【學外語】喺香港學外語嘅方法! 點解學日文、韓文、德文有優勢?

AfterSchool
AfterSchool 2021-6-21 608
點樣學外語好?想知學日文、韓文、德文嘅好處?AfterSchool 為大家整合咗學外語嘅途徑,包括語言學習 app 等等,一定幫到想學外語嘅你!
喺香港嘅教育制度之下,香港學生具備「兩文三語」嘅能力,而唔少學生都想喺廣東話、英文同普通話之外,再學其他語言,希望增廣見聞或者增強競爭力。根據非正式嘅統計,日文同韓文係香港多人學習嘅外語,所以 AfterSchool 小編今日同大家講吓學外語嘅好處,尤其是學德文、日文、韓文嘅優勢,香港有啲咩日文課程、韓文課程、法文課程、德文課程,同埋喺香港究竟有咩途徑學外語。

 學外語有咩好處?

credit: unsplash @rashid khreiss
credit: unsplash @rashid khreiss

去旅行唔使再依賴翻譯 app!

相信大家都經歷過去旅行嘅時候,因為語言不通,所以嘗試用英文,甚至用肢體語言同當地人溝通。可惜,如果大家去一啲英文唔係常用語言嘅國家,例如日本、韓國同法國,往往會面對溝通不便嘅問題。
與其繼續依賴翻譯 app,不如學多種語言,去旅行嘅時候可以用當地嘅語言同當地人交流。同時,學習外語可以令大家有唔同嘅機會認識各個文化環境,同唔同成長背景同文化嘅人交流,認識世界另一個角落嘅文化,托闊眼界。
雖然由初學一個語言去到可以流利到好似 native speaker 咁往往需要以年計嘅時間,但係喺學習過程中,你可能會更明白當地嘅文化,或者聽得明一啲你以前成日係當地聽到,但聽唔明嘅說話。學習新語言或者可以帶到啲意想不到嘅驚喜同收穫畀你!

延遲腦退化症 (Dementia)

以前,語言學界普遍覺得學習多個語言對腦袋嘅發展係有害嘅,但而家就普遍覺得學習多個語言可以增加大腦嘅認知能力。但係而家嘅研究指出,學習多過一個語言嘅人嘅專注力思考能力都比學習一個語言嘅人強,而且可以延遲腦退化症嘅發病時間。另外,學習多過一個語言嘅人 Multi-task 嘅能力亦會更強!

增加工作機會

credit: unsplash @marvin meyer
credit: unsplash @marvin meyer
喺全球化嘅年代,有外語能力嘅人會適合做更多唔同嘅工種,包括喺外國嘅工作機會、翻譯等工作。喺應徵外國公司嘅時候,識嗰個國家語言嘅應徵者可能都會更加容易得到工作機會。除此之外,同講外語嘅客人以對方嘅母語溝通亦會顯得更有誠意,令大家更容易喺事業上成功。
 

學咩語言好?

最多人講嘅語言

想學外語,但未諗定學咩?如果大家想選擇一啲世界上多人講嘅語言,不妨參考吓 Ethnologue 世界最多人用嘅語言嘅排行榜。香港多人學嘅日文、韓文、德文、法文等等都係喺呢個排行榜嘅 20 名之內!
 語言 Language全球總用戶數量
1English 英文1348m
2Mandarin Chinese 普通話1120m
3Hindi 印地語600m
4Spanish 西班牙語543m
5Standard Arabic 阿拉伯語274m
6Bengali 孟加拉語268m
7French 法語267m
8Russian 俄語258m
9Portuguese 葡萄牙語258m
10Urdu 烏都語230m
11Indonesian 印尼語199m
12Standard German 德語135m
13Japanese 日語126m
14Marathi 馬拉地語99m
15Telegu 泰盧固語96m
16Turkish 土耳其語88m
17Tamil 泰米爾語85m
18Yue Chinese 粵語/廣東話85m
19Wu Chinese 吳語82m
20Korean 韓語82m
滑動查看更多
Source: Ethnologue

學德文

credit: unsplash @herrherrmann
credit: unsplash @herrherrmann
移民德國嘅首要條件係要識德文!如果想入籍德國,就一定要喺語言測試中達到 B2 級嘅水平。除咗呢個基本要求之外,因為當地生活同做嘢主要都係用德文,所以如果想喺移民之後更加快融入當地生活,就一定要學好德文!
學德文亦都有好多好處。學好德文除咗可以幫助大家喺德國生活,仲可以令大家喺多個歐洲國家都可以成功同當地人溝通。喺 Ethnologue 世界語言排行榜排第 12 嘅德文係德國、奧地利同列支敦士登嘅唯一官方語言,亦都係瑞士、盧森堡同比利時嘅其中一個官方語言,可見學德文有好多優勢,亦都可以為喺歐洲嘅生活帶嚟好多便利。
除此之外,識德文可以令大家有多一條升學去向。唔少人覺得出國讀書係有錢人嘅專利,但如果同學識德文(達 B2 程度),就可以申請去德國讀書。喺德國嘅公立大學讀書係免費㗎!

學日文、學韓文

credit: unsplash @markus winkler
credit: unsplash @markus winkler
如果你想喺日本或者韓國讀書、做嘢,日文同韓文能力係喺當地生活嘅基本條件之一。學識呢兩種語言可以幫助你體驗以遊客以外嘅角度,了解當地文化。
另外,學識呢兩種語言之後,大家都可以用另一個角度欣賞當地流行文化,例如我哋唔需要透過翻譯,都可以明白劇集同歌詞內容。大家唔需要再只係依賴字幕去明白自己鍾意嘅劇集,亦都唔會錯過一啲翻譯唔到嘅俚語同笑話,對自己明白當地嘅文化、習俗,以致融入當地社都有好大幫助!
 

