唔少 2025 DSE 同學都想知多啲 JUPAS 大學聯招嘅資料。面對 JUPAS 選科，同學可能一頭霧水，完全唔知點揀好。同時，學校嘅教學時間表非常緊湊，老師未必有好多時間同同學詳細講解 JUPAS 究竟係咩、佢係點樣運作等等。
AfterSchool 小編今次幫各位應屆 DSE 考生整理咗有關 JUPAS 嘅基本資料，同埋排 JUPAS 嗰時需要考慮嘅因素，希望大家可以認識多啲呢個機制。
目錄
JUPAS是什麼
credit: unsplash @madebyvadim
根據 JUPAS 官網，JUPAS 大學聯招嘅全名係 Joint University Programmes Admission Scheme (大學聯合招生辦法)，目的係為現屆同往屆持 DSE 成績嘅本地學生提供一個申請入讀 JUPAS programme 嘅渠道。
目前JUPAS所提供嘅課程種類如下：
| UGC-funded 課程 | CityU (城大)，HKBU (浸大)， LU (嶺大)， CUHK (中大)， EduHK (教大)， PolyU (理大)， HKUST (科大) 同 HKU (港大) 嘅教資會資助全日制學士學位課程； 城大嘅教資會資助全日制副學士學位課程； 同埋由教大同理大提供的教資會資助全日制高級文憑課程 |
| 自資課程 | 香港都會大學（前公開大學）嘅自資全日制學士學位課程 |
| SSSDP 資助計畫課程 | SSSDP「資助計劃」全日制學士學位課程，包括明愛專上學院、珠海學院、香港樹仁大學、職業訓練局 - 香港高等教育科技學院、香港恒生大學、香港都會大學、東華學院同埋香港伍輪貢學院。 |
Source: JUPAS
2025 JUPAS 放榜程序
以下係 2025 JUPAS 嘅時間表（主要事項），而每年嘅申請程序同時間表都大同小異，同學可以引作參考：
| 2024年10月4日 - 12月4日 | 同學可以遞交 JUPAS 申請 （需要同時遞交 JUPAS 排位） |
| 2024年12月6日 - 2024年5月28日 | 同學可以更改大學聯招課程選擇（不限次數，每次需繳交行政費） |
| 2025年1月2日 | OEA (比賽／活動的經驗及成就) 文件 Deadline |
| 2025年5月28日 | Student Learning Profile (學生學習概覽) Deadline |
| 2025年7月16日 | DSE 放榜 |
| 2025年7月17-19日 | 同學可以喺所屬嘅分配時段裡面，免費最後一次更改 JUPAS programme choice （ 5 出 5 入 ） |
| 2025年8月6日 | JUPAS 放榜 |
Source: JUPAS
JUPAS計分方法
JUPAS採用 DSE 分數換算方式，最基本就係 Level 5** 等於 7 分，Level 5* 等於 6 分， Level 5 等於 5 分，Level 4 等於 4 分......如此類推。
但由於唔同嘅大學課程都會有各自嘅學科加乘比重，所以最終結果並非一式一樣。
例如，根據 CUHK 嘅 JUPAS 計分方式，如果同學有任何一科 取得5**，佢嘅 JUPAS 分數會係 8.5；而喺 CityU，佢嘅 JUPAS 分數就會係 7。
咁樣嘅計分方法會導致咩結果？
依家有兩位同學都想讀CUHK嘅同一個課程，
A同學分數：555A55（4個核心科目 + 2個選修科，當中公經社科只計「合格」）
B同學分數：5**55A53（4個核心科目 + 2個選修科，當中公經社科只計「合格」）
