「社工究竟係做啲咩？社工同義工有咩分別？香港做社工究竟有咩途徑？Social Work 收分係幾多？Social Work 同 Social Science 又有咩分別？」
除咗「一校一社工」、「搵社工申請公屋」，同埋社工成日講嘅「我係社工搵人輔導下我唔該」之外，你又對社工 Social Work 呢個行業有幾多認識？無論你係純粹想知多啲「社工」呢個專業，定係想讀社工嘅高中同學，AfterSchool 呢篇關於社工 Social Work 嘅 Blog 一定幫到你！記得睇到尾啊～
目錄
社工工作種類：社工做啲咩㗎？
駐校社工/學校社工
學校社工職責
1. 提供意見，協助學校制定輔導政策，同埋幫助促進學生全人發展嘅政策。
2. 協助有較嚴重情緒及行為問題嘅學生，以免呢啲問題妨礙佢哋嘅學業同個人發展。
3. 處理受家庭問題（例如虐兒、父母婚姻破裂、親子關係惡劣同埋喪失親人等問題）困擾嘅學生。
4. 協助學生解決主要由生活環境因素所造成嘅問題。呢啲因素包括染上毒癮、參與朋黨或黑社會活動、離家出走、住宿及財政困難等等。
5. 出席及主持個案會議，同學校行政人員同埋有關嘅專業人員，例如教育心理學家，共同研究個案。
6. 如有需要，駐校社工可以將個案轉介校外機構，由機構嘅專業人員協助處理。
7. 協助策劃同埋推行預防性及發展性嘅活動。
8. 出席家長教師會會議，就加強家校合作提供意見及支援。
9. 策劃、組織同舉辦家長培訓課程。
醫務社工
醫務社工主要為病人同佢哋嘅家屬提供適時嘅心理社會輔導及實物援助，協助佢哋處理或者解決因疾病、創傷或殘疾而引起嘅問題。
作為臨床小組嘅成員之一，醫院社工同時擔當聯繫醫療服務同社會服務嘅重要角色，協助病人康復同埋融入社會。
外展社工
外展社工會主動到社區上嘅球場、公園、遊行機中心、速食店同網吧等青少年鍾意聚集嘅場地，結識社區上嘅青少年，為有需要嘅青少年提供輔導。
社會福利署社工
社會福利署社工職責範圍廣闊，而社署社工職責可能涉及監管慈善籌款活動、處理津貼、違法者服務、家庭及兒童福利服務、青少年服務、康復服務、安老服務、社區發展等等。
你適唔適合做社工？
社工價值 / 社工七大原則
社工好強調「社工價值」，而由社會工作者註冊局列出嘅「社工七大原則」同價值包括：
- 社工嘅首要使命係協助有需要的人士及致力處理社會問題；
- 社工尊重每一個人嘅獨特價值同尊嚴，並唔會因為個人嘅族裔、膚色、家庭/社會/國家本源、國籍、文化、出生、性別、年齡、語言、信仰、政治或其他主張、家庭/社會/經濟地位、殘疾、教育程度、對社會嘅貢獻或性傾向而有所分別。
- 社工相信每一個人都有發展嘅潛質，因而有責任鼓勵及協助個人喺顧及他人權益嘅情況下實現自我。
- 社工有責任維護人權及促進社會公義。
- 社工相信任何社會都應為其公民謀取最大嘅福祉。
- 社工有責任更新、提升及運用本身嘅專業知識同技能去推動個人同社會嘅進步，務求每一個人都可以盡量發揮自己嘅所能。
- 社工認同人際關係嘅重要性，會盡力加強人際關係，務求維持、促進同埋提高個人、家庭、社團、機構、社群嘅福祉，幫助社會大眾預防及減少困境與痛苦。
如果你認同、相信以上嘅「社工七大原則」同價值，咁你可能適合做社工！
延伸閱讀：社會工作者註冊局 — 社工工作守則
香港註冊社工課程一覽
社工學士課程 / 社工 Degree
Credit: unsplash @yasinyusuf
HKU Social Work (JS6731)
| 社工課程特色 | 社工 實習 | 註冊 社工牌 ？ | 註冊社工 課程收生 分數 (2020) | 面試 ？ |
| HKU Social Work 課程要求同學會喺第一、二年學習社會科學/社工科理論、鞏固語言基礎同埋修讀其他大學通識科目，然後喺高年級配合社工實習，令同學更加認識自己同埋社工呢個職業。 根據非正式統計，HKU Social Work 嘅教學重點比較多係社會科學同社會工作理論，亦都有比較多 Paper Work Training～ | ✓ | ✓ | 28 (Best 5 Median With Score Conversion) | ✓ |
延伸閱讀：HKU Social Work 官方網站
