錯㗎～ AfterSchool 小編就為大家全方面比較唔同大學嘅社會科學課程同埋出路，睇落去一定幫到你！ 社會科學 (Social Science) 讀咩？ 社會科學以「社會現象」作為研究對象，研究範圍唔只單限於香港社會，亦會涉及中國，甚至係全球各地。 Social Science 包含咗各式各樣嘅課程，從多角度去理解社會上各方面嘅知識，例如： 經濟、政治、文化、環境、心理學等。 社會科學系探討人類社會入面所發生嘅問題同埋行為，利用理論嚟解釋社會現象，訓練同學嘅「國際視野」同「洞察力」，仲有「批判思考」同「解難能力」等軟技能，所以 Social Science 出路非常廣而且多元化。 各院校嘅Social Science出路有咩分別？ Credit: Unsplash 1. HKU Social Science 出路 香港大學社會科學 (JS6717) 以「大類收生」形式收生，學生可以喺入學一年後揀 major，而且每個學科都冇預設配額，自由度大。 港大社科學生可以從以下六個核心學科中揀一個做 major: 中國研究 地理學 政治與公共行政學 心理學 社會工作及社會行政學 社會學 學生亦可以選擇以下其中一個雙學科課程作爲另一個 major: 認知科學 輔導學 刑事司法學 傳媒與文化研究學 城市管治學 神經科學 港大 Social Science 出路好廣，社科畢業生都分佈喺政府，政治團體，公營企業，社福機構，傳媒同私營機構，而且選擇到著名學府持續進修嘅畢業生多數都報讀成功，甚至申請到獎學金。 2. CUHK Social Science 出路 香港中文大學嘅社會科學院採取「雙軌收生制度」，大類收生 (JS4801) 同課程分科收生同步進行，學院亦會為大類收生嘅學生提供基礎課程，令佢地揀 major 前可以充分接觸唔同嘅 Social Science 科目。 主修科目亦冇預設配額，學生冇需要互相競爭。中大社會科學學生可以從以下主修科中揀 major，由 year 2 起修讀，唔同 major 有唔同嘅出路： 建築學 (JS4812)：建築設計相關行業，持續進修 經濟學 (JS4824)：經濟學研究，教育，決策，監管機構，銀行，金融，法律，顧問，商界 地理與資源管理學 (JS4836)：教育，旅遊，城市規劃，環境保護及管理，自然保育，地理信息系統，社會服務，企業，金融，行政及管理，資訊服務 政治與行政學 (JS4848)：政府，公營機構，商界，法律界，傳媒，教育 新聞與傳播學 (JS4850)：傳媒，廣告，公關，政府部門，非政府組織，教育，工商界 心理學 (JS4862)：教育，工商界，政府，公共機構 社會學 (JS4886)：政府，社福機構，公營機構，教育，商界 城市研究 (JS4838)：城市及區域規劃，城市設計，環境保護，公共管理，房屋及土地開發，教育，經濟發展，社區發展 Credit: Unsplash 3. UST Social Science 出路 香港科技大學嘅人文社會科學學院同我哋一般認識嘅 Social Science 唔一樣，佢嘅課程跨越人文同社會科學領域， 而且並唔採取大類收生制度，兩個本科課程分別係： 環球中國研究 (JS5411) 定量社會數據分析 (JS5412) 科大 Social Science 出路亦唔錯，社會科學畢業生都分別喺各個領域就業，例如商界，政府部門同社區服務。 另外，有部分畢業生喺海外頂尖研究機構，例如康乃爾大學，倫敦政治經濟學院，普林斯頓大學等就讀研究生。 4. CityU Social Science 出路 香港城市大學嘅社會科學系提供六個課程，其中五個係採取分科收生制度，各科出路都唔錯㗎： 社會工作 (JS1113)：注冊社工，社會服務機構，教育機構，人力資源 心理學 (JS1112)：人力資源，公共關係, 客戶服務, 青少年服務，教育，輔導，家庭及社區服務，持續進修 犯罪學及社會學 (JS1111) ：司法機構（警隊，懲教處，海關，入境事務處，消防隊），風險管理，市場調查，教育機構，傳媒，公共關係 公共政策與政治 (JS1108)：政務主任，二級政務主任，醫療機構，教育，傳媒，金融界，物業管理 亞洲及國際研究 (JS1102) ：市場調查，社會調查，傳媒，政治機構，公共關係，社會企業 以下大類收生課程嘅學生係 year 2 嘅時候，就可以從三個 Social Science 科目中揀主修 major： 社會及行為科學系（犯罪學及社會學、心理學、社會工作）(JS1110) 5. BU Social Science 出路 香港浸會大學 Social Science (JS2610) 採用大類收生制度，校方建議學生喺 year 1 先修讀一啲社會科學入門課程，了解自己嘅興趣之後，再喺 year 2 從以下四個學科中揀一個做 major，學生喺唔同嘅領域都可以有所作爲 : 地理：金融界，教育，公務員，傳媒，旅遊業，社區服務，社會服務機構 政治及國際關係學：公務員，傳媒，本地及國際社會服務機構，社區服務，教育 歷史：教育，博物館，公務員，文化項目，商界，傳媒，出版 社會學：社會調查，傳媒，社區服務，教育，公務員，公共關係，市場營銷，行政管理，人力資源 邊間院校嘅社會科學適合你？ Credit: Unsplash 1. 香港大學 (HKU Bachelor of Social Sciences) 港大社會科學2020年收生成績中位數係 28分 (Best 5)，佢最大嘅特色就係可以選擇雙學科課程，學多啲唔同領域嘅嘢，亦可以揀同自己 major 相關嘅科目，例如心理學同輔導學咁一起讀，就可以加强學習成效，最適合唔怕 chur 又好奇嘅你！ 2. 香港中文大學 (CUHK Faculty of Social Science) 中大社會科學 2020 年收生成績中位數係 25 分 (Best 5)，佢涉及嘅範疇好多，「城市研究」同「建築學」都係得中大 Social Science 先有咋！ 中大嘅「新聞與傳播學」同「建築學」都係好受歡迎嘅科目，收分比較高，所以唔少同學會先透過大類收生入讀社會科學系，然後再選修心儀嘅科目。 Credit: Unsplash 3. 香港科技大學 (HKUST School of Humanities and Social Science) 科大人文社會科學學院嘅環球中國研究同定量社會數據分析課程2020年收生成績中位數分別係 30 分 (英文+數學+ Best 4) 同 34 分 (英文+數學+ Best 4)，收分都高㗎！ 如果對英文同數學有信心，又對文理科都有興趣，呢科係你嘅不二之選！ 4. 香港城市大學 (CITYU Bachelor of Social Sciences) 城大大類收生嘅社會科學課程 2020 年收生成績中位數係 30分 (4C + 2X) ，但就只包括「犯罪學及社會學」、「心理學」同「社會工作」，如果想讀「公共政策與政治」或者「亞洲及國際研究」，就要以分科收生制度入讀，冇得慢慢揀啦！ 5. 香港浸會大學 (HKBU Bachelor of Social Sciences) 浸大社會科學 2020 年收生成績平均分係 23.74 (4C + 2X)，係咁多間院校中收分最低嘅！ 佢係唯一包含歷史科嘅 Social Science 課程，想係浸大讀歷史就一定要經呢科大類收生入讀啦！ Credit: Unsplash 各位對 Social Science 有興趣嘅同學唔使擔心，讀社科都可以有好好嘅工作前途，掌握到社會命題嘅知識，喺好多行業都可以發揮所長，社會科學出路其實好廣亦充滿可能性！