假如用傳統DSE換算方法去計，佢哋兩個都會係 25+A 分；但因為CUHK對於5**同學有特別計算方法（計8.5分而非7分），所以最終結果 A 同學得到 25+A 分，B 同學得到 26.5+A 分，換言之喺撇除其他因素下，該課程將會先取錄 B 同學優於 A 同學！
有見及此，大家喺最初選擇科目或者放榜改選嘅時候，不妨檢視一吓自己有無一個強項科目，再到 JUPAS 睇吓邊一啲大學嘅課程對該科目有特別加分，就例如一般而言英文教育會乘以英文科比重較多、工程學系會乘以數學及物理科比重較多、醫科則乘以英文及生物化學科嘅比重較多等等，咁樣就能夠最大化你嘅成績，自然容易啲被取錄啦！
同學可以撳入呢到，睇睇八大院校唔同課程嘅 JUPAS 計分比重：
【JUPAS 計分 =/= DSE 計分？】八大院校對 DSE 甲乙丙類科目計分比重一覽！
【JUPAS 計分 =/= DSE 計分？】八大院校對 DSE 甲乙丙類科目計分比重一覽！
有啲院校例如 HKUST 已經為 DSE 同學仔提供咗 JUPAS calculator，同學可以撳入呢到同 JUPAS 計分器計吓自己嘅 JUPAS 分數： HKUST JUPAS score calculator
不過！雖然 DSE 成績係同學入唔入到心儀大學聯招課程嘅一個最決定性嘅因素，但 JUPAS 排位（JUPAS Band Choice）同 JUPAS SLP （學生學習概覽）嘅影響力同樣不容忽視！
JUPAS 課程資訊
JUPAS offer 有幾多個？
根據 JUPAS 官網顯示，2024年包括教資會資助的全日制學士學位課程／都大的自資全日制學士學位課程／教大的教資會資助全日制高級文憑課程等所有課程加埋有 15,857 個同學取得學位，相較於申請人數 39,523 位，取錄比例為 40.12% ，即每 10 個同學仔，就有 4 個可以順利入大學！
八大 JUPAS 收分
一般而言，但凡係「學士學位課程」最低收生要求都係「332A2」，分數分別對應中文、英文、數學、公社科及一門選修科（亦有大學如HKU、CUHK等已開始要求考生需要有兩門選修科，即332A22）；不過由 2018 年起，部份院校公佈咗彈性收生安排，呢個新安排幫到學生即使未達到院校嘅最低入學要求，但喺其他科目表現出眾或達到院校其他指定要求，都有機會獲得面試和被取錄！
P.S.「高級文憑課程 High Dip」及「副學士課程 Asso」最低要求為「222A2」
然而，雖然話就話有彈性收生，但若非某科目表現超級奪目，一般而言小編都會鼓勵大家全面提升分數，喺有信心達到332A2最低要求之後再重點提升個別科目成績，綜合成績考得越高分，自然越有機會入讀八大啦！
科目額外收生要求
另外同學亦要留意返，每個課程或者會有自己嘅額外收生要求，例如 PolyU 嘅醫療化驗科優先考慮有讀 M1 / M2 / 化學 / 生物嘅同學，或 HKU 嘅醫科必須要讀物理/化學/生物其中一科，並且英文要有 4 以上等等。
如果想知道八大各課程收分要求，可以參考：
【八大院校入學要求 2024 】8大政府資助（UGC）及兩大自資大學 JUPAS Admission Score 收生要求
【八大院校入學要求 2024 】8大政府資助（UGC）及兩大自資大學 JUPAS Admission Score 收生要求
又或者可以㩒以下嘅 link 去各大院校嘅 JUPAS 網站：
HKU JUPAS | CUHK JUPAS | HKUST JUPAS | CityU JUPAS | PolyU JUPAS |
HKBU JUPAS | LU JUPAS | EdU JUPAS | SSSDP JUPAS
HKU JUPAS | CUHK JUPAS | HKUST JUPAS | CityU JUPAS | PolyU JUPAS |
