念奴嬌赤壁懷古

蘇軾《念奴嬌．赤壁懷古》係 DSE 中文十二篇範文「詞三首」嘅其中一首，作者喺篇章運用大量以古襯今、借景抒情、借事抒情、人物描寫等嘅寫作手法嚟表達感情。雖然念奴嬌係 12 篇範文裏面比較短嘅篇章，但要溫習嘅內容絕對唔少。我今日就喺 AfterSchool 同大家分享念奴嬌赤壁懷古嘅原文同語譯，幫助同學溫書～

想知蘇軾一家「三蘇」係邊三個，同埋想睇念奴嬌語譯嘅同學記得睇到尾啊！

文言文

大江東去，浪淘盡、千古風流人物。故壘西邊，人道是、三國周郎赤壁。亂石穿空，驚濤拍岸，捲起千堆雪。江山如畫，一時多少豪傑！　

遙想公瑾當年，小喬初嫁了，雄姿英發。羽扇綸巾，談笑間、檣櫓灰飛煙滅。故國神遊，多情應笑我，早生華髮。人間如夢，一尊還酹江月。

 

白話文

（浩浩蕩蕩的）長江向東面（滾滾而）去，（滔滔）巨浪沖洗盡了，年代久遠的傑出英雄人物（之事蹟）。舊時營壘西邊，人們說是，三國時期周瑜（大敗曹操）的赤壁遺跡。雜亂的（即陡峭不平）石壁插入高空，令人驚恐的波濤拍擊岸邊，捲起千萬堆白雪似的浪花。江河山川像畫一樣（壯麗），一個時期孕育了多少豪強俊傑！

回想昔日的周瑜，小喬剛剛嫁給了他，他雄壯的姿態彷彿英氣風發的樣子。（他拿著）羽毛扇子，（戴著）青絲頭巾，談笑之間，曹軍的戰船就如灰燼和煙霧般消失（意即覆滅）了。精神上遊歷三國古戰場，應該笑我太多愁善感，而過早長出花白的頭髮。人生就像一場大夢，（我姑且）澆灑一樽美酒，祭奠江中的明月。

重點記一記

借描述赤壁雄奇壯觀的景色，引發了對周瑜的懷念，從而抒發自己年華老去，卻未能如周瑜般建功立業的無奈之情，最終只能夠對著江月喝酒，排遣心情。

學識睇埋其他文章

另外，相信大家對念奴嬌作者蘇軾一定唔會陌生，亦都一定讀過蘇軾其他經典作品，例如《水調歌頭》（明月幾時有）、《洞庭春色賦》等等。

反之，大家可能對「三蘇」其他兩人冇咁熟悉：蘇轍係蘇軾嘅弟弟，而蘇洵就係蘇轍同蘇軾嘅爸爸。三人同屬「唐宋古文八大家」嘅作家，係對後世影響深遠嘅宋代文學家。

過往 DSE 中文都有多條問及念奴嬌赤壁懷古嘅題目，例如問蘇軾喺念奴嬌表現出點樣嘅人生態度，同埋作者點樣透過刻畫人物形象去抒發個人情懷。大家溫習念奴嬌嘅時候，不妨由篇章語譯、主旨同埋寫作手法入手，咁就可以事半功倍！