你到底係咪真係溫緊書？ 相信大家都試過溫書既時候，不自覺走左去禁手機、睇Instagram，搞到最後哂哂D時間咩都無做到。今日就同大家介紹番一個方法去提升專注力同學習效率。 Pomodoro Technique 呢個方法叫做Pomodoro Technique，中文叫蕃茄工作法， 係由Francesco Cirillo發明於80年代發明。簡單黎講，Pomodoro Technique 就係將你溫習時間分開做25分鐘既時段，我地稱之為pomodoro。而係pomodoro同pomodoro之間都會有一個5分鐘既休息。你要做既野好簡單： 選定一個你想完成既目標，例如係功課或者溫習，並準備好所有你需要既文房四寶。 準備好你既計時器並開始倒數25分鐘，專心去完成你既task。 計時器響起，即刻放低筆同計時5分鐘，係呢5分鐘入面隨便做你想做既事去放鬆一下。 一聽到計時器響即係放低所有野，重新計時25分鐘繼續做野。 每完成四個pomodoro可以有一個15分鐘既long break，然後再重新開始pomodoro既cycle。 點解pomodoro可以提升我地既溫習效率？ 呢個方法既d重點就係果25分鐘一定要全心全意集中去做一件事，絕對絕對唔可以突然走左去禁電話覆messages等等，所以我會強烈建議大家係開始前將電話既所有提示關哂，最好就開埋飛行模式，確保果25分鐘入面可以專心去完成你既任務。而且無數既研究顯示，正常人類既集中時間係20-30分鐘，所以每25分鐘會有一個休息，比大家叉下電，然後在繼績工作。 Pomodoro Technique 詳解 大家想深入了解多D Pomodoro Technique同點樣運用呢個方法去溫書，可以睇下呢段片。 Apps for Pomodoro 最後為大家介紹番兩個免費既pomodoro apps，兩個都係好簡單咁比大家去使用pomodoro technique，而且仲可以自行調節pomodoro同break既長度，大家不妨係下次溫書做功課既時候試下，感受下pomodoro technique既神奇魔力
