DSE English Paper 2 同埋 DSE English Paper 3 有海量嘅摘星 Tips：究竟要記海量嘅 Vocab，定係要背好各種文體嘅結構，到考 DSE 嘅時候直接套用寫作框架直接攞 5**？呢兩樣當然重要，但同學切忌忘記：文章有正確嘅格式係最最最重要！究竟 DSE 英文作文有幾多種唔同嘅體裁？DSE English Writing 嘅 Speech 格式、Debate Speech 格式、Blog Entry 格式 / Blog 格式、Editorial 格式、Letter to the Editor 格式、Profile 格式又應該係點寫？AfterSchool 今日為你一一解答！ 延伸閱讀： 1.【DSE 英文卷二】English Writing Paper 2 技巧、格式、題目大全！ 2.【DSE 英文卷三】English Paper 3 格式、技巧懶人包！ 3. 更多DSE英文常用寫作格式：Proposal 建議書 | Reoprt 報告 | Speech 演講辭 Speech 格式 Speech 係演講詞，係 DSE English Paper 2 同 DSE English Paper 3 嘅常客。Speech 可以包括普通嘅 Speech 演講詞，以及 Debate Speech 辯論講稿。 想知道 Speech DSE 應該點寫？即撳：【 Speech 格式】寫 ENG DSE 演講辭英文實用攻略（含教學 + 範例！） Speech Format 第一部分：Greeting Line Speech 演講辭第一部分當然係要同你嘅聽眾打招呼！同學喺寫 Speech 嘅時候，緊記要順次序去 Greet 唔同人。部份 DSE 英文作文嘅人設都喺同學係學校嘅風紀隊長、學生會會長或者某學會主席，而 Speaker 都需要面對全校所有人去講呢個 Speech。呢個時候呢篇 Speech 嘅 Greeting Line 要點寫？同學可以參考以下呢個寫法： Good morning ____ (Principal), teachers and fellow schoolmates, 喺寫 Greeting Line 嘅時候，同學記得一定要跟聽眾嘅輩份寫！喺學校嘅 Setting，同學跟住校長、老師、同學呢個次序寫就基本上冇問題㗎喇。不過，雖然呢個次序基本上喺 DSE English Speech 裡面大部分機會都通用，同學唔好唔記得每次都一定要 Check 吓篇 Speech 嘅聽眾係咪真係有呢啲人～ 如果聽眾裡面有嘉賓，咁嘉賓要放喺邊？呢個情況嘅話，嘉賓就需要寫先，例如：Good morning honourable guests, ____ (Principal), teachers and fellow schoolmates, 最後，同學千萬千萬要記得，英文嘅 Greeting Line 係以逗號作結！唔少同學會撈亂中文同英文嘅寫法 (小編按：中文係用冒號)，因此失分。 Speech Format 第二部分：表明自己的角色 同聽眾打完招呼之後，你就要表明自己嘅角色喇。你可以講講自己係以咩身份講呢篇 Speech，再講述自己點解要講。 Speech Format 第三部分：Content 內文 為咗令文章有清晰嘅 Structure，Speech 每段第一句都必需以 Topic Sentence (中心句) 開始。同學可以用 “First…”, “Second…”, “Third…” 去開始每一段。 點樣先可以喺 Content 方面得到更高嘅分數？記得一定要有清晰嘅原因 Reasons、詳盡嘅闡述 Elaboration，同埋用 Examples 例子去支持自己嘅論點。做足呢三點先稱得上有詳盡嘅解釋！要考取高分，當然唔少得有清晰有力嘅總結句，例如 “From this, we can conclude that…” 同埋 “To wrap up…” 等。 Speech Format 第四部分：Conclusion 結論段 同學可以參考以下總結句子： “In conclusion…” “To conclude…” “In a nutshell…” “All in all…” Profile 格式 Profile 係人物簡介，比較常出現係 DSE English Paper 3。可能出現嘅題目例子包括： Your boss will be meeting a prominent entrepreneur soon. She is asking you to write a profile about this person so as to facilitate her interview with him. Write the profile. Your friend, Leah, has unfortunately been diagnosed with cervix cancer and you think she has combatted the disease very positively. You want to write a profile about Leah so to promote positivity towards life and to encourage people encountering a similar situation with Leah’s. Write the profile. Profile 格式第一部分：Heading 標題 Profile 人物簡介嘅 Heading 一樣要精煉，咁先可以令讀者 (或者係考官) 一睇就知道你篇文章係講咩啊嘛～ Profile 格式第二部分：內文 Profile 內文主要需要寫關於你要寫嘅人嘅事蹟、價值觀等，冇太大嘅格式要求，只要符合題目要求同處境就可以了！ Blog Entry 格式 / Blog 格式 Blog Entry 係部落格文章，經常出現於 DSE English Paper 2 同 Paper 3。 Blog Entry Format 第一部分：Heading 標題 Blog Entry Heading 嘅作用係要俾讀者清楚知道文章內容。同學喺創作標題時候，記得要夠精煉，同時要具備創意，等 Marker 為你嘅文章留下深刻印象！ Blog Entry 需要 Sub-heading 嗎？ 視乎情況。由於 Blog Entry 形式相對 Casual，而我哋平時寫嘢都未必有太多嘅副標題，所以 DSE English 嘅 Blog Entry 都唔一定要 Sub-heading 嘅。 Blog Entry Format 第二部分：Content 內文 Blog Entry 同其他體裁嘅內文冇太大嘅分別，不過同學寫嘅時候切記要注意語境意識～ Notice 格式 Notice 中文係通知，同學通常喺 DSE English Paper 2 同 DSE English Paper 3 都會見到 Notice 嘅題目。 Notice 格式第一部分：Heading 標題 喺 Notice 通知嘅第一行，同學需要置中寫低發佈機構 Issuing Authority / Organisation 嘅名，例如：ABC School。之後第二行，同學需要寫 “Notice” 喺中間。第三行就需要寫張通知嘅發發佈日期 Date of Issue / Release。 Notice 格式第二部分：Content 內文 Notice 通知嘅主要功能係通知收信者一啲資訊，所以同學寫 Notice 嘅時候儘可能用最精煉嘅文字清楚咁表達信息。 至於正文內容方面，Notice 通常需要包括時間、地點、事情、人物以及其他相關資料。 Notice 格式第三部分：Signature 署名、Date 日期 Notice 署名可以係個人或者團體嘅署名。署名下一行寫日期。 想知道 Proposal DSE 應該點寫？即撳：【 Proposal 格式】寫 ENG DSE 建議書英文實用攻略（含教學 + 範例！） Credit: unsplash @Cathryn Lavery Editorial 格式 Editorial 係社論，通常由報社嘅編輯撰寫，代表報社嘅立場。可能出現嘅題目係例如「你」係學校校報嘅編輯，而「你」想寫一篇社論，討論社會上嘅熱門議題，如電動車、虛擬貨幣等。 咁 Editorial 要點寫？ Editorial Format 第一部分：標題 由於 Editorial 社論文章有一定嘅主題，常出現嘅例子包括精神健康、電話上癮等社會議題。有一個言簡意賅嘅社論標題會為你嘅 DSE 文章加唔少分～ Editorial Format 第二部分：內文 Editorial 要點寫？由於 Editorial 係要求作者為一啲事情提出意見，類似 Article，所以有精闢嘅意見，以及清楚、詳盡嘅解釋，配合埋例子嘅論述，就已經係一篇唔錯嘅 Editorial！ 如果同學想得到更高嘅分數，不妨喺自己篇 Editorial 裡面加入另一方意見，或稱 Rebuttal 駁論。咁樣寫會令你嘅 Editorial 內容更全面同豐富～ Editorial 同 Letter to the Editor 好似好似咁，兩者究竟有咩分別？ 睇到最尾就有 Editorial 同 Letter to the Editor 分別大揭秘！ Letter to the Editor 格式 Letter to the Editor 係讀者投稿，係讀者回應編輯文章嘅一篇文章。同 Editorial 由報社編輯撰寫唔同，Letter to the Editor 通常由社會大眾撰寫。 Letter to the Editor 格式第一部分：上款 參考例句：“Dear Editor,” (記得 “Editor” 要用大階) Letter to the Editor 格式第二部分：Content 內文 結構：Topic Sentence + 每段內文。同學可以喺開首提及自己嘅身份，同解釋點解自己需要寫呢一篇投稿。 Letter to the Editor 格式第三部分：Rebuttal 駁論 同學可以先提 Editor 文章本身嘅論點，然後作出反駁。不過 Rebuttal 喺 Letter to the Editor 係唔一定要寫嘅，同學可以根據篇章要求，自行決定寫唔寫駁論～ Letter to the Editor 格式第四部分：Ending 結尾 結尾需要簡單總結內文，以及你寫呢一篇投稿嘅期望。例如：I hope that this letter may… + 你寫呢一篇投稿希望做到嘅目標；可以係希望居民嘅想法有所改變、政府部門調整佢哋嘅政策；可以係希望你嘅意見能夠被考慮 taken into consideration；又或者呼籲社會大眾有所行動。最後亦都可以留低一條與內文有關嘅問題，引發其他讀者思考。 Letter to the Editor 格式第五部分：下款 由於上款係 “Dear Editor,”，亦即係文章作者並唔知道收信人嘅姓名，所以下款需要用 “Yours faithfully,”，然後下一行寫署名，再下一行簽名。留意，上面提及嘅 Editiorial 社論唔需要有上下款，但 Letter to the Editor 讀者投稿就需要！ Press Release 格式 Press Release 係新聞稿，比較常出現喺 DSE English Paper 3。雖然 PR 唔係 DSE 最常出嘅文體，但係同學都需要認識一下，萬一喺自己嗰年出呢個文體都唔驚嘛～ Press Release 格式第一部分：Heading 標題 一篇文章如果有好嘅標題，可以畫龍點睛，令讀者只花非常短嘅時間已經可以大概知道篇章內容。同其他文體嘅標題一樣，Press Release 新聞稿嘅標題都需要置中。 Press Release 格式第二部分：引言 + 內文 Press Release 嘅 Topic Sentence 尤其重要，所以同學喺寫 TS 嘅時候，都不妨花多啲時間諗諗好嘅 TS～ 而 Press Release 嘅內文同其他文章嘅要求都冇太大分別。不過，同學要記得考慮文章嘅 Formality，繼而選擇用 Formal、Semi-formal 或者 Informal 嘅語調 (Tone) 寫新聞稿。大部分情況下，Press Release 嘅 Tone 都應該係 Formal 或者 Semi-formal 嘅。 Complaint Letter 格式 Complaint Letter 係投訴信，同學通常喺 DSE English Paper 2 同 DSE English Paper 3 都會見到 Complaint Letter 嘅蹤影。 Complaint Letter Format 第一部分：上款 參考例句："Dear XXX," Complaint Letter Format 第二部分：投訴內容 + 感受 寫 Complaint Letter 嘅時候，同學可以根據投訴內容分段，有幾多樣嘢投訴，文章就分成幾多個論點。每個論點都係關於一個投訴內容，而喺講述完投訴內容之後，同學一定要寫一寫「自己」嘅感受，當係投訴內容部份嘅 Elaboration。如果只係搬字過紙嘅話，不但欠缺由自己所寫嘅內容，令 Content 分數下跌，更有可能會 同其他考生寫嘅嘢一模一樣，令改咗好多份卷嘅 Marker 覺得毫無新意。 Complaint Letter Format 第三部分：Conclusion 結論 喺講完要投訴嘅內容後，究竟寫信人想得到啲咩？呢個部份就需要喺結論部份寫喇。呢個部份可以包括寫信人要求嘅感受、進一步行動等。 Complaint Letter Format 第四部分：下款 如果寫信者知道收信人嘅名字，Letter of Complaint 下款就用 “Yours sincerely, XXX”；反之就係 “Yours faithfully, XXX”. Reply Letter 格式 Reply Letter 泛指回信，而 DSE English Paper 2 同 DSE English Paper 3 常出現嘅 Reply Letter 包括 Reply Letter to a Letter of Complaint (投訴信的回覆)、Reply Letter to Enquiries (查詢的回覆) 等。究竟 Reply Letter 有咩格式？即刻睇落去啦！ Reply Letter 格式第一部分：上款 同上，同學可以寫 "Dear XXX,” 做文章嘅開頭。 Reply Letter 格式第二部分：內文 Reply Letter 嘅內文同 Press Release 新聞稿嘅寫法有部份相似。Reply Letter 嘅內容非常取決於要寫咩內容，所以同學只要跟住題目要求寫就唔會有大問題。不過，Reply Letter 嘅 Formality 都非常重要。例如如果你需要回覆客人，咁就比較大機會需要用 Formal Tone 去寫信；如果收信對象係朋友或者比較相熟嘅人，個 Tone 就可能可以比較 Semi-formal，甚至係 Informal。呢個 Formality 寫法之分只係一個比較大概嘅分類，同學喺寫文嘅時候記得要自己判斷要點寫～ DSE English 寫作格式常見問題 Q: DSE English Paper 2 / DSE English Paper 3 體裁種類？ A: Speech、Profile、Notice、Editorial、Letter to the Editor、Press Release、Complaint Letter、Reply Letter 等。 Q: DSE English Paper 2 / DSE English Paper 3 溫書方法 / 進步方法？ A: 要提升英文寫作能力，同學可以閱讀多啲優秀英文文章、多學習英文字詞同 Sentence Structure。不過最重要係要將 DSE English Paper 2 格式背得滾瓜爛熟！ Q: DSE 英文作文 Yours Sincerely 同埋 Yours Faithfully 分別？ A: 如果寫信人知道收信人嘅名字，下款就用 Yours Sincerely；如果寫信人唔知道收信人嘅名字，下款就用 Yours Faithfully。 Q: Editorial 同 Letter to the Editor 有咩分別？ A: Editorial 係社論，係編輯 (Editor) 寫嘅文章。Letter to the Editor 係讀者投稿，係讀者回應編輯 (Editor) 寫嘅文章嘅文章。Editorial 同 Letter to the Editor 都係 DSE English Paper 2 最常考核嘅文體之一，同學記得要溫熟佢哋嘅格式！ 更多DSE英文常用寫作格式： Proposal 建議書 | Speech 演講辭 | Reoprt 報告