HKBU JUPAS | LU JUPAS | EdU JUPAS | SSSDP JUPAS
JUPAS 選科表
應屆考生大概喺中六嘅 10 月 - 12 月嘅時候就需要遞交聯招申請， 當中包括要交 20 個 JUPAS choice，20 個課程將會按照考生自行安排嘅順序分類入去 5 個 band，例如第 1 至 3 個課程會歸納入 Band A，稱為 A1、A2、A3；第 4 至 6 個課程會歸納入 Band B，稱為 B1、B2、B3，如此類推。
Source: JUPAS
JUPAS 派位機制（JUPAS Band Choice）
根據過往例子，喺獲得學位取錄嘅同學裡面，約有 90% 嘅同學都係得到 Band A JUPAS programme offer，至於得到 Band B offer 嘅就有 6%，餘下 C 至 E 就係 4%。
就咁睇數據，相信大家都明白 Band A choices 嘅重要性，事關如果最後分配到學位，有 9 成機會都係會分去 A1、A2、A3 呢三個課程之一；但要明白嘅係，呢個情況只限於你「排得啱」，否則就算考得再高分，都有機會無學位！
以下一齊嚟睇吓JUPAS派位到底係點運作：
JUPAS 首次排位 Tips
參考上述短片，我哋為你整合咗以下貼士，增加你入讀大學嘅成功率！
【 1 】根據對學科嘅興趣選科
同學應該聽過好多次：喺 JUPAS 選科，我哋應該選擇自己有興趣嘅學科。
同學可以首先了解自己將來想做啲咩，有啲咩長遠目標，然後先考慮究竟應該報讀邊個 JUPAS programme，而呢個 programme 可以點樣幫助你完成你嘅目標。
雖然社會吹捧「神科」，但如果同學純粹為咗科目嘅名氣，或者「錢途」而選擇將來人工高但自己無興趣嘅科目，結果往往只會得不償失，唔單止大學四年會讀得吃力，將來仲可能要做一份自己無興趣嘅工。
與其為咗啲外在嘅因素而令自己讀書、做嘢都辛苦，不如一開始就讀一個自己有興趣嘅 programme 啦~
【 2 】留意各院校 JUPAS admission score
JUPAS 選科嘅時候，興趣固然非常重要，但係即使同學對某一科有興趣，如果分數不足，一般都唔會成功考入自己想入嘅學系。
課程往年嘅收生情況同分數每年都大致相似，所以同學喺做 JUPAS 排位嘅時候，記得要參考往年嘅 JUPAS statistics。
如果想知道八大各課程收分要求，可以參考：
【八大院校入學要求 2024 】8大政府資助（UGC）及兩大自資大學 JUPAS Admission Score 收生要求
【八大院校入學要求 2024 】8大政府資助（UGC）及兩大自資大學 JUPAS Admission Score 收生要求
【 3 】根據自己能力選科
普遍學校喺中五下學期起為同學預計 predicted grade，而喺中六開始，同學通常會參加大大小小嘅 DSE mock exam。同學可以根據自己平時喺學校嘅表現，同埋老師對自己分數嘅估算，評估自己喺 DSE 大概可以考到幾多分，之後就可以開始諗諗 JUPAS 選科。
如果同學嘅成績同心儀科目嘅大學聯招取錄分數相約，甚至同學嘅分數高過科目嘅收生分數就最好不過；但如果分數低過心儀科目嘅往年收生分數，例如如果同學想讀 Science，但 predicted grade 同心儀大學嘅科學院嘅收分仲差少少距離，咁就記得要放埋收生分數較低嘅其他科學院，增加自己可以入讀心儀學系嘅機會！
另外，同學記得要掌握各院校同學科收生要求：除咗報大學聯招嘅基本要求 3322+22，有啲學科對學生嘅成績仲有額外嘅最低要求，同學喺報考呢啲 programme 嘅時候記得留意一下！例如，JS6406 港大法律系收分最低要求係 4533+33，如果同學達唔到呢個最低要求，就算其他科考得幾好，都會無緣考入呢科。大家喺報讀課程嘅時候緊記要留意呢啲要求啊。