CUHK Social Work 中大社工 (JS6874)
| 社工課程特色 | 社工實習 | 註冊社工牌？ | 註冊社工課程收生分數 (2021) | 面試？ |
| 中大社工課程著重同學嘅個人成長、關係建設 (Relationship Building) 同埋獨立思考 (Critical Thinking)。 CUHK Social Work 亦好注重同學嘅雙語書寫能力。由於香港大部分社福機構都用中文居多，為咗訓練同學書寫文件嘅能力，中大社工要求部份功課係用中文交，部份功課係用英文交。 歷年嚟都有中大社工畢業生從事教育、工商管理、傳媒等行業。可見 CUHK Social Work 出路廣闊！ | ✓ | ✓ | 中大社工收分：26 (Best 5 Median) | ✓ |
延伸閱讀：CUHK Social Work 官方網站
PolyU Social Work (JS3662)
| 社工課程特色 | 社工實習 | 註冊社工牌？ | 註冊社工課程收生分數 (2020) | 面試？ |
| 根據非正式統計，PolyU Social Work 嘅教學重點比較多係社工學生嘅社工實習經驗，所以 PolyU Social Work 同學喺 Year 2 開始已經要返社工實習（其他社工課程通常要求學生喺 Year 3 開始先開始社工實習）。 至於升學選擇，PolyU 社工畢業生具資格申請理大 Master of Art in Social Policy and Social Development, Master of Social Work, Master of Philosophy 課程。 | ✓ | ✓ | 24 (4C + 2X Median) | ✓ |
延伸閱讀：PolyU Social Work 官方網站
浸大社工 (JS2660)
| 社工課程特色 | 社工實習 | 註冊社工牌？ | 註冊社工課程收生分數 (2020) | 面試？ |
| 浸大社工為同學提供超過 30 間社工實習機構，同學可以自由選擇自己實習嘅領域同機構！ | ✓ | ✓ | 25 (4C+2X Mean) | ✓ |
延伸閱讀：浸大社工官方網站
CityU Social Work 城大社工 (JS1113)
| 社工課程特色 | 社工實習 | 註冊社工牌？ | 註冊社工課程收生分數 (2021) | 面試？ |
| 城大社工系教學人員屢獲教學獎項，教學質素有保證。 | ✓ | ✓ | 29 (4C+2X Weighted Median) | ✓ |
延伸閱讀：CityU Social Work 官方網站
樹仁社工
| 社工課程特色 | 社工實習 | 註冊社工牌？ | 面試？ |
| 樹仁社工係香港唯一提供三次督導社工實習嘅社會工作課程。 社工課程實習期分別設於 Year 3、Year 3 暑假同埋 Year 4，合共 1,032 小時。樹仁社工同學喺畢業之前已經有一定實戰經驗～ 就業方面，樹仁社工超過 90% 畢業生受聘於兒童及青少年、家庭、長者同埋復康等機構。 | ✓ | ✓ | ✓ |
延伸閱讀：樹仁社工官方網站
明愛社工學士課程
| 社工課程特色 | 社工實習 | 註冊社工牌？ | 面試？ |
| 明愛社工課程目標係令學生學習專業社會工作知識同技能，令學生有廣泛嘅學習經驗，能夠從多角度理解社會現狀，以及運用各種社會工作介入手法，促進服務對象及社會嘅福祉 。 課程旨在提高學生的誠信同能力，促進個人發展 ，令學生能夠為他們嘅事業同人生，作出明智嘅選擇，做一個有道德同有愛心嘅專業人士。 | ✓ | ✓ | ✓ |
社會工作高級文憑/社工副學士 (社工 HD /Asso)
Credit: unsplash @eduardoequis
PolyU HKCC Social Work HD (8C123)
| 社會工作文憑特色 | 社工實習 | 註冊社工牌？ | 面試？ |
