自 2018 DSE 起，考評局喺中文卷重新加入「12 篇範文」，佔 2022 DSE 中文卷一 30%。十二篇範文篇幅有長有短，篇幅短嘅包括詩三首、詞三首等，但大家千祈唔好睇少佢哋，因為考評局一樣可以出到好難！上次我分享咗《岳陽樓記》語譯，聽到有同學想趁呢個暑假，由篇幅較短嘅詞三首、詩三首開始，好好溫習 DSE 中文範文，咁就等我同大家講講《山居秋暝》語譯啦！
文言文
空山新雨後，天氣晚來秋。
明月松間照，清泉石上流。
竹喧歸浣女，蓮動下漁舟。
隨意春芳歇，王孫自可留。
白話文
空曠的山野一陣新雨剛剛下過，晚間時（涼風悠悠）使人感到秋意更濃。
皎潔的明月在松林間映照，清澈的泉水在山石上流動。
竹林裏的喧鬧聲來自洗完衣裳歸家的姑娘，蓮葉擺動是因捕魚的船隻順流而下。
任憑春天的花草凋謝，隱居山中的人自然可以久留。
（「詩三首」其一：王維《山居秋暝》 ）
成篇文講乜？
借描寫秋天雨後山中傍晚的美景，凸顯了鄉居的人的淳樸生活，寄寓了租對於寧靜的山裏隱居生活的嚮往，抒發自己願意寄情山水的高尚情操。
有咩重點
- 詩歌與詞的體例
- 作者借詩或詞抒發的感情
- 作者在文本中描寫的事物或者景色
其他文又點溫好？
轉眼間暑假只係剩返一個月，同學一定要捉緊暑假嘅尾巴，好好善用假期溫書～
中四同學可以利用暑假，好好重溫、鞏固已學嘅範文篇章；而中五同學就更加要把握 DSE 前最後嘅長假期，溫習返所有十二篇範文嘅內容大意、作法等，咁上到中六就可以專心操卷，備戰 DSE 中文！
眼見唔少同學本身 DSE 中文閱讀只得 Level 4，但經過一個暑假嘅努力，將 12 篇範文問答、語譯、字詞意思溫習得滾瓜爛熟之後，喺中六初期已經穩定達到 Level 5 嘅水平。相信喺中六密集式嘅溫書同操卷下，DSE 中文閱讀有望坐五望星。
暑假雖然只得個半月，普通同學可能喺做功課、約朋友出街玩嘅時候已經過完，但勤力嘅同學就用呢段時間，好好溫習，最後個半月足以令同學升 1-2 個 grade！
最後，希望各位同學都努力溫書裝備自己，同時不忘好好休息，畢竟 DSE 係一場長跑競賽嚟㗎嘛～