【 4 】可將有面試嘅 programme 放於 Band A
除咗 DSE 成績，某啲 JUPAS programme 都有 interview，而 interview 嘅表現都會納入取錄因素。頭先講過， JUPAS 選擇嘅科係會分做 5 個 Band。雖然同學最後會選擇 20 個 programme，但係通常只有喺你放個 programme 喺 Band A 嘅情況下，先會有機會得到 JUPAS interview offer。所以喺 JUPAS 選科嘅時候，記得將自己有興趣，又要面試嘅科目放喺 JUPAS Band A！
【 5 】考慮畢業後的職業出路
學科出路問題往往係同學 JUPAS 選科嘅一個重要考慮因素，但係喺現今社會，條條大路通羅馬，大學讀咩科唔一定決定咗你將來會從事啲咩職業！
小編覺得同學與其思考某一科出路好唔好，不如諗多啲自己想喺大學階段得到啲咩知識、經驗、技能等等，同埋自己長遠而言究竟想做啲咩，而呢一科可以點樣幫你繼續學習同做到自己想做嘅嘢。
喺呢個「讀咩唔一定係做啲咩」嘅年代，選擇讀「非神科」或者「水泡科」唔代表未來就會無好嘅事業發展，所謂「行行出狀元」，將來點都會行到一條「好」嘅出路！
JUPAS 改選排位 Tips
喺 DSE 放榜之後，所有人都會獲得一次「 5 出 5 入」嘅改選機會，除咗原有 20 個科目次序可以任意調上調落之外，仲可以抽出 5 個科目，加入 5 個新嘅科目。
喺呢個時候，大家嘅策略就再唔係好似之前咁，而係要實際按住自己嘅分數去決定點擺科目！
【1】Band A（頭三志願）最重要
只要你排列得適當，其實A1至A3之間必定會中一個，可將A3視作「保險線」選擇較穩陣的學科，確保不會跌出Band A範圍。同時也要顧及能力及興趣，不要一味選擇高分/熱門但沒有興趣的學系。
A1：最想入/最想搏嘅科，分數達LQ或比LQ低1-2分都可以
A2：分數達LQ嘅科
A3：最穩入嘅科，分數達到Median甚至UQ以上，有網民建議可選收生人數較多的學科，較易被錄取，平均分浮動亦較少
【2】Band B（第4-6志願）次重要
Band B每年取錄人數遠比Band A少，但都要上JUPAS官網睇清楚心儀學科收不收排在Band B的同學，否則便會浪費名額。同樣道理，可以選擇像A3一樣穩入的學科以提高被錄取機會。
【3】Band C或以下（第7-20志願）
其實未必完全冇機會中，根據過往JUPAS派科經驗，通常Band A不入便會直墮Band C至Band E。2021年近650人獲派Band C至Band E的學士學位，更有1,500人將政府資助副學位放在Band C以下並獲得Offer，所以也要避免亂放明知不可能入讀或完全無興趣的科。
切忌選科過分進取，否則唔單只容易跌落 Band C 或以下學位，更甚派唔到任何學位，得不償失！
Student Learning Profile (SLP), Other Experiences and Achievements (OEA)
同學除咗要交 20 個 programme choice 之外，仲可以選擇交 Student Learning Profile (JUPAS SLP) 同 Other Experiences and Achievements in Competitions / Activities。
由於呢兩份文件都係非必須遞交，令好多同學都諗住偷懶唔交，又或者係覺得佢對聯招派位嘅影響甚微所以唔交；但根據大學聯招官網，呢啲資料係考慮入學申請嘅重要參考！
