相信好多同學一聽到「寫作手法」，腦海裡面會浮現好多曾經聽過嘅詞彙，例如「過渡」、「鋪墊」、「承上啟下」、「襯托」、「側面描寫」、「總分總」等等，只可以講係腦海有數之不盡嘅知識，但完全冇將佢哋歸類好，咁試問又點會有一個好嘅學習模式，令你成績進步呢？
AfterSchool 為你帶嚟一篇超級重要嘅「皇牌懶人包」，教識你 DSE 全部共 7 類嘅寫作手法，並附上例子及用法技巧！
喺學習零散嘅新知識之前，有冇諗過需要先建立一個系統性嘅學習模式？我係文靜，多年來透過DSE中文補習幫助學生輕鬆取得大學入場券。想知道我嘅教學理念同往績，即撳：中文補習名師 文靜 | AfterSchool
目錄
寫作手法是什麼？
喺講寫作手法包括啲咩之前，不如先為大家解釋吓咩叫寫作手法啦！
寫作手法，係因應唔同體裁而歸納出嚟嘅「寫作元素」，簡單嚟講就係文學研究者將文章按唔同嘅目的 / 風格去分類，例如記敍文、說明文、議論文等等，喺呢個前提下再分析出呢啲文章各自嘅特點元素，就比如記敍文會有時地人事、議論文會用舉例/引用等方法嚟支持自己論點等等。
如果都仲係唔明，可以幻想依家有位醫生同建築工人企喺你面前，如果你要形容對佢哋嘅特徵，醫生可能會係英文好叻、聰明、著白色長袍；建築工人會係大力、黝實、著住反光衣。兩者職業就好比兩種唔同嘅文章體裁，而佢哋嘅特徵就係寫作手法。
寫作手法有哪些？
正如我上述所講咁，其實只要知道有幾多種體裁，就會知道有幾多種寫作手法。
想知道DSE所有體裁嘅詳細介紹？即撳：【體裁是什麼？】中文常見白話文文體一覽！（初中至DSE適用）
由於實用文係講求快捷直接，其中又包括書信、通告等好多種唔同嘅格式，所以佢係冇自己嘅寫作手法；換言之，每一種體裁都會對應一種寫作手法，整理好之後就係咁：
| DSE level 需要學懂的寫作手法 | |
| 文章體裁手法 |
|
| |
| |
| |
| |
| 句子修飾 |
|
| 結構修飾 |
|
文章體裁寫作手法全分析
1. 記敍手法
- 六何法：人物、地點、時間、事件發生（起因） 、事件經過、事件結果
- 內容：詳寫 / 略寫（不要流水帳）
- 順序：順序、倒序、插序、散序
想知道更多記敍手法詳細技巧？即撳：【記敘手法大全】初中至 DSE 適用，必學記敍文叙事 7 要素！（含例子+判斷技巧）
2. 描寫手法
- 描寫對象：人/物/景
- 直接描寫主體 / 間接描寫配角以突出主體
- 描寫詳略：白描/細描
- 動態描寫 / 靜態描寫
- 描人：動作、心理、肖象、神態、語言
- 描景（心態）：融情入景（緣情寫景）、觸景生情
- 描物：五感（視覺、聽覺、味覺、嗅覺、觸覺）
想知道更多描寫手法詳細技巧？即撳：【描寫手法大全】初中至 DSE 適用，描寫人/寫物/寫景一文看懂！（含例子+判斷技巧）
3. 抒情手法
- 直接抒情 / 間接抒情
- 間接抒情：借人 / 借事 / 借物 / 借理
- 融情入景（緣情寫景） / 觸景生情
- 以小見大
想知道更多抒情手法詳細技巧？即撳：【抒情手法大全】初中至 DSE 適用，借事/借物/緣情寫景/觸景生情好處一文看懂！（含例子+判斷技巧）
4. 說明手法
- 説明手法（共9種）：分類說明、數字說明、舉例說明、定義說明、描述說明、引用說明、比較說明、比喻說明、借事說理
- 説明結構：總分總、總分、分總
想知道更多說明手法詳細技巧？即撳：【說明手法大全】初中至 DSE 適用，舉例說明、分類說明、比較說明等好處一文看懂！（含例子+判斷技巧）
5. 議論手法
- 論證手法（共8種）：舉例論證、引用論證、比喻論證、對比論證、類比論證、演繹論證、歸納論證、因果論證等。
- 三元素：論點、論據、論證（論點為談論的重點問題，論據是指用什麼去證明，論證是指如何證明）
想知道更多議論手法詳細技巧？即撳：【議論論證手法大全】初中至 DSE 適用，必學 8 種論證方法！（含例子+判斷技巧）
寫作手法 vs 修辭手法
相信眼利嘅同學都會見到，原來修辭手法都係屬於寫作手法嘅一種，所以我哋可以咁樣去理解：
寫作手法就好似一個大背囊，裡面裝住6個膠袋（記敍手法、修辭手法...），而每個膠袋裡面都裝住一種水果，例如修辭手法就裝住好多個橙（比喻、對比、誇張...）。
注意！喺DSE嘅世界裡面一般要求學生答到最Deep，就比如如果有條問題問你「xxxxxx」呢句用咗咩寫作手法，你係唔可以就咁答「用咗修辭手法」，你必須要答「用咗比喻」先會攞到分；另外如果佢問你用咗咩修辭手法，你唔可以調返轉答「用咗寫作手法」，更加唔好答咗其他嘢，就好似係「用咗側面描寫」，事關側面描寫係屬於描寫手法嘅一種！
公開試問題通常會問埋「呢個手法對文章有咩作用」，想知道所有修辭手法及其作用？即撳：【修辭手法大全】 23 種中文作文修辭手法 DSE 例子+用法效果+作用好處+如何判斷
寫作手法 vs 結構作用
用樣道理，結構作用都係屬於寫作手法嘅一種，例子如下：
| 結構作用 | 文首：點明主題、總領全文、引起下文、埋下伏筆、設置懸念、鋪墊後文、提綱挈領、開門見山 |
| 文中：承上啟下、前後照應、總結上文、呼應前文、過渡 | |
| 文末：首尾呼應、總結全文、揭示主題 | |
| 全文：先抑後揚、先揚後抑 |