喺香港學外語途徑 & 方法

credit: unsplash @stergro
credit: unsplash @stergro

語言學習 App 推薦

Duolingo
Credit: Duolingo
Credit: Duolingo
Duolingo 係一個免費嘅語言學習 App,為用家提供 35+ 種語言嘅教學,包括德文課程、日文課程、西班牙語課程、法文課程等等。Duolingo 學員可以根據自己嘅需要,選擇每日花幾多時間學習。呢個平台亦都提供循序漸進嘅教學,有時仲會配合小測,俾學員了解自己嘅程度同不足之處。
App Store 評分:4.7/5

Busuu
Credit: Busuu
Credit: Busuu
Busuu 為用家提供 12 種語言嘅教學,提供日語課程、德文課程、法文課程等。Busuu 嘅課程係根據 CEFR 嘅 A1, A2, B1 同 B2 程度,分做唔同嘅單元,方便同學學習,同埋令同學可以大概知道自己嘅程度去到邊。另外,喺每堂完之前,同學都可以同以學習語言為母語嘅老師上堂。
App Store 評分:4.7/5

Babbel
Credit: Babbel
Credit: Babbel
Babbel 係一個主要提供歐洲語言教學嘅 App。除咗提供常見嘅西班牙文課程、德文課程同法文課程,仲提供瑞典語、波蘭語、丹麥語同土耳其語等嘅教學。每個語言都文法堂、俚語堂等等,俾同學更全面咁學外語。例如,想學英文嘅同學除咗可以學英文,仲可以更「專」咁讀 PR English 同 Marketing English,令學習更加全面。
App Store 評分:4.6/5

小班教學課程

外語小班教學課程係學習外語嘅傳統途徑之一,而香港歌德學院 (Goethe-Institut)、駐香港韓國文化院同香港日本文化協會等機構,都有開辦適合唔同年齡同程度嘅人嘅德文課程、韓文課程同日文課程。呢啲課程嘅導師團隊都係由有多年教學經驗嘅老師組成,有一定嘅質素保證。
延伸閱讀:

 網上外語私補

私人補習一直係學習外語嘅熱門方法之一。由持有語言教學資歷嘅外語老師教外語,往往都有質素保證,加上一對一教學嘅性質,令教學嘅互動率更高。另外,同學如果喺發音上有錯誤,或者唔明白文法上嘅規則,老師都可以即時作出指正,確保同學可以為將來嘅學習打好基礎。
Amazing Talker 作為網上外語私補嘅一大平台,有嚴謹嘅選擇老師流程,令師資有一定嘅保證。同其他網上補習平台一樣,同學可以自由選擇上堂嘅時間。另外,有別於傳統補習,網上補習唔一定要有固定嘅上堂時間表,同學可以因應自己嘅能力同進度,選擇上堂次數,彈性超高。例如,Amazing Talker 提供私人教授日文嘅課程,適合初學日文嘅你!
Credit: unsplash @sigmund
Credit: unsplash @sigmund

網上語言學習平台

國立教育廣播電台
國立教育廣播電台有多個語言嘅教學片段,包括德文、日文、西班牙文等等。另外,教學片段分為初階同進階,適合唔同程度嘅同學。每個單元都有大約超過 150 段片段,由老師詳細講解語言嘅基礎概念,包括 n1-n5 日文文法、日文生字、韓文文法、法文文法等等。

AfterSchool
AfterSchool 係一個網上補習平台,除咗 DSE 補習班之外,而家仲有提供《外語課程》。課程帶初學者由淺入深,透切理解一種新語言嘅基本文法用語,全方位打好外語基礎
大家有冇試過自學外語?好努力不斷背外語嘅生字,但都唔識點樣講?開始自己睇 grammar 書,但睇完都係唔明白個語言係點運作?甚至到後期,開始覺得自己冇學語言嘅天份,所以想放棄?
AfterSchool 嘅《暑期語言入門課程幫到你!AfterSchool 為缺乏學外語方法嘅你帶嚟一個學外語嘅機會:我哋嘅日文老師、韓文老師同德文老師會摒棄考試導向嘅學外語方法,由生活開始,掌握日常對話同用字,畀大家輕鬆學習外語!除咗線上影片教學,課程更每星期設有真人直播互動環節,同大家集中訓練口語技巧!
小編偷偷同你講,用下面呢條 link 報名,就可以有 $200 報名優惠
立即使用 $200 報名優惠
 

學好外語小 Tips

credit: unsplash @jankolar
credit: unsplash @jankolar
唔少同學或者都有過「想學外語」嘅諗法,因為覺得識外語嘅人競爭力好強,或者覺得識外語嘅人好勁,但係自己嘅學習就未必有下文。
每個學外語嘅人學外語都會有自己嘅原因:有人可能因為鍾意日本流行文化同動漫,所以想學日文;有人可能只是因為想增強競爭力,而去學多個語言增值自己。無論係因為咩原因令自己行出第一步都好,都一定要堅持不懈。學語言同做其他嘢一樣,只要持之以恆,不斷努力,例如每日花 10 分鐘背熟日文 50 音,又或者記吓啲生字,先可以成功!
學外語嘅過程好漫長,短則幾年,但如果想學到流利嘅程度,就可能需要更長嘅時間。只要一直努力,大家一定可以成功學到外語。喺學有所成嘅時候,回望最初,大家一定會感激一直堅持不懈嘅自己,加油!
免費 DSE 電子報
定期為 30,000+ 中學生送上實用 DSE 資訊和資源
AfterSchool

AfterSchool