假設依家有兩個成績一樣嘅同學一齊揀咗同一科，院校就會按照兩者嘅 SLP 及 OEA去排佢哋嘅先後次序，有陣時能入讀與否，就係睇一個身位，一個馬鼻！所以請各位同學務必遞交以上兩份文件，俾各個院校知多啲你喺學業成績外嘅表現！
咩係大類招生？咩係分科招生？
除咗傳統嘅分科招生，即係好似護理學、工程學、法學之外，唔少大專院校嘅programme 近年都開始採用大類招生 (Broad-based) 方式收生。
「大類招生」意思係指 Year 1 嘅時候所有新生都會被歸納為該學院嘅「泛科生」，學習該學院裡面唔同課程嘅基本知識範疇，直到 Year 1 甚至 Year 2 最尾嗰時先會選擇 major（專修），從下學年度開始以專科生嘅身分學習更專門更深入嘅知識。
單軌收生 vs 雙軌收生
單軌收生中嘅「單軌」係講緊一個課程只有一種收生方法，例如「單軌分科招生」或「單軌大類招生」，換言之一係就全部人都係 Year 1 開始讀呢科（e.g. 護理學），一係就全部人都先成為「泛科生」，到 Year 2 最尾嘅時候先再晉升為「專科生」。
以下係一個「單軌大類招生」嘅例子。
A 同學想讀香港大學 --> 文學院 --> 英文系。
由於港大文學院所有課程均採用大類招生，所以 JUPAS 裡面並無英文系直接選擇， A 同學要先選擇入讀 JS6054 Bachelor of Arts 文學士，經歷兩年泛科課程，例如學習語言學、中文、哲學、音樂等文學院科目基本知識，一直去到 Year 2 完結之際，先可以選擇英文做 major，從 Year 3 開始成為一個英文系專科生。
至於雙軌收生，顧名思義就係一個學科存在住分科招生及大類招生兩種收生辦法。
以下為例子：
B 同學想考入中文大學 --> 社會科學院 --> 政治與行政學系 。
由於該學系同時使用大類招生同分科招生方式招生，所以 B 同學可以喺大學聯招制度裡面，同 2 個方法考入政治與行政學系：
(1) 考入社會科學院成為泛科生，於 Year 2 完結前選擇政治與行政學系作為 major；
(2) 直接從 JUPAS 考入政治與行政學系一年級生，然後大學四年間都以此作為 major。
當中值得留意，無論 B 同學係以大類招生定分科招生方式考入中大政政，課程都唔會有明顯分別，而且同學最終都會以中大政政系同學嘅身分畢業。
不過要留心，並非所有雙軌收生課程都係「條條大路通羅馬」，有啲科目用唔同方法入讀，結果會差之毫釐，繆以千里！
C同學想考入中文大學 --> 社會科學院 --> 社會工作系，將來成位一個社工。
正如上述提及，雖然中大嘅社會科學院實行雙軌收生（同時採用大類招生同埋分科招生），但如果 C 同學想社工系畢業之後就可以有註冊社工牌照投身社工行業，就一定要循分科招生方法入讀該科（即從 Year 1 開始讀）；
相反若然喺 Year 2 最尾先從社會科學院泛科生轉成社會工作系專科生，畢業時將不獲頒社工執照！
JUPAS 選科 Q&A
咩係 JUPAS (聯招)？
JUPAS 係一個為現屆同往屆持 DSE 成績嘅本地同學申請入讀 JUPAS programme 嘅聯合招生辦法。
排 JUPAS 有咩注意事項？
同學可以根據自身對科學嘅興趣、心儀 JUPAS programme 往年嘅 admission score 同埋自己嘅 predicted grade、科目出路等因素去決定大學選擇嘅科目。
*** 注意：以上資料僅供參考，一切 JUPAS 程序、詳情均以 JUPAS 以及各院校官方網站為準。
P. S. 想為排 JUPAS 做好準備？呢幾條 link 應該幫到你！
搵啱一個適合嘅補習老師，對你嘅DSE成績係非常重要！AfterSchool擁有師資優良嘅導師團隊，總有一位能夠助你勇奪5**！
