第一招—任務表
其實同to-do list一樣，都係要將自己今日要做嘅事寫低，同埋紀錄低自己有無成功做到。但係除左呢兩樣之外，仲要記低令你分心嘅事情，再睇下自己有無成功避開到佢地嘅誘惑！
第二招—逆向規劃
逆向規劃簡單嚟講就係先諗下你想達成一個咩目標，再掉翻轉諗下要點樣做先有機會做得到！下面比個例子你參考下～
我而家努力讀書，朋友、屋企人都會見到我嘅進步，再加以鼓勵我。而係達成呢個結果之前，我必須跟著自己嘅to-do list去做，唔容許自己懶惰。而係達成呢個結果之前，我要為自己編排好曬每一日要做嘅事，等自己可以跟著呢啲目標去做。而係達成呢個結果之前，我同自己講唔可以咁輕易放棄，要向著自己訂立好嘅目標去做！
呢個過程最重要就係要將你嘅計劃細分成具體嘅步驟，佢可以幫你完成由「想」去到「做」呢個過程！
第三招—五分鐘計劃
當你醒起自己應要溫嘅書但係遲遲都未開始嘅時候，同自己講：「我而加開始溫五分鐘先。」五分鐘之後就再決定下一個五分鐘要做啲咩，直到你決定停。去到最後，你會發現自己不知不覺間會溫左好耐。
第四招—將事情分為「追趕」，「跟進」，「超越」三類
要「追趕」係被拖左好耐既，而加仍然緊迫嘅任務。對於呢種任務，每日要花多少少時間，直到將裡面嘅野慢慢消化曬。
而「跟進」係而加做緊嘅任務。對於「跟進」嘅任務，每日都要做少少，唔好令佢變左「追趕」。
「超越」就係deadline仲有好耐，但係提前做完可以減輕自己日後嘅負擔或者增加自己興趣嘅任務。對於「超越」既任務，每日花多少少時間完成，向著自己夢想嘅方向一步步前進。
第五招—愛上你做緊嘅野
就好似我係上就已經講過，當你愛上左個件事之後，你自然就吾會拖落去架啦！另外，根據普雷馬克原理，如果你好好咁完成左唔鐘意嘅事情之後，緊接做一樣好鐘意嘅事，你就會削弱對前一件事的不喜歡。所以，不妨為自己設立一啲鼓勵，例如溫左五課之後就可以睇一集韓劇，咁你嘅動力可能就會高啲架啦！
希望大家睇完呢兩篇之後可以發現自己係邊一種拖延嘅問題，並且對症下藥啦！睇完呢個post既你就快啲放番低部電話，繼續做你要做嘅野啦！