| HKCC 社工 2020 年升學率近 45%，而HKCC 社工 2020 年全職就業率逾 23%，平均月薪超過 $22,000 HKCC 社工畢業生可以報讀理大社會工作（榮譽）文學士學位課程，或本地 / 海外大學嘅社會工作學士學位課程 學生需要喺社會福利機構接受至少 700 小時嘅社工實習培訓，汲取社工實務經驗及知識 課程以全人教育模式，培育同學掌握專業社會工作者應該具備嘅價值觀、知識及技巧，並且促進同學自我反思學習 | ✓ | ✓ | ✓ |
延伸閱讀：HKCC Social Work HD 官方網站
港專社工
| 社會工作文憑特色 | 社工實習 | 註冊社工牌？ | 面試？ |
| 港專社工 HD 課程透過唔同嘅學習活動，促進學生了解、分析同回應社會福利界別嘅需要同發展 港專社工課程包括720 小時實習訓練以及 100 小時嘅實習前工作坊，裝備同學有關社工業界知識同實戰技巧，提升就業機會 課程以中文授課，同時重視英語訓練 學生讀完呢個社工 HD 課程，並符合指定要求之後，可直接獲得港專學院「社會工作 (榮譽) 社會科學學士」課程嘅取錄資格，並以高年級入學（即直接入讀課程的第三年） | ✓ | ✓ | ✓ |
延伸閱讀：港專社工官方網站
IVE 社工
| 社會工作文憑特色 | 社工實習 | 註冊社工牌？ | 面試？ |
| IVE 社工課程旨在為學生提供社會工作專業知識同埋工作技巧訓練。 IVE 社工 HD 課程出路廣闊，畢業生可報讀多個本地全日制 / 兼讀制學士學位課程，以及其他海外大學課程，例如： 香港理工大學 社會工作 (榮譽) 文學士學位、 香港城市大學 社會科學學士 (社會工作)、 香港浸會大學 社會工作學士 (榮譽) 學位、 香港樹仁大學社會工作 (榮譽) 學士、 明愛專上學院 社會科學 (榮譽) 學士、 港專學院社會工作 (榮譽) 社會科學學士 | ✓ | ✓ | ✓ |
社工碩士 / 社工 Master
HKU Social Work Master
| 社工 Master 課程特色 | 社工實習 | 註冊社工牌？ | 面試？ | 社工碩士學費 | 2022-23 社工碩士收生報名日期 |
| 除咗 HKU Master of Social Work 課程本身嘅教學之外，港大社工碩士課程提供 5 個社工專修選擇，包括 (1) Children and Youth、(2) Family Social Work、(3) Gerontology、(4) Health and Mental Health 同埋 (5) Policy, Research and Management HKU Master of Social Work 全日制為 2 年；兼讀制為 3 年 | ✓ | ✓ | ✓ | 全日制：$247,800 兼讀制：$250,800 | 10 月 8日至 11月 8 日 |
中大社工碩士 CUHK Master of Social Work
| 社工 Master 課程特色 | 社工實習 | 註冊社工牌？ | 面試？ | 社工碩士學費 | 2022-23 社工碩士收生報名日期 |
| 社會工作社會科學碩士課程係受香港社會工作者認可嘅專業培訓課程，特別為有志投身社會工作事業嘅非社會工作學士畢業生而設 中大社工碩士 (CUHK Social Work Master) 全日制為 2 年；兼讀制為 3 年 | ✓ | ✓ | ✓ | 全日制：$295,500 兼讀制：$275,500 | 即日起至 10 月 25 日 |
PolyU Master of Social Work
| 社工 Master 課程特色 | 社工實習 | 註冊社工牌？ | 面試？ | 社工碩士學費 | 2022-23 社工碩士收生報名日期 |
| PolyU Master of Social Work 只提供兼讀制社工課程，為期 3 年 | ✓ | ✓ | ✓ | $223,400 | 即日起至 2022 年 3 月 1 日 |
浸大社工碩士
| 社工 Master 課程特色 | 社工實習 | 註冊社工牌？ | 面試？ | 社工碩士學費 | 2022-23 社工碩士收生報名日期 |
| 呢個社工 Master 課程為期 2 年，每年包括暑期課程共 3 個學期 浸大社工碩士畢業生無論喺知識、技巧、工作價值與態度方面都達到香港社會工作者註冊局認可嘅社會工作專業水準 | ✓ | ✓ | ✓ | 全日制：$216,000 兼讀制：$203,000 | 2021 年 11 月 16 日至 2022 年 7 月 24 日 |
