【DSE 英文 Oral】English Paper 4 Speaking 口試摘星技巧

有冇試過英文小組討論唔識點樣回應人哋論點？有冇試過考英文 oral 1-minute response 口窒窒唔知講咩好？相信準備緊 DSE 嘅你哋一定有過以上嘅難題，所以今次我特登喺 AfterSchool 呢度列齊 DSE English Speaking 說話技巧，等大家唔使再驚 DSE English Paper 4! DSE English Speaking 流程 credit: Kate Kalvach 相信大家都知道 DSE 英文口試主要分為 Group Interaction 同埋 Individual Response 兩 Part，但我今次就會由 Preparation 開始，帶大家 walk through 由考試開始到結束，每一步所需要嘅技巧！ 2024 DSE 英文科考評局評核大綱 Eng Speaking Preparation Time 準備時間 時間分配 + 策略 喺短短嘅凖備時間（10 分鐘）入面，你要分秒必爭！ 頭 1 - 2 分鐘：速讀題目資料，間低關鍵字眼 好快咁睇完篇文，identify 出本次討論嘅主題同與主題相關嘅 concept，寫喺你張 notes；謹記寫 points 就夠，千祈唔好成份稿咁寫落去！因為浪費時間之餘，亦令自己喺陣間嘅討論缺乏彈性同發揮空間！ 之後 2 - 7 分鐘：回應題目並拓展論點 圍繞主題 brainstorm bullet points，以數量及多角度取勝，如政治、經濟、社會、文化，又或者以個人、社會、世界等切入；事關人地講緊啲好 trivial 好千篇一律嘅論點時，你就已經準備好各式各樣嘅 points，令你嘅發言可以好突出。 最後 1 分鐘：諗好首輪發言 喺最後嘅一分鐘裡面，大家要思考如何簡短咁喺有限時間內 present 自己嘅大綱。但首輪發言時，切記唔好一次過講晒自己 prepare 嘅所有嘢，你只需要輕輕講返大概論點同表明立場，其他嘢可以留返 group interaction 時講。 英文口試 Group Discussion 完美發言流程 credit: Headway 8分鐘嘅 Group Interaction 圍繞 suggested direction 去討論，要 stand out 突出自己，就一定要學識以下嘅三部曲！ Group Discussion 發言技巧 回應 回應返上一位考生嘅說話內容： Right! It is true that... (簡單講一句上一位考生說話內容嘅扼要) You’ve got a point, but I guess sometimes… (婉轉表示不認同上一位考生說話內容嘅扼要) 提出意見／重申立場 強調返立場，elaborate 論點，或帶到下一條問題： In fact, I think that… In my opinion/ point of view, Consider the situation/ fact/ phenomenon that.... On top of the mentioned reasons/ points, I believe that… 拋波／延伸討論 Transit 下個討論重點／拋磚引玉： Other than discussing (original focus), how about we share views on (new focus) Apart from discussing the pros and cons of the (topic), shall we also think of some suggestions? I think that (輕輕一句帶過keyword)... What do you guys think? / Do you guys have any ideas? 英文 Oral 小組討論常用句式 To show that you agree with others 表示同意： Yeh totally! You’ve nailed it! I see eye to eye with you! Definitely! It is true that... To show that you do not agree with others in a polite way 表示不同意： You may be correct, but it may not always be true since… You may have a point, but I’m not sure if it’s the best idea. I understand what you are saying, but I’m afraid I disagree. To initiate discussions 開展討論： How do you guys feel about…? What are your views on…? Do you have any ideas on…? To express your opinions 發表個人意見： It seems to me that… In my point of view… It is my belief that… 英文說話 One Minute Response credit: saeed karimi Oral Time Management 時間分配 跟住就到好多同學好驚嘅 1-minute individual response，雖然好似好難練習同預備，但其實都係有技巧同策略！ 好多同學一緊張就方寸大亂，無晒 structure，所以一定要學識下面嘅時間分配同 flow！ 首 10 秒：多謝問題，並 rephrase 及重複問題，指自己將會從兩至三方面回答／解釋 中段 40 秒：Mention 論點並輕輕 elaborate，點到即止 收結 10 秒：conclusion and finishing touch DSE Oral Individual Response 常用句式 & Flow 主要圍繞返 expressing own ideas， 不過一啲幫助自己 present 嘅句式都好重要！ Thank you for your question. In my opinion, there are two/ three major reasons why… In my viewpoint, it can be broken down into/ explained by two/ three aspects, which are First of all, Apart from/ Other than/ Aside from… Last but not least, To conclude, it can be explained by/ demonstrated by the above reasons. 事實上，對比 content 或者用字嘅深淺，呢 part 更重要嘅係流暢度，所以一定要跟實個 speaking flow！ English Paper 4 Overall 英文說話技巧 Credit: Mimi Thian 除咗上面嘅重點之外，適當嘅說話技巧都係不可或缺！ Pronunciation and delivery 注意咬字要清晰，語速唔好太快亦不宜太慢；另外，好多人嘅弊病都係有好多 er er er 嘅習慣，尤其係緊張時！建議大家試下用 ”like”, “hmm/emm”, “cuz” 等聽上去無咁唔順耳嘅口頭禪代替！ Communication strategies 同人溝通都有技巧，記得盡量同你回應緊嘅 candidates 保持 eye contacts，得閒點頭微笑表示你聽緊，亦同時望下其他同學甚至考官；自己講嘅時候亦要望返其他同學，如果可以邊講邊做到小小手部動作會更加流暢同自然！ Vocabulary and language patterns 記得善用凖備時間，預備多啲關 topic 事嘅 concept words／ synonyms，咁樣可以避免用死某部份字嘅情況，同時顯示自己對 theme 嘅熟悉！ Ideas and organization 當然要識點樣去舖排自己嘅論點，用多啲 connectives 去建立自己 elaborate 論點時嘅flow，層層遞進，就唔使驚一緊張就語無論次！ 更多關於 Connectives 嘅內容 有效利用歷屆英文口試 Past Paper 題目 credit: Josh Applegate 明白大家未必成日約到同學出嚟練習，所以自己一個時可以参考 Past Paper，嘗試畀自己一個短啲嘅時間限制下，做返上述提及過嘅「間 keywords、諗 points」嘅準備，同時都可以迫自己對住塊鏡練首輪發言。 其實除咗以上嘅技巧之外，最重要係考試中表現出自己識用英文同其他人得體自信地對答，同時又表達到自己嘅想法！

【DSE 英文 Oral】English Paper 4 Speaking 口試摘星技巧

下載AfterSchool

追蹤AfterSchool