好多研究都指出睡眠對精神非常重要，平均每日要瞓6-8小時，咁樣亦都有助提升讀書同工作嘅效率。但係，好多香港人都會唔夠瞓，搞到12點後先瞓，其實咁樣對大家第二朝嘅精神都有好大影響。
分享一下我係學校經常見到嘅場面。班上都有唔少同學都返兼職，放工後都好夜先返到屋企。佢哋每朝返到學校頭兩堂都會好眼瞓，有接近一半嘅同學都會瞓著咗。久而久之，佢哋嘅成績都會一落千丈。
提早睡眠嘅小方法
- 每次早15分鐘瞓：例如你今日12點瞓，聽日可能11:45分瞓，後日就11:30瞓，如此類推。用尼種方法，就可以將「生理時鐘」提早。
- 用「呼吸法」瞓覺：不斷一呼一吸，其實就係放鬆同平靜自己，唔好不停諗野，咁樣就可以好快瞓到。