CityU Master of Social Work 城大社工
| 社工 Master 課程特色 | 社工實習 | 註冊社工牌？ | 面試？ | 社工碩士學費 | 2022-23 社工碩士收生報名日期 |
| CityU Master of Social Work 係一個社工自資課程，目的係培訓專業社工。城大社工碩士全日制為 2 年制、兼讀制為 3 年制。 | ✓ | ✓ | ✓ | $286,000 | 尚未公布 |
社工面試
常見社工面試形式
綜合各方資料，社工面試普遍採取小組面試嘅形式，可見各社工學院都好著重同學嘅溝通能力～
15 條常見社工面試問題
小編綜合咗網上資訊同埋個人經歷，結合出以下嘅常見社工面試問題：
- 請簡單介紹你自己。（中、英、1 至 2 分鐘）
- 你有咩強項同弱點？
- 點解選讀社工？
- 點解選擇呢間大學？
- 你認為讀大學嘅目的係咩？
- 你認為中學生係咪一定要讀大學？
- 你有咩課餘活動同喜好？
- 你覺得社工應具備啲咩條件？
- 邊個歷史人物最有做社工嘅特質？
- 你對教育改革有咩見解？
- 對於社工界嘅改革，例如一筆過撥款，你有咩見解？
- 你對虐待兒童案件有咩見解？
- 你對吸毒年輕化嘅趨勢有咩見解？
- 你將來嘅工作目標係咩？
- 最近有咩新聞令你留下深刻印象？點解？
- 你認為十年後嘅自己會做緊啲咩？
- 你有咩問題想問我哋？
社工起薪點 / 註冊社工人工係幾多？
Credit: unsplash @icons8
「社工 Fresh Grad 起薪超過三萬？！」
非學位社工起薪點係大約兩萬，而新入職學位社工嘅入職職位「助理社會工作主任」，起薪點為 $31685，所以社工學生 Fresh Grad 係可以有過三萬嘅月薪。
不過，同學喺選擇大學科目嘅時候，切勿只以薪金作為考量原則，記得都要考慮自身興趣同性格等因素～
社工 Social Work Q&A
Social Work 同 Social Science 有咩分別？
Social Work 係社會工作，而 Social Science 係社會科學。喺大部分大專學院裡面，Social Work 都係 Faculty of Social Science 轄下嘅一個學科。
Social Science 係一個學科大類，而 Social Science 轄下嘅學科除咗社會工作之外，仲包括社會學、政治與行政學、新聞及傳媒學同埋地理學等等。
Social Science 係一個學科大類，而 Social Science 轄下嘅學科除咗社會工作之外，仲包括社會學、政治與行政學、新聞及傳媒學同埋地理學等等。
社工工作有啲咩？
社工種類包括駐校社工、醫務社工、外展社工、社會福利署社工等等。
我點知道自己適唔適合做社工？
同學可以參考「社工七大原則」，睇吓自己嘅價值觀同世界觀同社工嘅價值同原則係咪相似。
喺香港做社工要讀咩？社工牌點考？
香港有好多唔同程度嘅社工課程，社工 Degree 包括 HKU Social Work、CUHK Social Work 中大社工、PolyU Social Work、浸大社工、CityU Social Work 城大社工、樹仁社工同明愛社工。
如果同學想報讀社會工作高級文憑課程/副學士，HKCC 社工 HD、港專社工同 IVE 社工都係受社會工作者註冊局認可社工課程，畢業生可以喺香港以註冊社工呢個身分工作。
有一點要留意：同學喺選擇社工課程嘅時候，記得要睇清楚課程係咪受社會工作者註冊局認可，畢業生可唔可以得到註冊社工牌～
延伸閱讀：香港社會工作者註冊局 認可學歷名單
如果同學想報讀社會工作高級文憑課程/副學士，HKCC 社工 HD、港專社工同 IVE 社工都係受社會工作者註冊局認可社工課程，畢業生可以喺香港以註冊社工呢個身分工作。
有一點要留意：同學喺選擇社工課程嘅時候，記得要睇清楚課程係咪受社會工作者註冊局認可，畢業生可唔可以得到註冊社工牌～
延伸閱讀：香港社會工作者註冊局 認可學歷名單
大學學科資訊系列
